প্রেরিত্‌ 25:4 - Chakma Bible

⁴ সেক্কে ফীষ্ট কলঅ, “পৌলরে কৈসরিয়াত্ বানি থুয়ো ওইয়্যে আর মুই নিজে যাদিমাদি সিধু যাঙর্।

প্রেরিত্‌ 25:4 ပူးပေါင်းရင်းမြစ်များ

প্রেরিত্‌ 24:23

তে পৌলরে চুগি দিবাত্যে শত উগুরে সেনাপতিবোরে উগুম্ দিলো, মাত্তর্ তারে কিজু খুলোমেলা গুরি থবাত্তে কলঅ। তে অনুমতি দিলো যেন পৌল সমাজ্যেগুনে এইনে দরকার্ মজিম্ তারে দেগাশুনো গুরি পারন্।

প্রেরিত্‌ 24:27

দ্বি বজর্ পার্ ওই গেলে পরেদি ফীলিক্স জাগানত্ পর্কীয় ফীষ্ট এলঅ। ফীলিক্সে যিহূদীগুনোরে হুজী গুরিবাত্যে পৌলরে জেল্‌খানাত্ থোই গেলঅ।

প্রেরিত্‌ 25:1

সেই রেজ্যত্ এজানার্ তিন দিন পরেদি ফীষ্ট কৈসরিয়াত্তুন্ যিরূশালেমত্ গেলঅ।

প্রেরিত্‌ 25:13

ইয়েনর্ কয়েক দিন পরেদি যিহূদীগুনোর রাজা আগ্রীপ্প আর তা মোক্কো বর্ণীকী ফীষ্টরে ভালেদি জানেবাত্তে কৈসরিয়াত্ এলাক্।

প্রেরিত্‌ 25:16

মুই তারারে কলুং, কনঅ মান্‌জ্য বিরুদ্ধে যুনি কনঅ আবিত্তি গরা অয় সালে যিগুনে আবিত্তি গোজ্জ্যন্ তারা মুজুঙোত্ নিজোরে নিদ্দুজি বিলি প্রমাণ্ গুরিবার সুয়োগ ন-পানা সং তারে সাজা দিবার্ কধা রোমীয়গুনোর নুয়ো সুদোমত্ নেই।

প্রেরিত্‌ 25:5

তমাত্তুন্ কয়েক্কো খেমতাবলা মানুচ্ মঅ লগে যাদোক্ আর যুনি সেই মানুচ্চো কনঅ দুষ্ গুরি থায় সালে সিয়েন দেগেই দেদোক্।”

প্রেরিত্‌ 25:6

ফীষ্ট তারা সমারে আট্ট্য-দশ দিন্ কাদেইনে কৈসরিয়াত্ ফিরি গেলঅ। তার্ কেল্যে তে বিচের-সভাত্ বৈইনে পৌলরে তা মুজুঙোত্ আনিবার্ উগুম্ দিলো।

প্রেরিত্‌ 8:40

মাত্তর্ ফিলিপরে অস্‌দোদ শঅরত্ দেগা গেলঅ। তে আদামে আদামে গম্ হবর্ ফগদাং গত্তে গত্তে যেরেদি কৈসরিয়াত্ গেলঅ।