প্রেরিত্‌ 25:25 - Chakma Bible

²⁵ মাত্তর্ মুই দেগিলুং, মরণর্ সাজা দেদে ধোক্ক্যেন্ কনঅ দুষ্ তে ন-গরে। মাত্তর্ তে নিজে যেক্কে সম্রাট ইধু আবিত্তি গোজ্জ্যে সেক্কে মুই তারে সম্রাট ইধু দিপাধানা ঠিগ্ গোল্লুং,

প্রেরিত্‌ 25:25 ပူးပေါင်းရင်းမြစ်များ

যিরমিয় 26:16

সেক্কে রাজকর্মচারীগুনে আর বেক মানুচ্চুনে ধর্মগুরু আর ভাববাদীগুনোরে কলাক্, “এ মানুচ্চো মরণর সাজা পেবার যগাজ্যে নয়। তে আমার গোজেন লগেপ্রভুর নাঙে আমা ইধু কধা কোইয়্যে।”

লূকে লেখ্যে গম্ হবর্ 23:14

“তুমি এ মানুচ্চোরে এ দুচ্‌চান্ দিইনে মইধু আন্ন্য, মানুচ্চুনোরে তে সরকার বিরুদ্ধে নেযার্। মাত্তর্ তারে মুই তমা মুজুঙোত্ জেরা গোজ্যং। তুমি তা বিরুদ্ধে যেদক্কানি দুচ্ দুয়োর্ সিয়েনর্ এক্কানত্-অ তে দুষি বিলি প্রমাণ ন-পাং।

লূকে লেখ্যে গম্ হবর্ 23:4

সেক্কে পীলাতে আঝল্ ধর্মগুরুগুনোরে আর বেক্ মানুচ্চুনোরে কলঅ, “মুই দঅ এ মানুচ্চোর্ কনঅ দুচ্‌ ন-দেগঙর্।”

যোহন 18:38

পীলাতে তারে কলঅ, “সত্যগান্ কি?” এ কধাগান্ কোইনে তে আরঅ বারেদি যিহূদী নেতাগুনো ইধু যেইনে কলঅ, “মুই ইবের্ কনঅ দুষ্ ন-দেগঙর্।

প্রেরিত্‌ 23:29

মুই বুঝি পারিলুং, তারার্ ধর্মর্ রীতি-সুদোম পৌইদ্যেনে তারা তারে দুষী গত্তন্, মাত্তর্ মুরিবার বা জেলোত্ যাইদ্যে ধোক্ক্যেন্ এমন কনঅ দুষ্ তার্ নেই।

প্রেরিত্‌ 23:9

সেক্কে ভারী কোল্-কোজ্জ্যে আরাম্ভ অলঅ আর ফরীশী দলর্ কয়েক্কো ধর্ম-মাষ্টর উদিনে রঅ ছাড়ি ছাড়ি কধা কুয়ো ধুরিলাক্। তারা কলাক্, “আমি এ মানুচ্চোর্ কনঅ দুষ্ ন-দেগির্। অয়ত কনঅ আত্মা বা কনঅ স্বর্গদূতে তা সমারে কধা কোইয়্যে।”

প্রেরিত্‌ 25:26

মাত্তর্ দাঙর্ সম্রাট ইধু লেগেদে ধোক্ক্যেন্ এমন্ সঠিগ্ কিজু ন-পেলুং। সেনত্তে মুই তমা বেক্কুনো মুজুঙোত্, বিশেষ গুরি রাজা আগ্রিপ্প তঅ মুজুঙোত্ তারে আন্ন্যং যাতে তারে জেরা গুরিনে কিজু অন্তত: মুই লিগি পারং;

প্রেরিত্‌ 26:31

সে পরেদি তারা সেই ঘরানত্তুন্ গেলাক্‌কোই আর একজন আরেকজনরে কুয়ো কি গুরিলাক্, “এ মানুচ্চো মরণর্ সাজা পেবার্ বা জেল্ খাদেদে ধোক্ক্যেন্ কিচ্চু ন-গরে।”

প্রেরিত্‌ 27:1

জাহাজত্ গুরিনে আমারে ইটালীত নেযানা ঠিগ্ অলে পরেদি পৌল আরঅ কয়েক্কো বন্দীরে যুলিয় নাঙে এক্কো শত উগুরে সেনাপতি আঢত্ দিয়্যে অলঅ। যুলিয় এলঅ সম্রাটর নিজোর্ সৈন্যদলর্ এক্কো শত উগুরে সেনাপতি।

প্রেরিত্‌ 28:18

রোমীয়গুনে মরে জেরা গুরিনে ইরি দিবাত্তে চেইয়োন, কারন মরেদে ধোক্ক্যেন্ কনঅ দুষ্ মুই ন-গরং।