প্রেরিত্‌ 25:23 - Chakma Bible

²³ তার্ কেল্যে রাজা আগ্রিপ্প আর বর্ণীকী আজল্ সেনাপতিগুনোরে আর শঅরর্ আজল্ আজল্ মানুচ্চুনোরে লোইনে সয়-সাগোজ্যে গুরি সভা-ঘরত্ সোমেলাক্। ফীষ্টর্ উগুমে পৌলরে সিধু আনা অলঅ।

প্রেরিত্‌ 25:23 ပူးပေါင်းရင်းမြစ်များ

ইষ্টের 1:4

তে ছয় মাস সং তা রেজ্যর্‌ বোউত্‌ ধন-সোম্বোত্তি আর রাজা ইজেবে তার্‌ সয়-সাগোজ্যেগানি তারারে দেগেল।

উপদেশক 1:2

তে কোইয়্যেদে, “বাহ্‌জে, বাহ্‌জে ধরনর্! কনঅ কিজু থিদেবর্ নয়। বেক্কানি বাহ্‌জে!”

যিশাইয় 14:11

তর্ বেক্ সয়সাগোজ্যেগানি মরণ জাগাত্ লামেই আনা ওইয়্যে; সে লগে তর্ বেক্ বীণার রঅগুন লামা ওইয়্যে। তঅ তলেদি ছিদি পোজ্যে রোইয়োন্দে পুগ্ আর সিগুনে তরে নাঢি ফেল্যন্।

যিশাইয় 5:14

সেনত্তে মরন জাগায়ানে তা গত্তনার্ নালীবো পাদাজ্যে গোজ্যে, তা মুয়োন্ অমকদ দাঙর্ গুরিনে আ গোজ্যে। সর্মানি আর সাধারন মান্‌‌জ্যে, কোজ্যে বাজেয়্যে আর রঅ ছাড়িয়্যেগুনে বেক্কুনে সিয়েনত্ লামিবাক্।

যিহিষ্কেল 30:18

মুই যেক্কেনে মিসরর জুঙোলান্ ভাঙি ফেলেম সেক্কে তফন্‌হেষত্ দিনোত্ আন্ধার্ লামি এবঅ; সিয়েনত্ তার খেমতার বাড়্ গরানায়ো শেজ্ ওই যেবঅ। তে মেঘে নাঢা যেবঅ আর তার আদামানির মানুচ্চুন বন্দীদজাত্ যেবাক্।

যিহিষ্কেল 32:12

খেমতাবলা মানুচ্চুনোর লাম্বা ছুরিলোই, অত্তাৎ বেক্ জাদ ভিদিরেত্তুন্ চিৎনপুজ্যে জাদর্ লাম্বা ছুরিলোই মুই তর্ বেক মানুচ্চুনোর পতন ঘোদেম্। তারা মিসরর্ অহংকার চুরমার গুরিবাক্ আর তার বেক মানুচ্চুনোরে ভস্ত গুরিবাক্।

যিহিষ্কেল 33:28

মুই ইস্রায়েল দেজ্‌‌চানরে এক্কান মানুচ্ নেইয়্যে পড়ি থেইয়্যে জাগা বানেম্; তার খেমতার বাহাদুরি শেজ্ ওই যেবঅ আর তার মুড়োমুড়িগুন এমনভাবে খালি ওই পড়ি থেবঅ যে, সিয়েনদি কনজনে যানা-এযানা ন-গুরিবাক্।

যিহিষ্কেল 7:24

তারার্ ঘরানি গজক্ গুরিবাত্তে মুই জাদ্‌‌তুনো ভিদিরেত্তুন্ বেগত্তুন্ পাজি জাদ্‌‌তোরে আনিম। মুই খেমতাবলাগুনোর বাড়্‌বোগানি ভাঙি দিম্, আর তারার্ সুদ্ধো-সাংগ জাগায়ানি অসিজি গুরিম।

মার্ক 6:21

শেজদি হেরোদিয়া সুযোগ্‌কো পেলঅ। ইবে অলদে এক্কো হেরোদর জর্মদিন, যেক্কেনে তে রেজ্যর্ উগুরে কত্তাগুন, সেনাপতি আর গালীল রেজ্যর্ আজল্ নেতাগুনোত্তে এক্কো হানা দিলো।

প্রেরিত্‌ 12:21

সেক্কে হেরোদে এক্কো দিন ঠিগ্ গুরিলো। তে সেদিন্ন্যে রাজপোশাক্ পিনিইনে সিংহাসনত্ বৈইনে সেই মানুচ্চুনো ইধু কধা কুয়ো ধুরিলো।

প্রেরিত্‌ 25:13

ইয়েনর্ কয়েক দিন পরেদি যিহূদীগুনোর রাজা আগ্রীপ্প আর তা মোক্কো বর্ণীকী ফীষ্টরে ভালেদি জানেবাত্তে কৈসরিয়াত্ এলাক্।

প্রেরিত্‌ 26:30

সেক্কে রাজা উদিলো আর তা সমারে সমারে আজল্ শাসনগুরিয়্যে ফীষ্ট আর বর্ণীকী আহ্ যিগুনে তারা সমারে বৈই এলাক্ বেক্কুনে উদিনে থিয়েলাক্।

প্রেরিত্‌ 9:15

মাত্তর্ প্রভু অননিয়রে কলঅ, “তুই যাহ্, কিয়া অযিহূদীগুনোর আহ্ তারার্ রাজাগুনোর আর ইস্রায়েলীয়গুনো ইধু মঅ পৌইদ্যেনে ফগদাং গুরিবাত্যে মুই এ মানুচ্চোরে বেঈ লোইয়োং।

১ করিন্হীয় 7:31

যিগুনে জগদ পৌইদ্যেনে জোড়েইয়্যে তারা যেন পুরোপুরি জোড়েইয়্যে নয়; কিয়া জগদর্ চেঙেরাগান্ বুদুলি যার্।

যাকোব 1:11

বেলানে যেক্কে জ্বোল্‌‌জোল্ল্যে গরমে উদে সেক্কে সেই ঘাস্‌‌চানি শুগেই যায়, ফুলুন্ ঝুরি যান্ আর সিগুনোর্ দোলান্ বর্‌‌বাদ্ ওই যায়। তাগোয়্যে মানুচ্চোয়ো ঠিগ্ সেবাবোত্যে গুরি তা জিংকানিগান কাম্ গত্তে গত্তে থুম্ ওই যেবঅ।

১ পিতর 1:24

পবিত্র বোইবোত্ লেগা আঘে, বেক্ মানুচ্চুন ঘাস ধোক্ক্যেন, আর ঘাস ফুলো ধোক্ক্যেন তারার্ বেক দোলান্; ঘাস শুগেই যায়, আর ফুল্অ ঝরি যায়,

১ যোহন 2:16

কিয়া জগদ ভিদিরে যিয়েনি আঘে-কিয়্যের্ কামনা, চোগোর্ লুভ আর সংসার পৌইদ্যেনে দেমাগ্-ইয়েনর্ কনগান বাবা ইত্তুন্ ন-এজে, জগদত্তুন্ এজে।