প্রেরিত্‌ 25:19 - Chakma Bible

¹⁹ বরং তারার্ ধর্ম পৌইদ্যেনে আর যীশু নাঙে এক্কো মরা মান্‌জ্য পৌইদ্যেনে তারে দুষী গুরিলাক্। পৌল নাঙে সেই মানুচ্চো দাবি গরেদে, সেই যীশু বাঁজি আঘে।

প্রেরিত্‌ 25:19 ပူးပေါင်းရင်းမြစ်များ

প্রেরিত্‌ 17:31

কিয়া তে এমন্‌ এক্কো দিন ঠিগ্ গোজ্যে যেদিন্ন্যে তার্ বেঈ লোইয়্যে মানুচ্চোলোই তে গমেডালে মান্‌জ্যর্ বিচের্ গুরিবো। তে সেই মানুচ্চোরে মরণত্তুন্ জেদা গুরি তুলিনে বেক্ মানুচ্চুনো ইধু ইয়েনর্ প্রমাণ্ দিয়্যে।

প্রেরিত্‌ 18:15

মাত্তর্ ইয়েন যেক্কে বিশেষ কনঅ বেপার, কারঅ নাঙর্ বেপার আর তমা রীতি-সুদোমর্ বেপার, সেনত্তে তুমি ইয়েনর্ মিট্‌মাট্ গরঅ। মুই সিয়েনি পৌইদ্যেনে বিচের্ ন-গুরিম।”

প্রেরিত্‌ 18:19

ইফিষ শঅরত্ লুমিনে তে প্রিষ্কিল্লা আর আকিলারে ইরি দিলো। যেরেদি তে নিজে সমাজ-ঘরত্ যেইনে যিহূদীগুনো সমারে যীশু পৌইদ্যেনে কধাবাত্তা কুয়ো ধুরিলো।

প্রেরিত্‌ 2:32

গোজেনে সেই যীশুরে জেদা গোজ্যে, আর আমি বেক্কুনে সিয়েনর সাক্ষী।

প্রেরিত্‌ 23:29

মুই বুঝি পারিলুং, তারার্ ধর্মর্ রীতি-সুদোম পৌইদ্যেনে তারা তারে দুষী গত্তন্, মাত্তর্ মুরিবার বা জেলোত্ যাইদ্যে ধোক্ক্যেন্ এমন কনঅ দুষ্ তার্ নেই।

প্রেরিত্‌ 25:18

যে মানুচ্চুনে তারে দুষ্ দেদন্ তারা যেক্কে কধা কবাত্যে উদিনে থিয়্যেলাক্ সেক্কে মুই যেবাবোত্যে মনে গোজ্জ্যং সেবাবোত্যে কনঅ আবিত্তি তারা ন-গুরিলাক্,

প্রেরিত্‌ 25:7

যে যিহূদীগুনে যিরূশালেমত্তুন্ এচ্চ্যন্ পৌলে সিধু লুমিলে পরেদি তারা তা চেরোকিত্ত্যেদি থিয়্যেইনে তা বিরুদ্ধে নানান্ বাবোত্যে বজং দুষ্ দিলাক্, মাত্তর্ সিয়েনির কনঅ প্রমাণ দি ন-পারিলাক্।

প্রেরিত্‌ 26:3

বিশেষ গুরিনে যেক্কে যিহূদীগুনোর্ সুদোম আর তর্কর্ বেপারানি তর্ গমেডালে জানা আঘে। ইয়েনত্তে ধৈজ্জ্য ধুরি মঅ কধানি শুনিবাত্যে মুই তরে বিশেষ্ গুরি কোজোলি গরঙর্।

ফগদাং পেইয়্যে 1:18

মুয়ই উমরত্যে জেদা। মুই মোজ্জ্যং আর চঅ, ইক্কিনে মুই যুগ যুগ ধুরিনে উমরত্যে জেদা আঘং। মইধু মরণান্ আর মরণ জাগার চাবি আঘে।