প্রেরিত্‌ 25:18 - Chakma Bible

¹⁸ যে মানুচ্চুনে তারে দুষ্ দেদন্ তারা যেক্কে কধা কবাত্যে উদিনে থিয়্যেলাক্ সেক্কে মুই যেবাবোত্যে মনে গোজ্জ্যং সেবাবোত্যে কনঅ আবিত্তি তারা ন-গুরিলাক্,

প্রেরিত্‌ 25:18 ပူးပေါင်းရင်းမြစ်များ

যোহন 18:31

পীলাতে তারারে কলঅ, “ইতারে তুমি নেযেইনে তমা রীদি-সুদোম মজিম্ বিচের্ গরঅ।” সেক্কে যিহূদী নেতাগুনে পীলাতরে কলাক্, “মাত্তর্ কাররে মরণর্ সাজা দিবার্ খেমতা দঅ আমা আঢত্ নেই।”

প্রেরিত্‌ 18:14

পৌলে কধা কদে যেবঅ এমন সময়োত্ গাল্লিয়ো যিহূদীগুনোরে কলঅ, “যিহূদীলগ্, ইয়েন যুনি কনঅ অন্যেয় বা যদবদে কনঅ দুষোর্ বেপার অদঅ সালে তমা কধা শুনোনা মর্ পক্ষে ঠিগ্ কাম অদঅ।

প্রেরিত্‌ 25:17

“সেই যিহূদীগুনে মঅ সমারে এজানার্ পরেদি মুই দেরি ন-গুরিনে তার্ কেল্যে বিচের্ গুরিবাত্তে বুজিলুং আর সেই মানুচ্চোরে আনিবাত্যে উগুম গুরিলুং।

প্রেরিত্‌ 25:19

বরং তারার্ ধর্ম পৌইদ্যেনে আর যীশু নাঙে এক্কো মরা মান্‌জ্য পৌইদ্যেনে তারে দুষী গুরিলাক্। পৌল নাঙে সেই মানুচ্চো দাবি গরেদে, সেই যীশু বাঁজি আঘে।

প্রেরিত্‌ 25:5

তমাত্তুন্ কয়েক্কো খেমতাবলা মানুচ্ মঅ লগে যাদোক্ আর যুনি সেই মানুচ্চো কনঅ দুষ্ গুরি থায় সালে সিয়েন দেগেই দেদোক্।”