প্রেরিত্‌ 25:11 - Chakma Bible

¹¹ যিয়েন্ ওক্‌, যুনি মুই মরেদে ধোক্ক্যেন্ কনঅ দুষ্ গুরি থাং সালে মুই মুরিবাত্তেয়ো রাজী আঘং। মাত্তর্ এ যিহূদীগুনে মঅ বিরুদ্ধে যে দুষ্‌চানি দেদন্ সিয়েনি যুনি সত্য ন-অয় সালে ইগুনো আঢত্ মরে ইরি দিবার্ অধিকারান্ কনজনর্ নেই। মুই সম্রাট ইধু আবিত্তি গরঙর্।”

প্রেরিত্‌ 25:11 ပူးပေါင်းရင်းမြစ်များ

ইয়োব 31:21

বিচেরত্ মর্ খেমতা আঘে বিলিনে মুই যুনি বাপ-মা নেইয়্যেগুনোর কিয়্যেত্ আত্ তুলি থাং,

যিরমিয় 37:18

সে পরেদি যিরমিয় রাজা সিদিকিয়রে কলঅ, “মুই তর্ বা তঅ চাগরুনোরে বা এ মানুচ্চুনো বিরুদ্ধে কি দুষ্ গোজ্যং যে, তুমি মরে জেলোত্ রাগেয়ো?

প্রেরিত্‌ 16:37

সেক্কে পৌলে সেই জেল-চুগুদারুনোরে কলঅ, “আমি রোমীয়, আমা বিচের্ ন-গুরিনে বেক্কুনো মুজুঙোত্ বেত্ মারা ওইয়্যে আর জেলোত্ দিয়্যে ওইয়্যে। ইক্কিনে কি শাসনগুরিয়্যেগুনে আমারে ভিদিরে ভিদিরে ইরি দিবাত্তে চান্? সিয়েন ন-অবঅ; তারা নিজে এইনে আমারে বারেদি নেযাদোক্।”

প্রেরিত্‌ 18:14

পৌলে কধা কদে যেবঅ এমন সময়োত্ গাল্লিয়ো যিহূদীগুনোরে কলঅ, “যিহূদীলগ্, ইয়েন যুনি কনঅ অন্যেয় বা যদবদে কনঅ দুষোর্ বেপার অদঅ সালে তমা কধা শুনোনা মর্ পক্ষে ঠিগ্ কাম অদঅ।

প্রেরিত্‌ 22:25

যেক্কে পৌলরে চাবুক্ মারিবাত্যে বানা অলঅ, সেক্কে যে সেনাপতিবো সিধু থিয়্যেই এলঅ পৌলে তারে কলঅ, “যিবেরে দুষী বিলিনে এজঅ ঠিগ্ গরা ন-অয় এবাবোত্যে এক্কো রোমীয়রে চাবুক্ মারানা কি তমা পক্ষে আইন মজিম্ কাম্ অর্?”

প্রেরিত্‌ 25:10

সেক্কে পৌলে কলঅ, “মুই ইক্কিনে রোমীয় বিচের-সভার্ মুজুঙোত্ থিয়্যেই আঘং আর রোমীয় সরকার ইধু মর্ বিচের্ অনা উচিত্। তুই নিজে দঅ গমেদালে হবর্ পাচ্, মুই যিহূদীগুনো উগুরে কনঅ অন্যেয় ন-গরং।

প্রেরিত্‌ 25:12

ফীষ্ট তার্ সল্লাদিয়্যেগুনো লগে তেম্মাং গুরিনে কলঅ, “তুই সম্রাট ইধু যেক্কে আবিত্তি গোজ্জ্যস্ সেক্কে সম্রাট ইধু যেবে।”

প্রেরিত্‌ 25:21

মাত্তর্ তে যেক্কে সম্রাট রায়য়ান্ বাজ্জ্যেবাত্তে মইধু আবিত্তি গুরিলো সেক্কে সম্রাট ইধু ন-পাদানা সং তারে চুগি দিবাত্তে মুই উগুম দুয়োং।”

প্রেরিত্‌ 25:25

মাত্তর্ মুই দেগিলুং, মরণর্ সাজা দেদে ধোক্ক্যেন্ কনঅ দুষ্ তে ন-গরে। মাত্তর্ তে নিজে যেক্কে সম্রাট ইধু আবিত্তি গোজ্জ্যে সেক্কে মুই তারে সম্রাট ইধু দিপাধানা ঠিগ্ গোল্লুং,

প্রেরিত্‌ 26:32

আগ্রিপ্প ফীষ্টরে কলঅ, “এ মানুচ্চো যুনি সম্রাট ইধু আবিত্তি ন-গত্ত সালে তারে ইরি দিয়্যে যেদঅ।”

প্রেরিত্‌ 28:19

মাত্তর্ যিহূদীগুনে ইয়েনত্ মানা গরানায় বাধ্য ওইনে মুই সম্রাট ইধু আবিত্তি গোজ্জ্যং। খালিক্ মুই মঅ নিজো মানুচ্চুনোরে কনঅ দুষ্ দিবাত্যে ন-এজং।

১ থিষলনীকীয় 2:15

সেই যিহূদীগুনে প্রভু যীশুরে আর ভাববাদীগুনোরে মারে ফেল্ল্যন, আর আমা উগুরেয়ো তারা অত্যেচার্ গোজ্জ্যন্। তারা গোজেনরে বেজার্ গরন্, আর বেক্‌ মানুচ্চুনো উগুরে তারার্ শত্রু-ভাব আঘে।

যিহোশূয় 22:22

বেক্কুনোর্‌ দাঙর্‌ গোজেন লগেপ্রভু! বেক্কুনোর্‌ দাঙর্‌ গোজেন লগেপ্রভু! তে দঅ‌ হবর্‌ পায় আর ইস্রায়েলীয়গুনেয়ো হবর্‌ পাদোক্‌। ইয়েন যুনি লগেপ্রভুর বিরুদ্ধে কনঅ‌ উল্লোমী বা অবাধ্য অনার্‌ কাম্‌ ওই থায় সালে তুমি এচ্চ্যে আমারে রেহাই ন-দিবা।

১ শমূয়েল 27:1

দায়ূদে মনে মনে ভাবিলো, “এই শৌলর আঢদই মত্তুন্‌ একদিন মরা পুরিবো, সেনত্যেই পলেষ্টীয়গুনোর দেজত্‌ ধেই যানাগানই মর্‌ পক্ষেন্দি বেগত্তুন্‌ গম্‌ অবঅ। সালে ইস্রায়েল দেজ ভিদিরে তে আর মরে তোগেইনে ন-বেড়েব, আর মুইয়ো তার আঢত্তুন্‌ রোক্ষ্যে পেম্‌।”