প্রেরিত্‌ 25:10 - Chakma Bible

¹⁰ সেক্কে পৌলে কলঅ, “মুই ইক্কিনে রোমীয় বিচের-সভার্ মুজুঙোত্ থিয়্যেই আঘং আর রোমীয় সরকার ইধু মর্ বিচের্ অনা উচিত্। তুই নিজে দঅ গমেদালে হবর্ পাচ্, মুই যিহূদীগুনো উগুরে কনঅ অন্যেয় ন-গরং।

প্রেরিত্‌ 25:10 ပူးပေါင်းရင်းမြစ်များ

মথি লেখ্যে গম্ হবর্ 27:18

পীলাতে গমেডালে হবর্ পেদঅ যে ইহূদী নেতাগুনে ইংসে গুরিনে যীশুরে তা আঢত্ তুলি দুয়োন্।

মথি লেখ্যে গম্ হবর্ 27:19

পীলাতে যেক্কে বিচের আসনত্ বুয়োই এলঅ সেক্কে তা মোক্কো তারে কোই পাধেল, “সেই নিদ্দুজি মানুচ্চোরে তুই কিচ্ছু ন-গুরিচ্, কিয়া এচ্চ্যে স্ববনত্ মুই তাত্তে বোউত্ দুঘ্ পেইয়োং।”

প্রেরিত্‌ 23:29

মুই বুঝি পারিলুং, তারার্ ধর্মর্ রীতি-সুদোম পৌইদ্যেনে তারা তারে দুষী গত্তন্, মাত্তর্ মুরিবার বা জেলোত্ যাইদ্যে ধোক্ক্যেন্ এমন কনঅ দুষ্ তার্ নেই।

প্রেরিত্‌ 25:17

“সেই যিহূদীগুনে মঅ সমারে এজানার্ পরেদি মুই দেরি ন-গুরিনে তার্ কেল্যে বিচের্ গুরিবাত্তে বুজিলুং আর সেই মানুচ্চোরে আনিবাত্যে উগুম গুরিলুং।

প্রেরিত্‌ 25:25

মাত্তর্ মুই দেগিলুং, মরণর্ সাজা দেদে ধোক্ক্যেন্ কনঅ দুষ্ তে ন-গরে। মাত্তর্ তে নিজে যেক্কে সম্রাট ইধু আবিত্তি গোজ্জ্যে সেক্কে মুই তারে সম্রাট ইধু দিপাধানা ঠিগ্ গোল্লুং,

প্রেরিত্‌ 25:6

ফীষ্ট তারা সমারে আট্ট্য-দশ দিন্ কাদেইনে কৈসরিয়াত্ ফিরি গেলঅ। তার্ কেল্যে তে বিচের-সভাত্ বৈইনে পৌলরে তা মুজুঙোত্ আনিবার্ উগুম্ দিলো।

প্রেরিত্‌ 26:31

সে পরেদি তারা সেই ঘরানত্তুন্ গেলাক্‌কোই আর একজন আরেকজনরে কুয়ো কি গুরিলাক্, “এ মানুচ্চো মরণর্ সাজা পেবার্ বা জেল্ খাদেদে ধোক্ক্যেন্ কিচ্চু ন-গরে।”

প্রেরিত্‌ 28:18

রোমীয়গুনে মরে জেরা গুরিনে ইরি দিবাত্তে চেইয়োন, কারন মরেদে ধোক্ক্যেন্ কনঅ দুষ্ মুই ন-গরং।

২ করিন্হীয় 4:2

মান্‌জ্যে গুমুরোত্ যেদক্কানি লাজ্ গরেদে বাবোত্যে কাম্ গরন সিয়েনি আমি এক্কুবারে ন-গুরিই। আমি কনঅ কামত্ ছলনা ন-গুরিই, গোজেন কধানিত্ কনঅ ভুলোর্ ভেজাল্ ন-দিই। আমি বরং গোজেনর্ সত্যগান্ ফগদাং গুরিনে তা মুজুঙোত্ বেক্‌ মানুচ্চুনোর্ বিবেগ ইধু নিজোরে মানি লোইয়্যে বিলিনে তুলি ধুরিই।