প্রেরিত্‌ 24:26 - Chakma Bible

²⁶ তে আজা গোজ্জ্যেদে পৌলে তারে গুষ্ দিবো। সেনত্তে বার্‌বার্ পৌলরে ডাগি আনিনে তে তা সমারে কধা কদঅ।

প্রেরিত্‌ 24:26 ပူးပေါင်းရင်းမြစ်များ

২ বংশধর 19:7

লগেপ্রভু উগুরে দরর্‌ ভাব্‌ তমা ইদু থোক্‌। উজিয়ারে বিচের্‌ গুরিবা, কিয়া অবিচের্‌, একচোখ্যে বিচের্‌ বা ঘুষ হেইয়্যেগুনোর্‌ লগে আমা গোজেন্‌ লগেপ্রভুর কনঅ মিজেমিজি নেই।”

ইয়োব 15:34

গোজেন উগুরে ভোক্তিনেইয়্যেগুনোর কনঅ ঝি-পূঅ ন-থেবাক্‌; তারার্‌ ঘুষোর্‌ ঘরানি আগুনে গিলিবো।

যাত্রা 23:8

ঘুষ ন-হেবা, কিত্তে যার্‌ চোগ আঘে তারেয়ো ঘুষে চোগ্‌ কান গুরিদে। ঘুষ গম্‌ মান্‌জ্যর্‌ কধাত্‌‌অ‌ প্যাজাল্‌ লাগেই দে।

গম্ উপদেজ্ 17:23

বিচের রায়ান ঘুরেই দিবাত্তে পাজি মান্‌জ্যে লুগেই রাগেয়্যে ঘুষ্ লয়।

গম্ উপদেজ্ 17:8

যে মানুচ্চো ঘুষ্ দে তাইদু সিয়েন ভাগ্যত্তে পাত্তর ধোক্ক্যেন্; তে যিন্দি ফিরে সিন্দি ফলে।

গম্ উপদেজ্ 19:6

দাঙর্ পোজিশন মানুচ্চুনে দোয়্যে পেবাত্তে বোউত্‌জনে তার চালাগি গরন্, আর যিবে দান গরে বেক্কুনে তার সমাজ্যে অন্।

গম্ উপদেজ্ 29:4

ন্যায়বিচেরলোই রাজা দেজ্‌‌ছানরে থির্ রাগায়, মাত্তর্ যে ঘুষ্ হেবাত্তে গম্‌‌পায় তে দেজ্‌‌ছানরে ভস্ত গুরি ফেলায়।

যিশাইয় 1:23

তর্ শাজন্‌গুরিয়্যেগুন্ উল্লোমী আর চুরুনোর্ সমাজ্যে; তারা বেক্কুনে ঘুষ্ আর বক্‌শিজ্ পেবাত্তে চান্। তারা মা-বাপ নেইয়্যেগুনোর্ তপ্পে ন-থান্ আর রানিমিলেগুনোর্ মগদ্দমাগানি তারা ইদু জাগা ন-পায়।

যিশাইয় 33:15

তেয়ই বজত্তি গুরি পারে, যে মানুচ্চো গমেডালে আঢাউদো গরে আর যিয়েন ঠিগ্ সিয়েন কয়, যে মানুচ্চো জুলুম গুরিনে লাভ্ পানাগান ঘিনাই আর ঘুষ্ নেযানাত্তুন্ আঢ্‌তান সোরেই রাগায়, যে মানুচ্চো খুনোর্ কুজুরোমির্ কধা শুনোনাত্তুন্ কানানি নাঢি রাগায় আর বজং কাম গরদে দেগানাত্তুন্ চোগ্‌‌‌‌‌কুন নাঢি রাগায়। ‌‌

যিশাইয় 56:11

তারা এমন কুগুরো ধোক্ক্যেন যিগুনোর পেট্ পরা বেশ্; তারার কনদিন্অ ঈল্ ন-অয়। তারা বুদ্ধি নেইয়্যে গরক্; তারা বেক্কুনে যার্ যার্ পধেদি ফিজ্যন্ আর নিজোর লাভর্ চেট্ট্যা গত্তন্। ‌

যিহিষ্কেল 22:27

হোক্ক্যে বাঘে যেবাবোত্যেগুরি শিগের্ গরন সেবাবোত্যেগুরি সিদুগোর্ রাজার চাগরুনে লো ঝরান্ আর অন্যেয় গুরি পেবাত্তে মানুচ্ খুন গরন্।

যিহিষ্কেল 33:31

মঅ মানুচ্চুনে অভ্যেস্ মজিম তইধু এজন্ আর তঅ কধানি শুনিবাত্তে তঅ মুজুঙোত্ বজন্, মাত্তর্ তারা সিয়েনি কামত্ ন-লাগান। মুয়োদি তারা কোচ্‌‌‌‌‌পানার কধা কন মাত্তর্ তারার মনত্ লুভ্‌‌‌‌‌পান থায়। ‌‌‌‌‌

হোশেয় 4:18

যেক্কেনে তারার্ মদ হানা শেজ্‌ ওই যায় সেক্কেনে তারা সিনেলী গরা ধরন্; তারার্ শাজন্‌গুরিয়্যেগুনে লাজ্‌‌গরেপারা আচার-বেবহার খুব গম্ পান।

মীখা 3:11

সিদুগোর্ নেতাগুনে ঘুষ হেইনে বিচের্ গরন, ধর্মগুরুগুনে বেতন নিইনে শিক্ষ্যে দৈন্ আর ভাববাদীগুনে টেঙা নিইনে ভাগ্যগান গণান্। আর তো তারা লগেপ্রভুর সাহায্যর্ আজা গুরিনে কন্, “লগেপ্রভু কি আমা ভিদিরে নেই? আমা উগুরে কনঅ দযা ন-এবঅ।”

মীখা 7:3

অন্যেয় কাম্ গুরিবাত্তে তারার্ দ্বিয়েন আত্ কাবিল্। নেতাগুনে বক্‌শিজ্ দাবি গরন, বিচেরগ্‌কুনে ঘুষ হান, দাঙর্ মানুচ্চুনে যিয়েনি চান্ সিয়েনি জানেই দৈন্; তারা বেক্কুনে এক সমারে কুজুরোমী গরন্।

প্রেরিত্‌ 24:17

“ভালোক্ বজর্ পরেদি মুই যিরূশালেমত্ যেয়োং যেন মঅ জাদর্ নাঢা মানুচ্চুনোরে কিজু টেঙা-পৌইজ্যে দি পারং আর য়েমান উৎসর্ব গুরি পারং।

১ করিন্হীয় 6:9

যিগুনে অন্যেয় গরন্ সিগুনে যে গোজেন রেজ্যর্ অধিকারী ন-অবাক্, সিয়েন কি তুমি কোই ন-পারঅ? তুমি ভুল্ ন-গোজ্জ্য। যিগুনোর্ খাচ্চ্যত্ ভান্ন্যেই, যিগুনে মূর্ত্তি পুজো গরন্, যিগুনে বেগেয়্যে গরন্, যিগুনে মরদ-বেগেয়্যে, যে মরদ্‌তুনে মরদ্‌অ সমারে বেগেয়্যে গরন্,

দ্বি’লম্বর বিররণ 16:19

তুমি অন্যেয়গুরিনে বিচের ন গুরিবা বা কারঅ পক্ষ ন নেযেবা। তুমি ঘুষ ন নেযেবা, কিত্যে ঘুষ জ্ঞানী মানুচ্চুনোর চোক্কুন কান্‌ গুরি দে আর নিদ্দুষী মানুচ্চুনোর কধাত্‌ প্যাঁচ লাগেই দে।

২ পিতর 2:3

লুভে পড়িনে ছলনার্ কধা কোইনে তারা নিজো লাভত্যে তমারে কামত্ লাগেবাক্। তারার্ সাজাগান ভালোক দিন ধুরিনে তারা উগুরে দুলের্, আর তারার্ ভস্ত অনাগান জুরো গুরিনে বোইদ্যে নেই।

১ শমূয়েল 12:3

মুই ইয়োদোই আগং; মর্‌ বিরুদ্ধে যুনি তমার কিজু কবার্‌ থায় সালে লগেপ্রভু আর তার অভিষেগ-গোজ্যে মানুচ্চোর মুজুঙোত্‌ সিয়েনিই কঅ। তুমি সাক্ষি দুয়ো, মুই কার্ বলত্তো বা কার্ গাধাবো অন্যেয়গুরি নেযেয়োং? মুই কার উগুরে অত্যেচার গোজ্যং? কার উগুরে বজং বেবহার গোজ্যং? কাত্তুন্‌ ঘুষ নেযেইনে মুয়োন বন্ধ গুরি রাগেয়োং? ইয়েনির কনগান যুনি মুই গুরি থাং সালে সিয়েনির ক্ষতিপূরণ দিম।”

১ শমূয়েল 8:3

মাত্তর্‌ তারা তারার বাপ্পো ধোক্ক্যেন ন-চলিদাক্। তারা অন্যেয়গুরিনে ধন সোম্বোত্তি পেবার্‌ আজায়্‌ গম্‌ পথ্‌তান্‌ ছাড়ি দিলাক্। তারা ঘুষ নেযেইনে গমানরে ভান্ন্যেই আর ভান্ন্যেইয়ানরে গম্‌ বিলিনে রায় দিদাক্।