প্রেরিত্‌ 24:2 - Chakma Bible

^2-3 পৌলরে ডাগি আনা অলে পরেদি তর্তুল্ল ইয়েন কোইনে পৌলরে দুষ্ দেগা ধুরিলো, ও সর্মানিত ফীলিক্স, তঅ অধীনোত্ আমি ভালোক্ দিন ধুরিনে ভারি সুগে শান্দিয়্যে আঘিই। তুই তর্ জ্ঞানদোই এ জাদর্ বোউত্ ভালেদি গোজ্জ্যস্। ইয়েনত্যে আমি নিত্য বেক্‌ জাগানিত্ তরে আমা রিবেঙত্তুন্ ভালেদি জানেই।

প্রেরিত্‌ 24:2 ပူးပေါင်းရင်းမြစ်များ

গীতসংহিতা 10:3

পাজি মান্‌‌জ্যে তার্ মনর্ ভান্ন্যেই আওজর্ বার্‌বো গরে; লুভি মান্‌‌জ্যে লগেপ্রভুরে অভিশাব দে আর তারে ঈচ্ গরে।

গম্ উপদেজ্ 26:28

মিজে কধা কোইয়্যেবো তা জিলান্দোই যিগুনোরে আঘাত্ গোজ্যে তারারে তে ঘিনেই, আর খোসামুদে মুয়োন অন্যগুনোর দজা ডাগি আনে।

গম্ উপদেজ্ 29:5

যে মানুচ্চো পাড়াল্যেগুনোর চাম্‌‌চাগিরি গরে তে নিজো টেঙত্ তলে জালান্ পাদে।

প্রেরিত্‌ 24:1

পাচ্ দিন পরেদি দাঙর্ ধর্মগুরু অননিয় কয়েক্কো যিহূদী বুড়ো নেতা আর তর্তুল্ল নাঙে এক্কো উকিলোরে নেযেইনে কৈসরিয়াত্ গেলঅ আর পৌল বিরুদ্ধে আজল্ শাসন গুরিয়্যেবো ইধু আবিত্তি জানেল।

যিহূদা 1:16

এবাবোত্যে মানুচ্চুনে আমিঝে বেজারর্ ভাব দেগান, নিজোর ভাগ্যগানরে দুষ্ দুয়োন আর মনর্ আওজ মজিম আঢাউদো গরন্। তারা নিজোরে নিইনে দেমাগ্ গরন আর লাভত্যে মানুচ্চুনোরে উচ্চোমি দৈন্।