প্রেরিত্‌ 24:17 - Chakma Bible

¹⁷ “ভালোক্ বজর্ পরেদি মুই যিরূশালেমত্ যেয়োং যেন মঅ জাদর্ নাঢা মানুচ্চুনোরে কিজু টেঙা-পৌইজ্যে দি পারং আর য়েমান উৎসর্ব গুরি পারং।

প্রেরিত্‌ 24:17 ပူးပေါင်းရင်းမြစ်များ

প্রেরিত্‌ 20:16

এশিয়া রেজ্যত্ পৌলর্ যাতে দেরি গরা ন-পরে সেনত্তে তে ঠিগ্ গোজ্জ্যেদে, তে ইফিষত্ ন-থামেইনে তা কায়-কুরেদি যেবগোই। যিরূশালেমত্ লুমিবাত্যে তে হিজেহিচ্চ্যে গুরিলো যেন সম্ভব অলে পঞ্চাশত্তমী দিনোত্ সিধু থেই পারে।

প্রেরিত্‌ 20:31

ইয়েনত্তে তুমি উজিয়ার্ থাগঅ। ইদোত্ রাগেবা, তিন বজর্ সং দিন-রেদ্ চোগো পানিলোই মুই তমারে পত্তিজনরে উজিয়ার্ গোজ্জ্যং, কনদিন্অ জুরো গুরি ন-থাগঅ।

প্রেরিত্‌ 21:26

সেক্কে পৌলে সেই মানুচ্চুনোরে নেযেইনে তারা সমারে নিজোরেয়ো সিজি গুরিলো। তার্ কেল্যে তে উবোসনা ঘরত্ গেলঅ, আর তারার্ সিজি অবার্ কামান্ কক্কে থুম্ অবঅ আহ্ পত্তি জনত্তে কক্কে এ্যামান্ উৎসর্ব গরা অবঅ সিয়েন জানেই দিলো।

প্রেরিত্‌ 24:26

তে আজা গোজ্জ্যেদে পৌলে তারে গুষ্ দিবো। সেনত্তে বার্‌বার্ পৌলরে ডাগি আনিনে তে তা সমারে কধা কদঅ।

রোমীয় 15:31

তুমি তবনা গরঅ, যিহূদীয়াত্ যিগুনে অমান্য গরন্ তারা আঢত্তুন্ মুই যেন রোক্ষ্যে পাং, আর যিরূশালেমর্ গোজেন মানুচ্চুনে যেন মর্ এ সাহায্যগান্ গুজি লন্।

২ করিন্হীয় 8:6

ইয়েন দেগিনে আমি তীতরে বিশেষ গুরিনে কোজোলি গোজ্জ্যেই, দান গুরিবার যে কামান্ তে তমা ইধু আরাম্ভ গোজ্জ্যে সিয়েন যেন তে থুম্ গরে।

২ করিন্হীয় 8:9

তুমি দঅ আমার্ প্রভু যীশু খ্রীষ্টর্ দোয়্যের্ কধানি কোই পারঅ, তে নিজে থাগোইয়্যে ওইনেয়ো তমাত্যে নাঢা অলঅ, যেন তার্ নাঢা অনার্ মাধ্যমে তুমি থাগোইয়্যে ওই পারঅ।

২ করিন্হীয় 9:12

তমার্ এ কামর ফলে যে বানা গোজেন মানুচ্চুনোর অভাব পূরোণ অবঅ সিয়েন নয়; গোজেন উগুরে বোউত্ মান্‌জ্যে ভালেদি জানেবাক্।

গালাতীয় 2:10

তারার্ বানা এক্কান কোজোলি এলঅ, আমি যেন নাঢা মানুচ্চুনোর্ কধা মনত্ রাগেই; খালিক্ মর্-অ সেই আওজ্‌চান এলঅ।