প্রেরিত্‌ 23:6 - Chakma Bible

⁶ সেই দাঙর্ তেম্মাঙর্ এক দল যে সদ্দূকী আর অন্য দল অলঅ ফরীশী, এ কধাগান হবর্ পেইনে পৌলে দাঙর্ তেম্মাঙত্ রঅ ছাড়িনে কলঅ, “মর্ ভেইয়ুন, মুই এক্কো ফরীশী আর ফরীশীর পুয়ো। মর্ বিচের্ অর্ কিয়া মুই বিশ্বেজ্ গরং, মরাগুনে আরঅ জেদা ওই উদিবাক্।”

প্রেরিত্‌ 23:6 ပူးပေါင်းရင်းမြစ်များ

মথি লেখ্যে গম্ হবর্ 10:16

চঅ, মুই হোক্ক্যে বাঘ ইধু ভেড়া ধোক্ক্যেন্ তমারে পাদাঙর্। ইয়েনত্তে সাপ ধোক্ক্যেন্ উজিয়ার্ আর কোদোর ধোক্ক্যেন্ সরল অ।

মথি লেখ্যে গম্ হবর্ 22:23

সেদিন্নোত্ কয়েক্কো সদ্দূকী যীশু ইধু এলাক্। সদ্দূকিগুনো সুদোমে মরাগুনোর্ জেদা ওই উদোনা বিলি কিচ্ছু নেই।

মথি লেখ্যে গম্ হবর্ 3:7

পরেদি যোহনে দেগিলো বোউত্ ফরীশী আর সদ্দূকী বাপ্তিষ্ম লবাত্তে তাইধু এত্তন্। তে তারারে কলঅ, “সাপ গুট্টিগুন! গোজেনর্ যে সাজাগান্ লামি এজের্ সিয়েনত্তুন্ ধেই যেবার্ এ বুদ্ধিগান্ তমারে কন্না দিলো?

প্রেরিত্‌ 22:3

মুই এক্কো যিহূদী। কিলিকিয়ার তার্ষ শঅরত্ মর্ জর্ম, মাত্তর্ মুই এ শঅরত্ দাঙর্ ওইয়োং। গমলীয়েলর্ টেংঅ কুরে বৈইনে মুই আমা পূরোণি মানুচ্চুনোর রীতি-সুদোম বেক্কানি শিক্ষ্যে পেইয়োং। গোজেন পৌইদ্যেনে এচ্চ্যে তুমি যেবাবোত্যেগুরি আওজ্ দেগর্ মুই নিজেয়ো সেবাবোত্যেগুরি আওজি এলুং।

প্রেরিত্‌ 22:30

যিহূদীগুনে কিত্ত্যে পৌলরে দুষ্ দেদন্ সিয়েন গমেডালে জানিবাত্তে তার্ কেল্যে আজল্ সেনাপতিবো পৌলরে বান্যেগান্ খুলি দিলো আর আজল্ ধর্মগুরুগুনোরে আহ্ দাঙর্ তেম্মাঙর্ মানুচ্চুনোরে এক সমারে মিলিবার উগুম দিলো। সে পরেদি তে পৌলরে আনিনে তারা মুজুঙোত্ থিয়্যেবাত্যে দিলো।

প্রেরিত্‌ 22:5

এ কধাগান্ যে সত্য, সিয়েনর্ সাক্ষী দাঙর্ ধর্মগুরু আর দাঙর্ তেম্মাঙর্ বেক্কুন্ । এমন্‌ কি, মুই তারাত্তুন্ দামেস্ক শঅরর্ ধর্ম নেতাগুনোরে দিবাত্যে চিধি নেযেয়োং আর সেবাবোত্যে মানুচ্চুনোরে বন্দী ইজেবে যিরূশালেমত্ আনিনে সাজা দিবাত্যে সিধু যাঙর্।

প্রেরিত্‌ 23:1

পৌলে সোজা দাঙর্ তেম্মাঙ মানুচ্চুনো ইন্দি রিনি চেইনে কলঅ, “মর্ ভেইয়ুন, মুই এচ্চ্যে সং গম্ বিবেক্ দিইনে গোজেনরে ভাবিনে মর্ কামানি পালেয়োং।”

প্রেরিত্‌ 23:15

ইক্কিনে তুমি আর দাঙর্ তেম্মাঙর্ মানুচ্চুনে এ পৌইদ্যেনে আরঅ গমেদালে বিজিরে-চেবার্ নাঙে পৌলরে তমা মুজুঙোত্ আনিবাত্যে আজল্ সেনাপতিবো ইধু হবর্ পাধ। তে ইধু লুমিবার আগে আমি তারে শেজ্ গুরি ফেলেবাত্যে যুক্কোল্ ওই আঘিই।”

প্রেরিত্‌ 23:20

সেই গাবুজ্জ্যে পুয়োবো কলঅ, “যিহূদীগুনে ঠিগ্ গোজ্জ্যন্দে, পৌল পৌইদ্যেনে আরঅ গমেডালে হবর্ লবার্ নাঙে তারে এজেত্তে কেল্ল্যে দাঙর্ তেম্মাঙ মুজুঙোত্ নেযেবাত্যে তরে কোজোলি গুরিবাক্।

প্রেরিত্‌ 23:7

তার্ এ কধাগান্দোই ফরীশী আর সদ্দূকীগুনো ভিদিরে কোল্-কোজ্জ্যে আরাম্ভ অলঅ। ইয়েন্দোই দাঙর্ তেম্মাঙ মানুচ্চুনে ভাগ্ ওই গেলাক্,

প্রেরিত্‌ 24:15

তারা যেবাবোত্যে আজা গরন্ সেবাবোত্যে আমার্‌অ গোজেন উগুরে এ আজাগান্ আগেদে যে, গম্ বা বজং বেক্কুনোরে আরঅ জেদা গরা অবঅ।

প্রেরিত্‌ 24:21

বানা এ এক্কান পৌইদ্যেনে তারা মরে দুষ্ দি পারন্, মুই তারা মুজুঙোত্ থিয়্যেইনে দাঙর্ রঅ গুরিনে কোইয়োং, মরাগুনোর্ আরঅ জেদা ওই উদোনা বেপার্‌লোই এচ্চ্যে তমা মুজুঙোত্ মর্ বিচের্ অর্।”

প্রেরিত্‌ 28:20

ইয়েনত্যে মুই তমা সমারে দেগা গুরিবাত্তে আর কধা কবাত্তে চেইয়োং। ইস্রায়েল জাদর্ যে আজা আঘে সেই আজাগানত্তে মরে এ শিগোলান্দোই বানা ওইয়্যে।”

ফিলিপীয় 3:5

আট্য দিনোত্ মর্ চুনু মাঢাবোর চামান্ কাবা ওইয়্যে; ইস্রায়েল জাদ ভিদিরে বিন্যামীন গুট্টিত্ মর্ জর্ম; মুই এক্কো খাটি ইব্রীয়; মোশির রীদি-সুদোম পালানা পৌইদ্যেনে মুই এক্কো ফরীশী;

কলসীয় 1:5

স্বর্গত্ তমাত্যে যিয়েনি থুবেয়্যে আঘে সিয়েনি পেবার আজা তমা ইধু এ বিশ্বেজ্ আর কোচ্‌পানাগান জোর্মেয়্যে। যে গম্ হবরান, অত্তাৎ সত্যর্ কধাগান তমা ইধু লুম্মেগি সিয়েনি ভিদিরে তুমি এ আজাগানর্ কধা শুন্ন্য।

ইব্রীয় 6:19

এই আজাগান আমা জিংকানিত্ নোংগর ধোক্ক্যেন ঘেচ্চেকগুরি আর থিদেবর্, আর সিয়েন দাঙর্ পবিত্র জাগানর্ পর্দাগান পিজেদি, অত্তাৎ গোজেন মুজুঙোত্ যেইনে লুমেগোই।