প্রেরিত্‌ 23:30 - Chakma Bible

³⁰ যেক্কে মুই হবর্ পেলুং মানুচ্চুনে পৌল বিরুদ্ধে কুজুরোমি গত্তন্ সেক্কে মুই তারে তইধু পাধেলুং। যিগুনে তারে দুষী বানেয়োন তারারেয়ো মুই উগুম্ দিলুং যেন তারা ইবের্ দুষো পৌইদ্যেনে তইধু কন্।”

প্রেরিত্‌ 23:30 ပူးပေါင်းရင်းမြစ်များ

প্রেরিত্‌ 15:29

সেই দরকারী বেপারানি অলঅ-তুমি মূর্ত্তি ইধু উৎসর্ব গোজ্যে হানা ন-হেবা, লো ন-হেবা, তদা চিবিনে মাজ্যে য়েমান য়েরা ন-হেবা আর কনঅ বাবোত্যে সিনেলী ন-গুরিবা। ইয়েনি গরানাত্তুন্ দূরোত্ থেলে তুমি গম্ গুরিবা। বিদায়।”

প্রেরিত্‌ 23:12

তার্ কেল্যে বেন্যেমাদান্ যিহূদীগুনে এক্কান্ কুজুরোমি গুরিলাক্ আর পৌলরে মারেই ন-ফেলানা সং কিচ্চু ন-হেবাক্ বিলিনে সমত্ খেলাক্।

প্রেরিত্‌ 23:20

সেই গাবুজ্জ্যে পুয়োবো কলঅ, “যিহূদীগুনে ঠিগ্ গোজ্জ্যন্দে, পৌল পৌইদ্যেনে আরঅ গমেডালে হবর্ লবার্ নাঙে তারে এজেত্তে কেল্ল্যে দাঙর্ তেম্মাঙ মুজুঙোত্ নেযেবাত্যে তরে কোজোলি গুরিবাক্।

প্রেরিত্‌ 23:31

সেক্কে সৈন্যগুনে আজল্ সেনাপতিবোর্ উগুম মজিম পৌলরে রেদোত্ তারা সমারে আন্তিপাত্রি শঅরান সং নেযেলাক্।

প্রেরিত্‌ 23:35

“তরে যিগুনে দুষী বানেয়োন তারা ইধু লুমিলে পরেদি মুই তঅ কধানি শুনিম।” যেরেদি তে রাজা হেরোদর্ ঘর-জেলোত্ পৌলরে চুগি দিইনে থবাত্যে কলঅ।

প্রেরিত্‌ 24:19

মাত্তর্ এশিয়া রেজ্যর্ কয়েক্কো যিহূদী সিধু এলাক্। তইধু সেই যিহূদীগুনোর্ এজানা উচিত্ এলঅ আর মরে দুষ্ দিবার্ যুনি কিজু থায় সালে তারাত্তুন্ সিয়েন দেনা উচিত্ এলঅ।

প্রেরিত্‌ 25:16

মুই তারারে কলুং, কনঅ মান্‌জ্য বিরুদ্ধে যুনি কনঅ আবিত্তি গরা অয় সালে যিগুনে আবিত্তি গোজ্জ্যন্ তারা মুজুঙোত্ নিজোরে নিদ্দুজি বিলি প্রমাণ্ গুরিবার সুয়োগ ন-পানা সং তারে সাজা দিবার্ কধা রোমীয়গুনোর নুয়ো সুদোমত্ নেই।

প্রেরিত্‌ 9:24

মাত্তর্ শৌলে তারার্ কুজুরোমি গুরিবার কধাবাত্তানি হবর্ পেলঅ। তারে মারে ফেলেবাত্তে যিহূদীগুনে শঅরর্ গেট্টুনোত্ দিনে-রেদে চুগি দিয়্যে ধুরিলাক্।

২ করিন্হীয় 13:11

ভেইলগ্, এবেরা বিদেয়। তুমি তমার বেক্কানি ঠিগ্ গুরিনে খাটি অ। মঅ কধানি মনযোগ্ দুয়ো, তমার এক্কুই মনভাব ওক্‌, আর তুমি সুগে-শান্দিয়্যে থাগঅ। সালে কোচ্‌পেইয়্যে আর শান্তির্ গোজেনে তমা লগে থেবঅ।