প্রেরিত্‌ 23:15 - Chakma Bible

¹⁵ ইক্কিনে তুমি আর দাঙর্ তেম্মাঙর্ মানুচ্চুনে এ পৌইদ্যেনে আরঅ গমেদালে বিজিরে-চেবার্ নাঙে পৌলরে তমা মুজুঙোত্ আনিবাত্যে আজল্ সেনাপতিবো ইধু হবর্ পাধ। তে ইধু লুমিবার আগে আমি তারে শেজ্ গুরি ফেলেবাত্যে যুক্কোল্ ওই আঘিই।”

প্রেরিত্‌ 23:15 ပူးပေါင်းရင်းမြစ်များ

২ শমূয়েল 13:5

যোনাদবে কলঅ, “তুই অসুগোর্‌ ছলনা দিইনে বিচ্ছোনত্‌ পড়ি থাগ্‌। তঅ বাপ্পো যেক্কে তরে চেবাত্তে এবঅ সেক্কে তুই তারে কবে, ‘দোয়্যে গুরিনে মঅ বোন তামররে পাদেবে যেনে তে এইনে মরে কিজু হেবাত্তে দে। সে হানাগানি তে মঅ মুজুঙোদ্ বানোক্‌ যেনে মুই সিয়েনি দেগিনে তা আঢত্তুন্‌ হেই পারং।’”

গীতসংহিতা 21:11

যুনিয়ো তারা তর্ বিরুদ্ধে শদানর্ কুজুরোমি আর ভান্ন্যেই চিন্তে গোজ্যন্, তো তারা সিয়েনিত্ ফোলেই ন-পারিবাক্;

গম্ উপদেজ্ 1:16

কিত্তে তারা টেঙানি পাপ কামত্ যায়, খুন গুরিবাত্তে তারা ধাবা যান্।

গম্ উপদেজ্ 4:16

কিত্তে ভান্ন্যেই কাম ন-গুরিলে পাজিগুনোর ঘুম্ ন-অয়; কাররে উজোত্ হাবেই ন-পারিলে তারার ঘুম্ ন-এজে।

যিশাইয় 59:7

তারার্ টেঙানি পাপ ইন্দি দাবা দাবা যায়; তারা নিদ্দুযি মান্‌জ্যর লো ঝোরেবাত্তে যাদিমাদি যান্। তারার চিদে চজ্জানি বেক্কানি বজং আর তারার পথ্‌‍‌‌‌‌তানিত্ ভস্ত আর সর্বনাশ থায়।

যোহন 18:12

সেক্কে সেই সৈন্যগুনে আর সেনাপতি আহ্ যিহূদী নেতাগুনোর্ চাগরুনে যীশুরে ধুরিনে বানিলাক্।

প্রেরিত্‌ 22:30

যিহূদীগুনে কিত্ত্যে পৌলরে দুষ্ দেদন্ সিয়েন গমেডালে জানিবাত্তে তার্ কেল্যে আজল্ সেনাপতিবো পৌলরে বান্যেগান্ খুলি দিলো আর আজল্ ধর্মগুরুগুনোরে আহ্ দাঙর্ তেম্মাঙর্ মানুচ্চুনোরে এক সমারে মিলিবার উগুম দিলো। সে পরেদি তে পৌলরে আনিনে তারা মুজুঙোত্ থিয়্যেবাত্যে দিলো।

প্রেরিত্‌ 23:1

পৌলে সোজা দাঙর্ তেম্মাঙ মানুচ্চুনো ইন্দি রিনি চেইনে কলঅ, “মর্ ভেইয়ুন, মুই এচ্চ্যে সং গম্ বিবেক্ দিইনে গোজেনরে ভাবিনে মর্ কামানি পালেয়োং।”

প্রেরিত্‌ 23:6

সেই দাঙর্ তেম্মাঙর্ এক দল যে সদ্দূকী আর অন্য দল অলঅ ফরীশী, এ কধাগান হবর্ পেইনে পৌলে দাঙর্ তেম্মাঙত্ রঅ ছাড়িনে কলঅ, “মর্ ভেইয়ুন, মুই এক্কো ফরীশী আর ফরীশীর পুয়ো। মর্ বিচের্ অর্ কিয়া মুই বিশ্বেজ্ গরং, মরাগুনে আরঅ জেদা ওই উদিবাক্।”

প্রেরিত্‌ 25:3

তারা ফীষ্টরে ভারী গুরি কোজোলি গুরিলাক্ যেন তে তারা উগুরে দোয়্যে গুরিনে পৌলরে যিরূশালেমত্ পাধায়। ইয়েনর্ কারণান্ ইয়েন, তারা পধত্ লুগি থেইনে পৌলরে খুন্ গুরিবার কুজুরোমি গোজ্জ্যন্।