প্রেরিত্‌ 23:14 - Chakma Bible

¹⁴ তারা আজল্ ধর্মগুরুগুনোর আর যিহূদী বুড়ো নেতাগুনো ইধু যেইনে কলাক্, “পৌলরে মারেই ন-ফেলানা সং আমি কিচ্চু ন-হেবং বিলি জদবদে সমত্ খেইয়্যেই।

প্রেরিত্‌ 23:14 ပူးပေါင်းရင်းမြစ်များ

যিশাইয় 3:9

তারা মুয়ো চেঙারাগানিয়ে তারা বিরুদ্ধে স্বাক্ষি দে; তারা সদোম ধোক্ক্যেন্ তারার্ পাপ কামানি ফগদাং গরন, ন-ঢাগন্। হায়, সেই মানুচ্চুন! তারা নিজো উগুরে ভস্ত অনাগান্ ডাগি আন্যন্।

যিরমিয় 6:15

তারা কি তারার সেই জঘন্য কামানিত্তে লাজ্ ন-পান? না, তারার কনঅ লাজ্ নেই; তারা লাজে রাঙা ওই ন-জানন্। সেনত্তে তারা সিগুনো ভিদিরে পড়িবাক্ যিগুনে যিগুনে সাজা পেবাক্। মুই যেক্কে তারারে সাজা দিম সেক্কে তারারে মাঢা লোঙেই দিয়্যে অবঅ। মুই লগেপ্রভু এ কধাগান কঙর্।”

যিরমিয় 8:12

তারা কি তারার সেই জঘন্য কামানিত্তে লাজান্? না, তারার কনঅ লাজ্ নেই; তারা লাজে রাঙা অবাত্তে ন-জানন্। সেনত্তে তারা সিগুনো ভিদিরে পড়িবাক্ যিগুনে সাজা পেবাক্। মুই যেক্কে তারারে সাজা দিম সেক্কে তারারে মাঢা লোঙেই দিয়্যে অবঅ। মুই লগেপ্রভু এ কধাগান কঙর্। ”

হোশেয় 4:9

যেবাবোত্যেগুরি মানুচ্চুনোরে সেবাবোত্যে ধর্মগুরুগুনোরেয়ো সাজা দিয়্যে অবঅ; তারার্ আচার-বেবহারত্তে তারারে বেক্কুনোরে মুই সাজা দিম আর তারার্ কাম মজিম্ ফল দিম।

মীখা 7:3

অন্যেয় কাম্ গুরিবাত্তে তারার্ দ্বিয়েন আত্ কাবিল্। নেতাগুনে বক্‌শিজ্ দাবি গরন, বিচেরগ্‌কুনে ঘুষ হান, দাঙর্ মানুচ্চুনে যিয়েনি চান্ সিয়েনি জানেই দৈন্; তারা বেক্কুনে এক সমারে কুজুরোমী গরন্।

প্রেরিত্‌ 23:12

তার্ কেল্যে বেন্যেমাদান্ যিহূদীগুনে এক্কান্ কুজুরোমি গুরিলাক্ আর পৌলরে মারেই ন-ফেলানা সং কিচ্চু ন-হেবাক্ বিলিনে সমত্ খেলাক্।

প্রেরিত্‌ 23:13

চল্লিশ জনত্তুন্অ বেশ্ মান্‌জ্যে এ কুজুরোমিগান্ গুরিলাক্।

প্রেরিত্‌ 23:20

সেই গাবুজ্জ্যে পুয়োবো কলঅ, “যিহূদীগুনে ঠিগ্ গোজ্জ্যন্দে, পৌল পৌইদ্যেনে আরঅ গমেডালে হবর্ লবার্ নাঙে তারে এজেত্তে কেল্ল্যে দাঙর্ তেম্মাঙ মুজুঙোত্ নেযেবাত্যে তরে কোজোলি গুরিবাক্।

প্রেরিত্‌ 23:21

তুই তারা কধালোই রাজী ন-অবে, কারন চল্লিশ জনত্তুন্অ বেশ্ মানুচ্ লুগিনে পৌলরে বাজ্জেই আগন্। পৌলরে খুন্ ন-গরানা সং এ মুনুচ্চুনে কিচ্চু ন-হেবাক্ বিলিনে সমত্ খেইয়োন্। তারা যুক্কোল্ ওইনে ইক্কিনে বানা তর্ রাজী অনাগান্ বাজ্জ্যেই আঘন্।”