প্রেরিত্‌ 23:12 - Chakma Bible

¹² তার্ কেল্যে বেন্যেমাদান্ যিহূদীগুনে এক্কান্ কুজুরোমি গুরিলাক্ আর পৌলরে মারেই ন-ফেলানা সং কিচ্চু ন-হেবাক্ বিলিনে সমত্ খেলাক্।

প্রেরিত্‌ 23:12 ပူးပေါင်းရင်းမြစ်များ

পত্থম 37:18

ভেইয়ুনে দূরোত্তুন্‌ যোষেফরে দেগিলাক্ আর তারা ইধু যেইনে লুমিবার আগেদি তারা তারে মারে ফেলেবার্‌ বুদ্ধি গুরিলাক্।

১ রাজাবলী 19:2

বেক্‌ কধানি শুনিনে ঈষেবলে মানুচ্‌ দিইনে এলিয়রে কোই পাদেল, “এযেত্যে কেল্যে এ সময়ান ভিদিরে তর্‌ দজাগান্‌ যুনি তারার্‌ একজন ধোক্ক্যেন্ ন-গরঙ্‌ সালে দেবেদাগুনে যেনে মরে সাজা দুয়োন্‌ আর সিয়েন্‌ জদবদে গুরি দুয়োন।”

২ রাজাবলী 6:31

তে কলদে, “এচ্ছে যুনি শাফটর্‌ পূয়ো ইলীশায়র মাধাবো তা কানা উগুরে থায় সালে গোজেনে যেনে মরে সাজা দে, আর সিয়েন্‌ জদবদে গুরি দে!”

ইষ্টের 2:22

মর্দখয়ে কুজুরোমির্‌ কধা হবর্‌ পেইনে রাণী ইষ্টেররে সে কধাগান জানেল। রাণী মর্দখয়র নাঙান্‌ কোইনে সিয়েন্‌ রাজারে জানেল।

গীতসংহিতা 31:13

মঅ পৌইদ্যেনে ভালোক্ জনর ইংসে-নিন্দের কধা মঅ কানত্ এচ্ছ্যে, মর্ চেরোকিত্তে অমকদ দর্‍গরেপারা। তারা মঅ বিরুদ্ধে একসমারে সল্লা গত্তন্, মরে মারে ফেলেবাত্তে কুজুরোমি গত্তন্।

যিরমিয় 11:19

মুই অলুংগে গঙাত্ দিবাত্তে নেযেয়্যে লক্ষী ভেড়া ছঅ ধোক্ক্যেন; মুই বুঝি ন-পারং, তারা ইয়েন কোইনে মঅ বিরুদ্ধে কুজুরোমী গোজ্যন, “এজঅ, আমি গাজ্ আর তার গুলোগুন বর্‌‍‍‌‌‌বাত লাগেই; এজঅ, আমি তারে জেদাগুনো দেজত্তুন্ কাবি ফেলেই দিই যেনে তা নাঙান আর মনত্ রাগা ন-অয়।”

যিরমিয় 44:25

ইস্রায়েলর গোজেন বেগত্তুন্ খেমতাবলা লগেপ্রভু এ কধাগান কোইয়্যে, তুমি কোইয়্যেদে, আগাজ-রাণী নাঙে আগর্‌বাট্টি জ্বালেবার আর পানীয়-উৎসর্বর অনুষ্ঠান গুরিবার যে শমক্‌কান্ তুমি গোজ্য সিয়েন তুমি হামাক্কায় পালেবা। তমা সে এগেম্ মজিম্ তুমি আর তমা মিলেগুনে কাম্‌‌‌বোই সিয়েনি দেগেয়্যে। “সেনত্তে তুমি যিয়েনি এগেম্ গোজ্য সিয়েনি গরঅ। তমা শমক্কানি রোক্ষ্যে গরঅ।

লেবীয় 27:29

যুনি কনঅ মান্‌জ্যরে লগেপ্রভুর নাঙে ভস্তর্ অভিশাবর্‌ তলে বিলি ফগদাঙ্‌ গরা অয় সালে তারে ছড়েই নেযানা ন-চলিবো, তারে মারে ফেলা পুরিবো।

মথি লেখ্যে গম্ হবর্ 26:74

সেক্কে পিতরে নিজোরে অভিশাব্ দিলো আর শমক্ হেইনে কুয়ো ধুরিলো, “মুই সে মানুচ্চোরে মোটেই ন-চিনোং।” আর সেক্কেনে এক্কো রাদাকুরো ডাগ্‌‍কারি উদিলো।

মথি লেখ্যে গম্ হবর্ 27:25

জোবত্ মানুচ্চুনে বেক্কুনে কলাক্, “আমি আর আমা পুয়ো-ছাগুনে তা লো-গানর্ দায়ী অবং।”

প্রেরিত্‌ 23:13

চল্লিশ জনত্তুন্অ বেশ্ মান্‌জ্যে এ কুজুরোমিগান্ গুরিলাক্।

প্রেরিত্‌ 23:14

তারা আজল্ ধর্মগুরুগুনোর আর যিহূদী বুড়ো নেতাগুনো ইধু যেইনে কলাক্, “পৌলরে মারেই ন-ফেলানা সং আমি কিচ্চু ন-হেবং বিলি জদবদে সমত্ খেইয়্যেই।

প্রেরিত্‌ 23:21

তুই তারা কধালোই রাজী ন-অবে, কারন চল্লিশ জনত্তুন্অ বেশ্ মানুচ্ লুগিনে পৌলরে বাজ্জেই আগন্। পৌলরে খুন্ ন-গরানা সং এ মুনুচ্চুনে কিচ্চু ন-হেবাক্ বিলিনে সমত্ খেইয়োন্। তারা যুক্কোল্ ওইনে ইক্কিনে বানা তর্ রাজী অনাগান্ বাজ্জ্যেই আঘন্।”

প্রেরিত্‌ 23:30

যেক্কে মুই হবর্ পেলুং মানুচ্চুনে পৌল বিরুদ্ধে কুজুরোমি গত্তন্ সেক্কে মুই তারে তইধু পাধেলুং। যিগুনে তারে দুষী বানেয়োন তারারেয়ো মুই উগুম্ দিলুং যেন তারা ইবের্ দুষো পৌইদ্যেনে তইধু কন্।”

প্রেরিত্‌ 25:3

তারা ফীষ্টরে ভারী গুরি কোজোলি গুরিলাক্ যেন তে তারা উগুরে দোয়্যে গুরিনে পৌলরে যিরূশালেমত্ পাধায়। ইয়েনর্ কারণান্ ইয়েন, তারা পধত্ লুগি থেইনে পৌলরে খুন্ গুরিবার কুজুরোমি গোজ্জ্যন্।

প্রেরিত্‌ 9:23

ইয়েনর ভালোক্ দিন পরেদি যিহূদীগুনে তারে মারে ফেলেবাত্তে কুজুরোমি গরা ধুরিলাক্।

প্রেরিত্‌ 9:24

মাত্তর্ শৌলে তারার্ কুজুরোমি গুরিবার কধাবাত্তানি হবর্ পেলঅ। তারে মারে ফেলেবাত্তে যিহূদীগুনে শঅরর্ গেট্টুনোত্ দিনে-রেদে চুগি দিয়্যে ধুরিলাক্।

১ করিন্হীয় 16:22

যুনি কেঅ প্রভুরে কোচ্‌ ন-পায় সালে তা উগুরে অভিশাব্ পোড়োক্। আমা প্রভু এজোক্।

২ করিন্হীয় 11:26

মুই বোউত্ দেশ্ ঘুজ্জ্যং। বান্, দাগেত্, নিজো জাদর্ মানুচ্‌ আর অযিহূদীগুনোত্যে মুই দজাত্ পোজ্জ্যং। সিয়েন বাদে শঅরত্, ধূল্যেচর-চাগালাত, সাগরত্ আর ভন্ড ভেইয়ুনো ইধুয়ো মুই দজাত্ পোজ্জ্যং।

গালাতীয় 3:13

রীতি-সুদোম্ অমান্য গরানার ফলে যে অভিশাব্‌পান আমা উগুরে এলঅ, খ্রীষ্ট সে অভিশাব্‌পান নিজো উগুরে লোইনে আমারে উদ্ধোর্ গোজ্জ্যে। পবিত্র বোইবোত্ এ কধাগান্ লেগা আঘে, “যিবেরে গাজত্ টাঙা অয় তে অভিশাব্ পেইয়্যে।”

১ থিষলনীকীয় 2:16

তারা আমারে মানা গরন্ যেন অযিহূদীগুনোরে পাপত্তুন্ উদ্ধোরত্যে তারা ইধু আমি কনঅ কধা কোই ন-পারিই। এবাবোত্যেগুরি এই যিহূদীগুনে নিত্য পাপ উগুরে পাপ গোজ্জ্যন, আর গোজেনর্ রাগ্‌কান পুরোপুরি গুরিনে তারা উগুরে এইনে লুম্মেগি।

যিহোশূয় 6:26

ইয়েনর্ পরেন্দি যিহোশূয় শমক্‌ খেইনে কলদে, “এ যিরীহো শঅ‌রান যে মানুচ্চ্য আরঅ‌ তুলিবো তা উগুরে লগেপ্রভুর এ অভিশাপ্পান পুরিবো: পত্তম পূঅবোর জীংকানিগান দিইনে তে তার খুদোবো গাড়েব, আর চিগোন্‌ পূঅবোর্‌ জীংকানিগান দিইনে তা গেট্টুন্‌ তুলিবাক্‌।”

যিহোশূয় 7:1

যিরীহো শঅরর্‌ ভস্তর্ অভিশাবর তলে থেইয়্যে পযারিরেনি পৌইদ্যেনে ইস্রায়েলীয়গুনে অবিশ্বেজী ওইয়োন্‌। যিহূদা-গুট্টির কর্মির পূঅ আখনে সে জিনিজোত্তুন্‌ কয়েক্কান নিজোত্তে নেযেল। কর্মি অলদে সব্দির পূঅ আর সেরহর নাদিন্‌। আখনর এ কামানত্তেই ইস্রায়েলীয়গুনো উগুরে লগেপ্রভুর রাগকান্‌ জুলি উদিলো।

যিহোশূয় 7:15

যিয়েন ভস্তর্ অভিশাবর তলে সিয়েন যে মানুচ্চো ইদু আঘে বিলিনে ধরা পুরিবো তাত্তুন্‌ তার বেক্কানি আগুনোত্‌ পুড়ি ফেলা পুরিবো। তে লগেপ্রভুর সুদোম অমান্য গোজ্যে আর এন্‌ এক্কান কাম্‌ গোজ্যে যিয়েন্‌ ইস্রায়েলীয়গুনোর পক্ষে এক্কান লাজানার্‌ কধা।’”

১ শমূয়েল 14:24

সে দিন্নো ইস্রায়েলীয়গুনোর অমহদ দুঘে কাদিলো, কিত্যে শৌল তারারে দিইনে এক্কান শমক্‌ গুরি নেযেয়্যে, তে সাজোন্যের্ আগেন্দি সং, শত্রুগুনো উগুরে হেনা ন সুজোনা সং যুুদি কেঅ কিজু খায় সালে তা উগুরে যেনে অভিশাব পড়ে। সেনত্যে সেদিন্যে মানুচ্চুনে কেঅ কিচ্ছু ন খান্।