প্রেরিত্‌ 23:11 - Chakma Bible

¹¹ তার্ কেল্যে রেদোত্ প্রভু পৌল কায়কুরে থিয়্যেইনে কলঅ, “সাহসী অ, যিরূশালেমত্ যেবাবোত্যে গুরি তুই মঅ পৌইদ্যেনে সাক্ষ্য দুয়োচ্ সেবাবোত্যেগুরি রোমত্অ তত্তুন্ সাক্ষ্য দিয়্যে পড়িবো।”

প্রেরিত্‌ 23:11 ပူးပေါင်းရင်းမြစ်များ

গীতসংহিতা 109:31

কিত্তে তে নাদা মানুচ্চুনোর কায়কুরে থেদঅ, যেন অন্যেয় বিচের রায়ত্তুন্ তা পরাণান্ রোক্ক্যে গুরি পারে।

যিশাইয় 41:10

সেনত্তে তুই ন-দোরেচ্, মুই দঅ তঅ সমারে সমারে আগং; থির্ নেইয়্যে ন-ওইয়ো, কিত্তে মুই তর্ গোজেন। মুই তরে খেমতা দিম্ আর ঘেচ্চেকগুরি সাহায্য গুরিম আর মর্ ন্যায়র ডেন্ আঢ্‌তানিলোই তরে হামাক্কায় ধুরি রাগেম।‌‌

যিশাইয় 41:14

ও যাকোব, ও ইস্রায়েল, তুই যুনিয়ো পুগো ধোক্ক্যেন সামান্য তো ন-দোরেচ্; মুই নিজেই তরে সাহায্য গুরিম। মুই লগেপ্রভু তর্ উদ্ধোরগুরিয়্যে ইস্রায়েলর সেই সুদ্ধো-সাংগ মানুচ্চো এ কধাগান কঙর্।

যিশাইয় 43:2

তুই যেক্কে পানি উগুরেদি যেবে সেক্কে মুই তঅ লগে লগে থেম্। যেক্কে তুই গাঙ উগুরেদি যেবে, সেক্কে সিয়েনিয়ে তরে ন-ডুবেব; তুই যেক্কে আগুনো উগুরেদি যেবে, সেক্কে তুই পুড়ি ন-যেবে, আগুনো জ্বিলান্ তঅ কিয়্যেত্ ন-বাঁজিবো;

যিশাইয় 46:10

মুই শেজ্ কাল পৌইদ্যেনে আগে আগে কং আর যিয়েনি এজঅ ন-অয় সিয়েনি আগে জানাং। মুই কোইয়োংগে যে, মঅ উদ্দেশ্যগান থির্ থেবঅ; মর্ বেক আওজ্‌‌চান মুই পুরেম্।

মথি লেখ্যে গম্ হবর্ 14:27

যীশু সেক্কেনে তারারে কলঅ, “ইবে দঅ মুই; ন-দোরেয়ো, সাহচ্ গরঅ।”

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”

মথি লেখ্যে গম্ হবর্ 9:2

মানুচ্চুনে সেক্কে বিচ্ছোনত্ পড়ি থেইয়্যে এক্কো বেসৎ-পীড়েল্যেরে তাইধু আনিলাক্। সে মানুচ্চুনোর বিশ্বেজ্ দেগিনে যীশু সেই পীড়েল্যেবোরে কলঅ, “সাহচ গর্, ও গাবুজ্যে, তঅ পাপ্‌পান খেমা গরা অলঅ।”

লূকে লেখ্যে গম্ হবর্ 16:28

যেন তে মর্ পাচ্চো ভেইয়োরে উজিয়ার্ গুরি পারে; সিয়েন্ ন-গল্ল্যে তারায়ো দঅ এ দুঘো জাগাত্ এবাক্।

যোহন 14:18

মুই তমারে গায় গায় গুরি ফেলেইনে থোই ন-যেম্; মুই তমা ইধু এইম্।

যোহন 16:33

মুই তমারে ইয়েনি বেক্কানি কলুং যেন তুমি মঅ সমারে আঘঅ কিনেই মনত্ শান্তি পঅ। এ জগদত্ তুমি কষ্ট আর চাপ মুয়োত্ আঘ, মাত্তর্ সাহচ্‌ ন-আরেইয়ো; মুয়ই জগদ্‌তানরে জয় গোজ্যং।”

প্রেরিত্‌ 18:9

এক দিন্ন্যে রেদোত্ প্রভু এক্কো দর্শন মাধ্যমে পৌলরে এ কধাগান্ কলঅ, “ন-দোরেচ্, কধা কনাত্ থাক্, অলর্ গুরি ন-থেইচ্;

প্রেরিত্‌ 19:21

এ বেক্কানি ঘুদিবার পরেদি পৌলে ঠিগ্ গুরিলো তে ম্যাসিডোনিয়া আর আখায়া ওইনে যিরূশালেমত্ যেবঅ। তে কলঅ, “যিরূশালেমত্ যেবার্ পরেদি মত্তুন্ রোম শঅরত্অ যাহ্ পরিবো।”

প্রেরিত্‌ 2:25

দায়ূদে তা পৌইদ্যেনে কোইয়্যে, মঅ চোগ্‌কুন্ নিত্য প্রভু ইন্দি আঘে; তে মর্ ডেন্ ধাগেদি আঘে বিলিনে মুই থির্ থেইম্।

প্রেরিত্‌ 20:22

ইক্কিনে মুই পবিত্র আত্মার্ বাধ্য ওইনে যিরূশালেমত্ যাঙর্। সিধু মঅ উগুরে কি ঘুদিবো সিয়েন মুই হবর্ ন-পাং।

প্রেরিত্‌ 22:15

তুই তার্ সাক্ষী অবে আর যিয়েন্ দেক্ক্যচ্ আর শুন্ন্যচ্ বেক্কানি মান্‌জ্য ইধু কবে।

প্রেরিত্‌ 22:18

সেই অবস্থায় মুই দেগিলুং প্রভু মঅ সমারে কধা কর্। তে মরে কলঅ, যাদি গর্, ইক্কিনে যিরূশালেমান ছাড়িনে যাগোই, কিয়া মঅ পৌইদ্যেনে তর্ সাক্ষ্যগানি মান্‌জ্যে মানি ন-লবাক্।

১ করিন্হীয় 9:1

মুই কি স্বাধীন নয়? মুই কি প্রচারক্ নয়? আমা প্রভু যীশুরে কি মুই ন-দেগং? প্রভুত্যে মুই যে কাম্ গোজ্জ্যং তুমি কি সিয়েনর্ ফল নয়?

ফিলিপীয় 1:13

আর সেক্কে ইধুগোর্ রাজ-ঘরর্ সৈন্যদলুন্ আর অন্য বেক্কুনে হবর্ পেয়োন্দে, খ্রীষ্টত্যে মুই বন্দী অবস্থায় আঘং।

২ তীমথিয় 4:17

মাত্তর্ প্রভু মঅ সমারে এলঅ আর মরে খেমতা দান গোজ্জ্যে। সিয়েনর্ ফলে মুই পুরোপুরি গুরিনে গম হবর্ প্রচার গুরি পাজ্জ্যং আর অযিহূদীগুনে বেক্কুনে সিয়েন শুন্ন্যন্।