প্রেরিত্‌ 22:3 - Chakma Bible

³ মুই এক্কো যিহূদী। কিলিকিয়ার তার্ষ শঅরত্ মর্ জর্ম, মাত্তর্ মুই এ শঅরত্ দাঙর্ ওইয়োং। গমলীয়েলর্ টেংঅ কুরে বৈইনে মুই আমা পূরোণি মানুচ্চুনোর রীতি-সুদোম বেক্কানি শিক্ষ্যে পেইয়োং। গোজেন পৌইদ্যেনে এচ্চ্যে তুমি যেবাবোত্যেগুরি আওজ্ দেগর্ মুই নিজেয়ো সেবাবোত্যেগুরি আওজি এলুং।

প্রেরিত্‌ 22:3 ပူးပေါင်းရင်းမြစ်များ

২ শমূয়েল 21:2

রাজা সেক্কে গিবিয়োনীয়গুনোরে ডাগিনে তারা লগে কধা কলঅ। গিবিয়োনীয়গুনে ইস্রায়েলীয় ন-এলাক্। আজলে তারা এলাক্কে ইমোরীয়গুনোর বাঁজি রোইয়্যে মানুচ্‌। তারারে ভস্ত ন-গুরিবাক্ বিলিনে ইস্রায়েলীয়গুনে শমক্‌ হেইয়োন, মাত্তর্‌ ইস্রায়েল আর যিহূদার উগুরে বিশেজ্ আওজত্তে শৌল তারারে বেক্কুনোরে মারে ফেলেবার চেট্ট্যা গুরিলো।

২ রাজাবলী 4:38

ইলীশায় গিল্‌গলত্‌ ফিরি গেলঅ। সেক্কে সে চাগালাত্‌ ভাদঅ রাত্‌ চলের্‌। একদিন্যে একদল শিচ্চ্য-ভাববাদীয়্যে তা লগে বুয়োই এলাক্‌। সেক্কে তে তা চাগর্‌বোরে কলঅ, “দাঙর্‌ পিলেবো ধোইনে ইগুনোত্তে কিজু তোন্‌ রানঅ।”

লূকে লেখ্যে গম্ হবর্ 10:39

মরিয়ম নাঙে মার্থার্ এক্কো বোন এলঅ। তে প্রভুর টেঙ কুরে বোইনে তা কধা শুনের্।

লূকে লেখ্যে গম্ হবর্ 2:46

যেরেদি তিন দিন পরেদি তারা তারে উবোসনা-ঘরত্ পেলাক্। তে মাষ্টরুনো সংমোধ্যে বোইনে তারার্ কধানি শুনের্ আর তারারে নানান্ কধা পুযোর্ গরের্।

লূকে লেখ্যে গম্ হবর্ 8:35

কি ওইয়্যে সিয়েন্ চেবাত্তে সেক্কে মানুচ্চুনে নিগিলি এলাক্। যীশু ইধু এইনে তারা দেগিলাক্, যিবে ভিদিরেত্তুন্ ভান্ন্যেই আত্মাগুন্ নিগিলি যেইয়োন্ তে কাবড়-চুগোড়্ পিনিনে গম্ মনে যীশু টেঙ কুরে বুয়োই আঘে। ইয়েন্ দেগিনে তারা দোরেলাক্।

প্রেরিত্‌ 11:25

ইয়েন পরেদি বার্ণবা শৌলরে তোগেবাত্যে তার্ষ শঅরত্ গেলঅ,

প্রেরিত্‌ 15:23

তারা সমারে এ চিধিগান পাধা অলঅ: আন্তিয়খিয়া, সিরিয়া আর কিলিকিয়ার অযিহূদী বিশ্বেজি ভেইয়ুনো ইধু আমি প্রচারক্কুনে আর মন্ডলী নেতাগুনে, অত্তাৎ তমা ভেইয়ুনে এ চিধিগান লিগির্। তমার্ ভালেদি ওক্‌।

প্রেরিত্‌ 15:41

পৌল সিরিয়া আর কিলিকিয়া ভিদিরেদি যেইনে বেক্‌ মন্ডলীগুনোর বিশ্বেজ্ বাড়েইনে তারারে আরঅ দরমর গুরি তুলিলো।

প্রেরিত্‌ 21:20

এ কধানি শুনিনে সেই নেতাগুনে গোজেনরে বাঈনী গুরিলাক্ আর পৌলরে কলাক্, “ভেই, তুই দঅ দেগর্, কদক্ আজার্ আজার্ যিহূদী যীশু উগুরে বিশ্বেজ্ গোজ্জ্যন্ আর তারা বেক্কুনে মোশির রীতি-সুদোম পালেবাত্তে ভারী আওজি।

প্রেরিত্‌ 21:39

সেক্কে পৌলে জোব্ দিলো, “মুই যিহূদী, কিলিকিয়া রেজ্যর্ তার্ষ শঅরর্ মানুচ্। মুই যে সেই শঅরর্ মানুচ্ নয়। দোয়্যে গুরিনে মরে মানুচ্চুনো ইধু কধা কবাত্তে দে।”

প্রেরিত্‌ 23:34

আজল্ শাসন গুরিয়্যেবো চিধিগান্ পড়িনে পৌলে কুদুগোর্ মানুচ্‌ সিয়েন পুযোর্ গুরিলো। পৌলে যে কিলিকিয়া রেজ্যর্ মানুচ্‌ সে কধাগান্ কোই পারিনে তে কলঅ,

প্রেরিত্‌ 23:6

সেই দাঙর্ তেম্মাঙর্ এক দল যে সদ্দূকী আর অন্য দল অলঅ ফরীশী, এ কধাগান হবর্ পেইনে পৌলে দাঙর্ তেম্মাঙত্ রঅ ছাড়িনে কলঅ, “মর্ ভেইয়ুন, মুই এক্কো ফরীশী আর ফরীশীর পুয়ো। মর্ বিচের্ অর্ কিয়া মুই বিশ্বেজ্ গরং, মরাগুনে আরঅ জেদা ওই উদিবাক্।”

প্রেরিত্‌ 26:5

তারা ভালোক্ দিন ধুরিনেই মরে চিনোন্ আর মনে কলে এ সাক্ষ্যগান্ দি পারন্, আমা ধর্মর্ ফরীশী নাঙে যে গড়া দল্ আঘে মুই সেই ফরীশীর্ জিংকানি কাদেয়োং।

প্রেরিত্‌ 26:9

মুই নিজে বিশ্বেজ্ গত্তুং, নাসরত যীশুর্ বিরুদ্ধে যিয়েনি গরা যায় সিয়েনি বেক্কানি মর্ গরানা উচিত্,

প্রেরিত্‌ 5:34

মাত্তর্ গমলীয়েল নাঙে ফরীশী দলর এক্কো মানুচ্‌ দাঙর্ তেম্মাঙত্ উদিনে থিয়্যেল। তে এক্কো ধর্ম মাষ্টর্ এলঅ আর বেক্কুনে তারে সর্মান গুরিদাক্। তে দিপাধেয়্যে প্রচারক্কুনোরে খানক্‌কনত্তে বারেদি থবাত্তে উগুম দিলো।

প্রেরিত্‌ 6:9

যে সমাজ ঘরানরে উদ্ধোর্-গোজ্যে মানুচ্চুনোর সমাজ-ঘর কুয়ো অদঅ সেই সমাজ-ঘরর্ কয়েক্কো মান্‌জ্যে স্তিফানর্ পিজেদি লাগিলাক্। তারা এলাক্ কুরীণী আর আলেক্‌জান্দ্রিয়া শঅরর্ আর কিলিকিয়া আহ্ এশিয়া রেজ্যর্ কয়েক্কো যিহূদী।

প্রেরিত্‌ 9:1

ইন্দি শৌলে প্রভুর শিচ্চ্যগুনোরে মারে ফেলেব বিলি দর্ দেগার্। দামেস্ক শঅরর্ সমাজ-ঘরানিত্ দিবাত্যে তে দাঙর্ ধর্মগুরুবো ইধু যেইনে চিধিগান চেলঅ। যিদুক্কুন্ মান্‌জ্যে যীশুর পধেদি চলন্, তারা মরদ্ ওক্‌ কি মিলে ওক্‌, তারারে পেলে যেন তারারে বানিনে যিরূশালেমত্ আনি পারে সেই খেমতাগানত্তে তে সেই চিধিগান চেইয়্যে।

প্রেরিত্‌ 9:11

প্রভু তারে কলঅ, “উজু নাঙে যে পধ্‌‌‌‌তান আঘে তুই সে পধ্‌‌‌‌তানত্ যাহ্। সিধু যিহূদার ঘরত্ শৌল নাঙে তার্ষ শঅরর্ এক্কো মান্‌জ্যরে তগাগোই। তে তবনা গরের্ আর দর্শনত্ দেক্ক্যে, অননিয় নাঙে এক্কো মানুচ্‌ এইনে তা কিয়্যেগানত্ আঢ্ বাজেয়্যে যেন তে আরঅ চোগেদি দেগে।”

প্রেরিত্‌ 9:30

বিশ্বেজি ভেইয়ুনে এ কধাগান শুনিনে তারে কৈসরিয়া শঅরত্ নেযেলাক্ আর যেরেদি তারে তার্ষ শঅরত্ পাধেই দিলাক্।

রোমীয় 11:1

মুই সালে পুযোর্ গরং, গোজেনে কি তা মানুচ্চুনোরে এলাফেলা গোজ্জ্যে? কনদিন্অ নয়। মুই নিজেই এক্কো ইস্রায়েলীয়, অব্রাহাম গুট্টির্ আর বিন্যামীন-গুট্টির্ মানুচ্‌।

২ করিন্হীয় 11:22

যিগুনে দেমাগ্ গরন তারা কি ইব্রীয়? আমিয়ো সেধোক্ক্যেন। তারা কি ইস্রায়েলীয়? মুইয়ো সেধোক্ক্যেন। তারা কি অব্রাহামর্ গুট্টি? মুই সেধোক্ক্যেন।

গালাতীয় 1:14

মঅ বয়জর্ বোউত যিহূদীত্তুন্অ মুই সে ধর্মত্ ভালোদ্ দূর্ উজেই যাঙর্। ইয়েন বাদে মঅ পূরোণি মানুচ্চুনোত্তুন যেদক্কানি সুদোম এচ্চ্যে সেই পৌইদ্যেনেয়ো মুই অমকদ উচ্চোমি এলুং।

গালাতীয় 1:21

সে পরেদি মুই সিরিয়া আর কিলিকিয়া ভিদিরে নানান্ জাগাত যেইয়োং।

দ্বি’লম্বর বিররণ 33:3

“ঘেচ্চ্যেকগুরি তে তার নিজোর মানুচ্চুনোরে কোচ্‌পায়। পবিত্র দূত্তুনে তার অধীনোত্‌ আগন, তারা বেক্কুনে তা টেঙানিত্‌ মাদা নিগিরিনে আগন; তাত্তুনোই তারা উগুম পান্‌।