প্রেরিত্‌ 22:25 - Chakma Bible

²⁵ যেক্কে পৌলরে চাবুক্ মারিবাত্যে বানা অলঅ, সেক্কে যে সেনাপতিবো সিধু থিয়্যেই এলঅ পৌলে তারে কলঅ, “যিবেরে দুষী বিলিনে এজঅ ঠিগ্ গরা ন-অয় এবাবোত্যে এক্কো রোমীয়রে চাবুক্ মারানা কি তমা পক্ষে আইন মজিম্ কাম্ অর্?”

প্রেরিত্‌ 22:25 ပူးပေါင်းရင်းမြစ်များ

মথি লেখ্যে গম্ হবর্ 10:17

উজিয়ার্ থেয়ো, কিয়া মান্‌জ্যে বিচের-সভাত্ মানুচ্চুনো আঢত্ তমারে ধুরি দিবাক্ আর তারার্ সমাজ-ঘরত্ তমারে চাবুক্ মারিবাক্।

মথি লেখ্যে গম্ হবর্ 27:54

যেক্কেনে আর্মি অফিসার আর তা সমারে সৈন্যগুনে যীশুরে চুগি দেদন্ তারা ভূজোল্ আর অন্য বেক্ ঘটনাগানি দেগিনে জদবদে দোরেইনে কলাক্, “ঘেচ্চেকগুরি তে গোজেনর্ পুয়ো এলঅ।”

মথি লেখ্যে গম্ হবর্ 8:8

সেই সেনাপতিবো যীশুরে কলঅ, “প্রভু, তুই যে মঅ ঘরত্ সোমেবে এবাবোত্যে যোগ্য মুই নয়। বানা মুয়োদি কঅ, সেক্কে মঅ চাগর্‌বো গম্ ওই যেবঅ।

প্রেরিত্‌ 10:1

কৈসরিয়া শঅরত্ কর্ণীলিয় নাঙে এক্কো মানুচ্‌ ইটালীয় সৈন্যদলর্ সেনাপতি এলঅ।

প্রেরিত্‌ 16:37

সেক্কে পৌলে সেই জেল-চুগুদারুনোরে কলঅ, “আমি রোমীয়, আমা বিচের্ ন-গুরিনে বেক্কুনো মুজুঙোত্ বেত্ মারা ওইয়্যে আর জেলোত্ দিয়্যে ওইয়্যে। ইক্কিনে কি শাসনগুরিয়্যেগুনে আমারে ভিদিরে ভিদিরে ইরি দিবাত্তে চান্? সিয়েন ন-অবঅ; তারা নিজে এইনে আমারে বারেদি নেযাদোক্।”

প্রেরিত্‌ 22:26

এ কধাগান্ শুনিনে সেই শত উগুরে সেনাপতিবো আজল্ সেনাপতিবো ইধু সেই হবরান্ দিইনে কলঅ, “তুই কি গুরিবাত্যে যর্? এ মানুচ্চো দঅ রোমীয়।”

প্রেরিত্‌ 23:17

সেক্কে পৌলে এক্কো শত উগুরে সেনাপতিরে ডাগিনে কলঅ, “এ গাবুজ্জ্যে পুয়োবোরে আজল্ সেনাপতিবো ইধু নেযা। তাইধু ইবের্ কিজু কবার্ আঘে।”

প্রেরিত্‌ 23:27

“যিহূদীগুনে এ মানুচ্চোরে ধুরিনে প্রায় খুন্ গুরি ফেল্ল্যন্, মাত্তর্ মুই মঅ সৈন্যগুনোরে নেযেইনে তারে উদ্ধোর্ গুরি আন্ন্যং; কিয়া মুই কোই পারিলুং তে এক্কো রোমীয়।

প্রেরিত্‌ 25:16

মুই তারারে কলুং, কনঅ মান্‌জ্য বিরুদ্ধে যুনি কনঅ আবিত্তি গরা অয় সালে যিগুনে আবিত্তি গোজ্জ্যন্ তারা মুজুঙোত্ নিজোরে নিদ্দুজি বিলি প্রমাণ্ গুরিবার সুয়োগ ন-পানা সং তারে সাজা দিবার্ কধা রোমীয়গুনোর নুয়ো সুদোমত্ নেই।

প্রেরিত্‌ 27:1

জাহাজত্ গুরিনে আমারে ইটালীত নেযানা ঠিগ্ অলে পরেদি পৌল আরঅ কয়েক্কো বন্দীরে যুলিয় নাঙে এক্কো শত উগুরে সেনাপতি আঢত্ দিয়্যে অলঅ। যুলিয় এলঅ সম্রাটর নিজোর্ সৈন্যদলর্ এক্কো শত উগুরে সেনাপতি।

প্রেরিত্‌ 27:3

আমা জাহাজ্‌চান তার্ কেল্যে সীদোনত্ থামেল। যুলিয় পৌল সমারে ভারী গম্ বেবহার গুরিলো আর তারে তা সমাজ্যেগুনো ইধু যেবার অনুমতি দিলো যেন তা সমাজ্যেগুনে তারে দরকারি পযাপিরা দি পারন্।

প্রেরিত্‌ 27:43

মাত্তর্ শত উগুরে সেনাপতিবো পৌলর্ পরাণান্ বাজেবাত্যে চেইয়্যে বিলিনে সৈন্যগুনোরে মনেমন্‌‌জক্কা কাম্ গুরিবাত্তে ন-দিলো। তে উগুম দিলো, যিগুনে সাজুরি জানন্ সিগুনে পত্তমে জাহাজত্তুন্ ঝাম্ দিইনে কুলো চরত্ যেইনে উদোদোক্,