প্রেরিত্‌ 21:40 - Chakma Bible

⁴⁰ আজল্ সেনাপতিবোর্ অনুমতি পেইনে পৌলে সিড়ি উগুরে থিয়্যেল আর আঢ্ তুলিনে মানুচ্চুনোরে জুরো অবাত্তে ইজিরে দিলো। মানুচ্চুনে জুরো অলে পরেদি পৌলে ইব্রীয় কধাদি তারারে কলঅ,

প্রেরিত্‌ 21:40 ပူးပေါင်းရင်းမြစ်များ

২ রাজাবলী 9:13

সেক্কে সে সেনাপতিগুনে যাদিমাদি গুরিনে তারা কিয়্যে কাবড়ানি নেযেইনে পোইদেগুনো উগুরে যেহূর টেঙঅ তলে পাদি দিলাক্‌। সে পরেন্দি বাঁজি বাজেইনে তারা রঅ ছাড়িনে কলাক্‌, “যেহূই রাজা।” যেহূর আঢত্‌ যোরাম আর অহসিয়োর্‌ মরাণা

লূকে লেখ্যে গম্ হবর্ 23:38

ক্রুশোত্ তা মাঢা উগুরেদি এক্কান্ তক্তাত্ এ কধাগান্ লেগা এলঅ, “এ মানুচ্চো যিহূদীগুনোর্ রাজা।”

যোহন 19:13

এ কধাগান্ শুনিনে পীলাতে যীশুরে বারেদি আনিলো আর শিলো কুড়্ নাঙে এক্কান্ জাগাত্ বিচেরর্ আসনত্ বলঅ। ইব্রীয় ভাষায় সেই জাগানরে গাব্বাথা কুয়ো অদঅ।

যোহন 19:17

যীশু নিজো ত্রুুশ্‌চান্ নিজে ভুগিনে কুলো চারা নাঙে এক্কান্ জাগাত্ গেলঅ। সেই জাগানর্ ইব্রীয় নাঙান্ এলঅ গল্‌গথা।

যোহন 19:20

যিয়েনত্ যীশুরে ত্রুুশোত্ দিয়্যে ওইয়্যে সেই জাগায়ান্ শঅর কায়-কুরে এলঅ বিলিনে যিহূদীগুনোত্তুন্ ভালোক্‌‌জনে সেই দুষ্ গোজ্যেদে চিদিগান্ পড়িলাক্। সিয়েন ইব্রীয়, রোমীয় আর গ্রীক ভাষায় লেগা এলঅ।

যোহন 5:2

যিরূশালেম ভেড়া-গেদো কায়কুরে এক্কো পোর্ আঘে; সিয়েনত্ পাচ্চান্ ছাল্-দিয়্যে জাগা আঘে। ইব্রীয় কধাদি পোর্‌বো নাঙান্ বৈথেস্‌দা।

প্রেরিত্‌ 1:19

যিরূশালেমর বেক্কুনে সেই কধাগান শুন্ন্যন্। ইয়েনত্যে তারা কধাদি এ ভূইয়ানরে তারা আকেল্‌দামা বা লো জাগা কন্।

প্রেরিত্‌ 12:17

পিতরে তারারে জুরো অবাত্যে আঢ্‌তোই ইজিরে দিলো আর জেলখানাত্তুন্ প্রভু তারে কেধোক্ক্যেন্ গুরি নিগিলেই আন্ন্যে সিয়েন জানেল। যেরেদি তে কলঅ, “এ হবরান্ যাকোব আর অন্য ভেইয়ুনোরেয়ো দুয়ো।” এ কধাগান কোইনে তে নিগিলিনে অন্য জাগাত্ গেলগোই।

প্রেরিত্‌ 13:16

সেক্কে পৌলে উদিনে থিয়েল আর আঢ্ তুলিনে কলঅ, ইস্রায়েলীয়গুন আর গোজেন ভক্ত অযিহূদীগুন, তুমি শুনো।

প্রেরিত্‌ 19:33

যিহূদীগুনে আলেক্‌সান্দররে মুজুঙোত্ ঠিলি দিলে পরেদি কয়েক্কো মান্‌জ্যে তারে কোই দিলাক্ কি কুয়ো পরিবো। সেক্কে আলেক্‌সান্দরে মানুচ্চুনো মুজুঙোত্ নিজো পক্ষে কধা কবাত্যে আঢ ইজিরেলোই মানুচ্চুনোরে জুরো গুরিবাত্তে চেষ্টা গুরিলো।

প্রেরিত্‌ 21:35

পৌলে সিড়ি সং লুমোনার্ পরেদি মানুচ্চুনো আঢত্তুন্ বাঁজিবাত্তে সৈন্যগুনে তারে বুয়োই নেযা পড়িলো।

প্রেরিত্‌ 22:2

মানুচ্চুনে তারে ইব্রীয় ভাষায় কধা কধে শুনিনে এক্কুবারে জুরো ওই গেলাক্।

প্রেরিত্‌ 26:14

আমি বেক্কুনে মাদিত্ পড়ি গেলং আর মুই শুনিলুং ইব্রীয় ভাষায় কন্না যেন মরে কত্তে, শৌল, শৌল, কিত্ত্যে তুই মঅ উগুরে অত্যেচার্ গরর্? কাদা বোজেয়্যে লুদিগো মুয়োত্ লাদি মারিনে কি তুই নিজোর্ ক্ষতি ন-গরর্?

প্রেরিত্‌ 6:1

সে অক্তত্ শিচ্চ্যগুন বাড়দন্। সেক্কে শিচ্চ্যগুনো ভিদিরে যে যিহূদীগুনে গ্রীক ভাষায় কধা কদাক্ তারা ইব্রীয় ভাষায় কধা কোইয়্যে যিহূদীগুনোরে ইয়েন কোইনে দুচ্‌ দিয়্যে ধুরিলাক্, পত্তিদিন হানা দিবার সময়োত্ তারার্ রানী মিলেগুনে কিচ্চু ন-পান্।

ফগদাং পেইয়্যে 16:16

ইব্রীয় কধানি যে জাগায়ানর নাঙান্ হরমাগিদোন, ভান্ন্যেই আত্মাগুনে সেই রাজাগুনোরে সিয়েনত্ থুবেলাক্।

ফগদাং পেইয়্যে 9:11

গভীন গাঢ্ দুনোবো এলদে এই পুগ্-যুগ্‌কুনোর্ রাজা। ইব্রীয় কধাদি সেই দূত্‌তোর নাঙান এলঅ আবদ্দোন আর গ্রীক কধাদি আপল্লুয়োন, অত্তাৎ ভস্ত গুরিয়্যে।