প্রেরিত্‌ 21:39 - Chakma Bible

³⁹ সেক্কে পৌলে জোব্ দিলো, “মুই যিহূদী, কিলিকিয়া রেজ্যর্ তার্ষ শঅরর্ মানুচ্। মুই যে সেই শঅরর্ মানুচ্ নয়। দোয়্যে গুরিনে মরে মানুচ্চুনো ইধু কধা কবাত্তে দে।”

প্রেরিত্‌ 21:39 ပူးပေါင်းရင်းမြစ်များ

প্রেরিত্‌ 15:23

তারা সমারে এ চিধিগান পাধা অলঅ: আন্তিয়খিয়া, সিরিয়া আর কিলিকিয়ার অযিহূদী বিশ্বেজি ভেইয়ুনো ইধু আমি প্রচারক্কুনে আর মন্ডলী নেতাগুনে, অত্তাৎ তমা ভেইয়ুনে এ চিধিগান লিগির্। তমার্ ভালেদি ওক্‌।

প্রেরিত্‌ 15:41

পৌল সিরিয়া আর কিলিকিয়া ভিদিরেদি যেইনে বেক্‌ মন্ডলীগুনোর বিশ্বেজ্ বাড়েইনে তারারে আরঅ দরমর গুরি তুলিলো।

প্রেরিত্‌ 16:37

সেক্কে পৌলে সেই জেল-চুগুদারুনোরে কলঅ, “আমি রোমীয়, আমা বিচের্ ন-গুরিনে বেক্কুনো মুজুঙোত্ বেত্ মারা ওইয়্যে আর জেলোত্ দিয়্যে ওইয়্যে। ইক্কিনে কি শাসনগুরিয়্যেগুনে আমারে ভিদিরে ভিদিরে ইরি দিবাত্তে চান্? সিয়েন ন-অবঅ; তারা নিজে এইনে আমারে বারেদি নেযাদোক্।”

প্রেরিত্‌ 21:37

সৈন্যগুনে পৌলরে লোইনে কেম্পত্ সোমেবাত্তে যেবাক্ এমন্ সময়োত্ পৌলে আজল্ সেনাপতিবোরে কলঅ, “তরে কি কিজু কোই পারিম্?” আজল্ সেনাপতিবো কলঅ, “তরে দেগঙত্তে গ্রীক ভাষা জানস্!

প্রেরিত্‌ 22:3

মুই এক্কো যিহূদী। কিলিকিয়ার তার্ষ শঅরত্ মর্ জর্ম, মাত্তর্ মুই এ শঅরত্ দাঙর্ ওইয়োং। গমলীয়েলর্ টেংঅ কুরে বৈইনে মুই আমা পূরোণি মানুচ্চুনোর রীতি-সুদোম বেক্কানি শিক্ষ্যে পেইয়োং। গোজেন পৌইদ্যেনে এচ্চ্যে তুমি যেবাবোত্যেগুরি আওজ্ দেগর্ মুই নিজেয়ো সেবাবোত্যেগুরি আওজি এলুং।

প্রেরিত্‌ 23:27

“যিহূদীগুনে এ মানুচ্চোরে ধুরিনে প্রায় খুন্ গুরি ফেল্ল্যন্, মাত্তর্ মুই মঅ সৈন্যগুনোরে নেযেইনে তারে উদ্ধোর্ গুরি আন্ন্যং; কিয়া মুই কোই পারিলুং তে এক্কো রোমীয়।

প্রেরিত্‌ 23:34

আজল্ শাসন গুরিয়্যেবো চিধিগান্ পড়িনে পৌলে কুদুগোর্ মানুচ্‌ সিয়েন পুযোর্ গুরিলো। পৌলে যে কিলিকিয়া রেজ্যর্ মানুচ্‌ সে কধাগান্ কোই পারিনে তে কলঅ,

প্রেরিত্‌ 6:9

যে সমাজ ঘরানরে উদ্ধোর্-গোজ্যে মানুচ্চুনোর সমাজ-ঘর কুয়ো অদঅ সেই সমাজ-ঘরর্ কয়েক্কো মান্‌জ্যে স্তিফানর্ পিজেদি লাগিলাক্। তারা এলাক্ কুরীণী আর আলেক্‌জান্দ্রিয়া শঅরর্ আর কিলিকিয়া আহ্ এশিয়া রেজ্যর্ কয়েক্কো যিহূদী।

প্রেরিত্‌ 9:11

প্রভু তারে কলঅ, “উজু নাঙে যে পধ্‌‌‌‌তান আঘে তুই সে পধ্‌‌‌‌তানত্ যাহ্। সিধু যিহূদার ঘরত্ শৌল নাঙে তার্ষ শঅরর্ এক্কো মান্‌জ্যরে তগাগোই। তে তবনা গরের্ আর দর্শনত্ দেক্ক্যে, অননিয় নাঙে এক্কো মানুচ্‌ এইনে তা কিয়্যেগানত্ আঢ্ বাজেয়্যে যেন তে আরঅ চোগেদি দেগে।”

প্রেরিত্‌ 9:30

বিশ্বেজি ভেইয়ুনে এ কধাগান শুনিনে তারে কৈসরিয়া শঅরত্ নেযেলাক্ আর যেরেদি তারে তার্ষ শঅরত্ পাধেই দিলাক্।

১ পিতর 3:15

বরং খ্রীষ্টরে তমা মন ভিদিরে প্রভু ইজেবে জাগা দুয়ো। তমার্ আজা-ভরসা পৌইদ্যেনে যুনি কেঅ পুযোর্ গরন্ সালে তারে জোব্ দিবাত্যে নিত্য যুক্কোল্ থেয়ো, মাত্তর্ ইয়েনর্ জোব্‌পান্ চিদে আর ভোক্তি গুরিনে দুয়ো।