প্রেরিত্‌ 21:3 - Chakma Bible

³ যেরেদি সাইপ্রাস দ্বীপ্‌পো দেগিনে সিবের্ দোগিণোদি ঘুরিনে আমি সিরিয়া দেজর্ সোর শঅরত্ যেইনে জাহাজত্তুন্ লামিলোং। সিধু আমার্ জাহাজর্ পযাপিরানি লামেবার্ কধা এলঅ।

প্রেরিত্‌ 21:3 ပူးပေါင်းရင်းမြစ်များ

২ শমূয়েল 8:6

দায়ূদে অরাম রেজ্যর্‌ দম্মেশকত্‌ তার সৈন্যদলুন্‌ রাগেল। সেক্কে অরামীয়গুনে তা অধীনোত্‌ তারে খাজানা দিয়্যে ধুরিলাক্। এধোক্ক্যেনগুরি দায়ূদে যে কনঅ জাগাত্‌ গেলে লগেপ্রভু সিয়োদোই তারে জিদেই দিদো।

গীতসংহিতা 45:12

সোর শঅরর মানুচ্চুনে বক্‌‌শিষ্‌‌সোই এবাক্; তাগোয়্যে মানুচ্চুনে তর্ দোয়্যে চেবাক্।

গীতসংহিতা 87:4

লগেপ্রভু কোইয়্যেদে, “যিগুনে মরে ঘেচ্চেক্‌গুরি হবর্ পান তারার পৌইদ্যেনে কবার অক্তত্ মুই রহব আর বাবিলোর কধা কোম্, আর উইয়োবু পলেষ্টীয়গুন, সোর আর কূশ, তারার কধায়ো কোম্, ‘ইগুনে পত্তিজনে যেন সিয়োনত্ জর্মেয়োন।’ ”

যিশাইয় 7:2

সেক্কে দায়ূদ বংশর মানুচ্চুনোরে কুয়া অলঅ, “অরামর্ সৈন্যদলুনে সমাজ্যে ইজেবে ইফ্রয়িমত্ তাম্বুল ফেলেইনে আগন্।” এ কধাগান শুনিনে আহসে আর তা মানুচ্চুনোর্ মনানি দরে বোইয়্যেরে দুলি পোজ্যে ঝার গাজ ধোক্ক্যেন্ দুলি উদিলো।

মথি লেখ্যে গম্ হবর্ 11:21

“অভিশাব্ পেইয়্যে কোরাসীন, অভিশাব্ পেইয়্যে বৈৎসৈদা! তমা ভিদিরে যেদক্কানি আমক্ অবার্ কাম্ গরা ওইয়্যে সিয়েনি যুনি সোর আর সীদোন শঅরত্ গরা অদঅ সালে ভালোক্ দিন আগে তারা বস্তা ফাদা পিনিনে ছেই গুলিনে পাপত্তুন্ মনানি ফিরেদাক্।

মথি লেখ্যে গম্ হবর্ 4:24

গোদা সিরিয়া দেজত্ তা কধা ছিদি পড়িলো। যিদুক্কুন মান্‌জ্যে নানান্ বাবোত্যে পীড়েত্ আর অমকদ যন্ত্রনাত্ দুঘ্ পাদন্, যিগুনোরে ভান্ন্যেই আত্মায় ধোজ্যে আর যিগুনে মির্‍‍‍গি আর অবস্ রুগোত্ ভুগোদন, মানুচ্চুনে তারারে যীশু ইধু আনিলাক্। তে তারারে বেক্কুনোরে গম্ গুরিলো।‍

লূকে লেখ্যে গম্ হবর্ 10:13

“অভিশাব্‌ পেইয়্যে কোরাসীন! অভিশাব্‌ পেইয়্যে বৈৎসৈদা! যেদক্কানি আমক্ অবার্ কাম তমা ইধু গরা ওইয়্যে সিয়েনি যুনি সোর আর সীদোন শঅরত্ গরা অদঅ, সালে তারা ভালোক্ দিন আগে বস্তা পিনিনে ছেইয়ো উগুরে বোইনে পাপত্তুন্ মনানি ফিরেদাক্।

লূকে লেখ্যে গম্ হবর্ 2:2

সিরিয়ার শাসনগুরিয়্যে কুরীণিয়র সময়োত্ এই পত্তমবার মানুচ্ গুণিবাত্তে নাঙ্ লেগা অয়।

প্রেরিত্‌ 11:19

স্তিফানরে কেন্দ্র গুরিনে বিশ্বেজিগুনো উগুরে অত্যেচারর্ কারনে যিগুনে ছিদি পোজ্জ্যন্ তারা ফৈনীকিয়া, সাইপ্রাস আর সিরিয়া দেজর্ আন্তিয়খিয়া সং যেইনে বানা যিহূদীগুনো ইধু গোজেনর্ কধা কলাক্।

প্রেরিত্‌ 12:20

সে সময়োত্ হেরোদে সোর আর সীদোন শঅর মানুচ্চুনো উগুরে রাগে আগুন অলঅ। সেক্কে সিধুগো মানুচ্চুনে এক সমারে মিলিনে হেরোদ লগে দেগা গুরিবাত্যে গেলাক্। বাস্ত নাঙে রাজার্ ঘুমাইদ্যে ঘরর্ বিশ্বেজি চাগর্‌বোরে নিজোর্ পক্ষে আনিনে তারা রাজা লগে এক্কান মিট্‌মাট গুরিবাত্তে চেলাক্, কিয়া রাজা হেরোদ দেজত্তুন্ তারার্ দেজত্ হানা এদঅ।

প্রেরিত্‌ 13:4

পবিত্র আত্মাগানে এবাবোত্যেগুরি বার্ণবা আর শৌলরে দিপাধেলে যেরেদি সেই দ্বিজনে সিলূকিয়াত্ গেলাক্। যেরেদি সিয়োত্তুন তারা জাহাজত্ গুরিনে সাইপ্রাস দ্বীপোত্ গেলাক্।

প্রেরিত্‌ 15:23

তারা সমারে এ চিধিগান পাধা অলঅ: আন্তিয়খিয়া, সিরিয়া আর কিলিকিয়ার অযিহূদী বিশ্বেজি ভেইয়ুনো ইধু আমি প্রচারক্কুনে আর মন্ডলী নেতাগুনে, অত্তাৎ তমা ভেইয়ুনে এ চিধিগান লিগির্। তমার্ ভালেদি ওক্‌।

প্রেরিত্‌ 15:39

সেক্কে পৌল আর বার্ণবা ভিদিরে এমন্‌ কধার্ অমিল্ অলঅ যে, তারা একজন আরেক্ জনত্তুন্ ফারগ্ ওই গেলাক্। বার্ণবা মার্করে লোইনে জাহাজত্ গুরি সাইপ্রাস দ্বিপোত্ গেলঅ, আর পৌল সীলরে বেঈ নেযেল।

প্রেরিত্‌ 15:41

পৌল সিরিয়া আর কিলিকিয়া ভিদিরেদি যেইনে বেক্‌ মন্ডলীগুনোর বিশ্বেজ্ বাড়েইনে তারারে আরঅ দরমর গুরি তুলিলো।

প্রেরিত্‌ 18:18

বেশ্ কয়েক দিন করিন্থ শঅরত্ কাদানার্ পরেদি পৌলে বিশ্বেজি ভেইয়ুনোত্তুন্ বিদেয় নিলো আর আকিলা আহ্ প্রিষ্কিল্লা সমারে পানি পধেদি সিরিয়া দেজত্ এলঅ। পৌলে এক্কান্ মানত্ গোজ্জ্যে বিলি লদ্ দিবার্ আগেদি কিংক্রিয়া বন্দরত্ তা মাধাবো মুরেল।

প্রেরিত্‌ 21:16

কৈসরিয়ার্ কয়েক্কো শিচ্চ্য আমা সমারে গেলাক্ আর ম্নাসোন নাঙে সাইপ্রাস দ্বীপোর্ এক্কো মান্‌জ্য ঘরত্ নেযেলাক্। ইবে ঘরত্ আমার্ থেবার্ কধা এলঅ। ইতে অলদে পত্তম্ শিচ্চ্যগুনোত্তুন্ এক্কো।

প্রেরিত্‌ 21:2

সেক্কে আমি সেই জাহাজত্ উদিনে লদ্ দিলোং।

প্রেরিত্‌ 21:7

সোরত্তুন্ লদ্ দিইনে আমি তলিমায়িত্ লুমিলোং। সিধু বিশ্বেজি ভেইয়ুনোরে ভালেদি জানেইনে তারা সমারে একদিন থেলং।

প্রেরিত্‌ 27:4

যেরেদি সিয়েনত্তুন্ আরঅ আমা জাহাজ্‌চান ছাড়িলো। বৈয়্যেরান্ আমা উগুদো মোক্ক্যেন্দি থানায় সাইপ্রাস দ্বীপ যিয়েনদি বৈয়্যের্ ন-এলঅ আমি সিয়েনদি যাহ্ ধুরিলোং।

প্রেরিত্‌ 4:36

যোষেফ নাঙে লেবি গুট্টির্ এক্কো মানুচ্‌ এলঅ। সাইপ্রাস দ্বিপোত্ তার্ ঘর্ এলঅ। তারে প্রচারক্কুনে বার্ণবা, অত্তাৎ উচ্চোমী তুলি দিয়্যেবো বিলিনে ডাগিদাক্।

বিচের গুরিয়্যেগুন 10:6

সে পরেন্দি ইস্রায়েলীয়গুনে লগেপ্রভুর চোগোত্‌ যিয়েনি ভাজ্‌ন্যেই আরঅ সিয়েনি গরা ধুরিলাক্‌। তারা বাল দেবেদাগুনোরে আর অষ্টারোৎ দেবীগুনোর আহ্‌ অরামীয়, সীদোনীয়, মোয়াবীয়, অম্মোনীয় আর পলেষ্টীয়গুনোর দেব-দেবেদাগুনোরে পূজো গরা ধুরিলাক্‌। ইঙিরিনে ইস্রায়েলীয়গুনে লগেপ্রভুরে ছাড়ি গেলাক্‌ আর তারে সেবা ন-গুরিলাক্‌।