প্রেরিত্‌ 21:20 - Chakma Bible

²⁰ এ কধানি শুনিনে সেই নেতাগুনে গোজেনরে বাঈনী গুরিলাক্ আর পৌলরে কলাক্, “ভেই, তুই দঅ দেগর্, কদক্ আজার্ আজার্ যিহূদী যীশু উগুরে বিশ্বেজ্ গোজ্জ্যন্ আর তারা বেক্কুনে মোশির রীতি-সুদোম পালেবাত্তে ভারী আওজি।

প্রেরিত্‌ 21:20 ပူးပေါင်းရင်းမြစ်များ

গীতসংহিতা 22:23

তুমি যিগুনে লগেপ্রভুরে ভোক্তি গরঅ, তুমি তার্ বাঈনী গরঅ। যাকোবর বেক্ বংশধরুন, তুমি তারে সর্মান দেগঅ। ইস্রায়েলর বেক্ বংশধরুন, তুমি তারে শ্রদ্ধা জানঅ।

গীতসংহিতা 22:27

পিত্‌‌থিমীর শেজ্ দুযির্ মানুচ্চুনেয়ো মন ফিরেইনে লগেপ্রভুর ইদু এবাক্; অন্য জাদর্ বেক্ গুট্টিগুনে তারে শ্রদ্ধা জানেবাক্।

মথি লেখ্যে গম্ হবর্ 9:8

মানুচ্চুনে এ ঘটনাগান্ দেগিনে দোরেলাক্, আর গোজেনে মান্‌জ্যরে এমন্ খেমতা দিয়্যে বিলিনে গোজেনরে বাঈনী গরা ধুরিলাক্।

লূকে লেখ্যে গম্ হবর্ 12:1

এ ভিদিরে আজার্ আজার্ মানুচ্‌ এমন্‌ গুরি থুবেলাক্ যে, তারা ঠেলাঠেলি গুরি একজন অন্যজন উগুরে পত্তন্। সেক্কে যীশু পত্তমে তা শিচ্চ্যগুনোরে কলঅ, ফরীশীগুনোর্ সদাগানিত্তুন্ উজিয়ার্ অ। সেই সদাগান্ অলঅ তারার্ ভন্ডামী।

লূকে লেখ্যে গম্ হবর্ 15:32

হুজি ওইনে আমার্ ফুত্তি গরানা উচিত, কিয়া তর্ এ ভেইবো‌ মুরি যেয়্যে আরঅ জেঈ উত্ত্যে; আঝি যেয়্যে আরঅ তারে পাহ্-যেয়্যে।’ ”

যোহন 12:24

মুই তমারে ঘেচ্চ্যেক্‌গুরি কঙর্, গম বীজিবো মাদিত্ পরিনে যুনি ন-মরে সালে বানা এক্কো বীজ্ থায়, মাত্তর্ যুনি মরে সালে বোউত্ শোজ্য জর্মায়।

প্রেরিত্‌ 11:18

এ কধাগান্ শুনিনে যিহূদিয়ার বিশ্বেজিগুনে আর্ আবিত্তি ন-গুরিনে গোজেনরে বাঈনী গুরিনে কলাক্, “সালে গোজেনে অযিহূদীগুনোরেয়ো জিংকানি পেবাত্যে পাপত্তুন্ মনানি ফিরেবার সুযোগ্ দিলো।”

প্রেরিত্‌ 15:1

যিহূদীয়া রেজ্যত্তুন্ কয়েক্কো মানুচ্‌ সিরিয়া দেজর্ আন্তিয়খিয়াত্ এলাক্ আর বিশ্বেজি ভেইয়ুনোরে ইয়েন কোইনে শিক্ষ্যে দিয়্যে ধুরিলাক্, “মোশির রীতি-সুদোম মজিম্ তমার চুনুগুলো মাঢাবো কাবা ন-অলে তুমি কনঅ বাবদে পাপত্তুন্ উদ্ধোর্ পেই ন-পারঅ।”

প্রেরিত্‌ 15:24

“আমি শুনিলোং, আমা ভিদিরেত্তুন্ কয়েকজনে যেইনে ভালোক্কানি কধা কোইনে তমা মনানি যাগুলুগ্ গুরিনে দুঘ্ দুয়োন, মাত্তর্ আমি তারারে এবাবোত্যে কাম্ গুরিবাত্তে ন-কোই।

প্রেরিত্‌ 15:5

ফরীশী দলর্ কয়েক্কো মানুচ্‌ বিশ্বেজি ওইয়োন। সেই বিশ্বেজিগুনে উদি থিয়েইনে কলাক্, “অযিহূদীগুনোরে চুনুগুলোগুনোর মাঢাগুন কাবি দেনা দরকার্ আর তারা যেন মোশির রীতি-সুদোমানি পালন গরন্ সেনত্তে তারারে উগুম্ দেনা দরকার্।”

প্রেরিত্‌ 2:41

যিগুনে তা কধা বিশ্বেজ্ গুরিলাক্ তারা বাপ্তিষ্ম ললাক্ আর শিচ্চ্যগুনো দল সমারে সেদিন্ন্যে গোজেনে কমেদি তিন আজার্ মান্‌জ্যরে এগত্তর্ গুরিলাক্।

প্রেরিত্‌ 22:3

মুই এক্কো যিহূদী। কিলিকিয়ার তার্ষ শঅরত্ মর্ জর্ম, মাত্তর্ মুই এ শঅরত্ দাঙর্ ওইয়োং। গমলীয়েলর্ টেংঅ কুরে বৈইনে মুই আমা পূরোণি মানুচ্চুনোর রীতি-সুদোম বেক্কানি শিক্ষ্যে পেইয়োং। গোজেন পৌইদ্যেনে এচ্চ্যে তুমি যেবাবোত্যেগুরি আওজ্ দেগর্ মুই নিজেয়ো সেবাবোত্যেগুরি আওজি এলুং।

প্রেরিত্‌ 4:21

সেক্কে তারা পিতর আর যোহনরে আরঅ দর্‌বুক্ লাগেইনে ইরি দিলাক্। মানুচ্চুনো দরে তারা ঠিগ্ গুরি ন-পাত্তন্ কেধোক্ক্যেন্ গুরি তারারে সাজা দিয়্যে যায়, কিয়া যিয়েন ঘোট্যে সিয়েনত্যে বেক্‌ মানুচ্চুনে গোজেনরে বাঈনী গুরিলাক্।

প্রেরিত্‌ 4:4

মাত্তর্ যিগুনে পিতর কধা শুন্ন্যন্ তারাত্তুন্ ভালোকজনে বিশ্বেজ্ গুরিলাক্; সেক্কে বিশ্বেজিগুন বাড়িনে কমেদি পাঁচ আজার্ অলাক্।

প্রেরিত্‌ 6:7

এবাবোত্যেগুরি গোজেনর কধানি ছিদি পড়া ধল্ল, আর যিরূশালেমত্ শিচ্চ্যগুন্ জনেদি বোউত্ বাড়িলাক্ আর ধর্মগুরুগুনো ভিদিরে ভালোক্ জনে খ্রীষ্টীয় ধর্ম-বিশ্বেজ্‌চানরে মানি ললাক্।

রোমীয় 10:2

তারা পৌইদ্যেনে মুই এ সাক্ষ্যগান্ দোঙর্, গোজেন উগুরে তারার্ অমকদ আওজ্ আঘে, মাত্তর্ কেধোক্ক্যেন্ গুরি গোজেনর্ মানি লোইয়্যে উয়ো যায় সিয়েন তারা হবর্ ন-পান্।

গালাতীয় 1:14

মঅ বয়জর্ বোউত যিহূদীত্তুন্অ মুই সে ধর্মত্ ভালোদ্ দূর্ উজেই যাঙর্। ইয়েন বাদে মঅ পূরোণি মানুচ্চুনোত্তুন যেদক্কানি সুদোম এচ্চ্যে সেই পৌইদ্যেনেয়ো মুই অমকদ উচ্চোমি এলুং।

গালাতীয় 1:24

আর তারা মত্যেই গোজেনর্ বাঈনী গরা ধুরিলাক্।