প্রেরিত্‌ 21:1 - Chakma Bible

¹ ইফিষ মন্ডলীর নেতাগুনোত্তুন্ বিদেয় লোইনে আমি জাহাজত্ গুরি সোজা কো দ্বীপোত্ গেলং। তার্ কেল্যে আমি রোদঃ দ্বীপোত্ এলং। সে পরেদি সিয়োত্তুন পাতারা শঅরত্ গেলং। সিধু আমি ফৈনীকিয়া যেবাত্তে এক্কান্ জাহাজ্ পেলং।

প্রেরিত্‌ 21:1 ပူးပေါင်းရင်းမြစ်များ

লূকে লেখ্যে গম্ হবর্ 5:4

কধা থুম্ অনার্ পরেদি যীশু শিমোনরে কলঅ, “গভীন্ পানিত্ যেইনে মাছ ধুরিবাত্তে তমা জালান্ ফেলঅ।”

লূকে লেখ্যে গম্ হবর্ 8:22

একদিন্ন্যে যীশু আর তা শিচ্চ্যগুনে এক্কান্ নত্ উদিলাক্। তে শিচ্চ্যগুনোরে কলঅ, “আঢ, আমি সাগর উইপারত্ যেই।” শিচ্চ্যগুনে নগান্ ছাড়িলাক্।

প্রেরিত্‌ 27:2

আমি আদ্রামুত্তীয় বন্দরর্ এক্কান্ জাহাজত্ উদিনে লদ্ দিলোং। এশিয়ার্ নানান্ বন্দরত্ যেবাত্যে জাহাজ্‌চান্ যুক্কোল্ ওই এলঅ। ম্যাসিডোনিয়া রেজ্যর্ থিষলনীকী শঅরর্ আরিষ্টর্খ আমা সমারে এলঅ।

প্রেরিত্‌ 27:4

যেরেদি সিয়েনত্তুন্ আরঅ আমা জাহাজ্‌চান ছাড়িলো। বৈয়্যেরান্ আমা উগুদো মোক্ক্যেন্দি থানায় সাইপ্রাস দ্বীপ যিয়েনদি বৈয়্যের্ ন-এলঅ আমি সিয়েনদি যাহ্ ধুরিলোং।

১ থিষলনীকীয় 2:17

ভেইলগ্, মনত্তুন্ ন-অলেয়ো কিয়্যেন্দিত্তুন্ আমি খানক্‌কনত্যে তমাত্তুন্ দূরোত্ ওইয়্যেই। সেনত্যে আমি ভারী আওজ্ গুরিনে চেষ্টা গোজ্জ্যেদে যেনে আরঅ তমা লগে আমার্ দেগা অয়।