প্রেরিত্‌ 20:6 - Chakma Bible

⁶ সদানেইয়্যে রুটি পরবর্ পরেদি আমি পানি পধেদি ফিলিপীত্তুন্ লদ্ দিলোং আর পাচ্ দিন পরেদি ত্রোয়াত তারা সমারে মিজেলং। ত্রোয়াত আমি সাত দিন সং এলং।

প্রেরিত্‌ 20:6 ပူးပေါင်းရင်းမြစ်များ

যাত্রা 23:15

তুমি সদাছাড়া পিদের্‌ পরব্‌ পালেবা। মুই তমারে যে উগুমানি দুয়োং সেধোক্ক্যেনগুরি তুমি সাত দিন সং সদাছাড়া পিদে হেবা। আবীব মাজর্‌ ঠিগ্ সময়োত্‌ ইবে পালেবা, কিত্তে সেই মাজত্‌ তুমি মিসর্‌ দেজত্তুন্‌ নিগিলি এচ্চ্য। কনজনে যেনে সেক্কে সুদো আত্তোই‌ মইদু ন-এজন্‌।

যাত্রা 34:18

তুমি সদাছাড়া পিদের্‌ পরপ্পো পালেবা। মুই তমারে যেধোক্ক্যেন উগুম্‌ দুয়োং সেধোক্ক্যেন গুরি তুমি সাত দিন সং সদাছাড়া পিদে হেবা। আবীব মাজর্‌ ঠিগ্ সময়োত্‌ তুমি এই পরপ্পো পালন্‌ গুরিবা, কিত্তে সেই মাজত্‌ তুমি মিসর্‌ দেজত্তুন্‌ নিগিলি এচ্চো।

প্রেরিত্‌ 12:3

যেক্কে তে দেগিলো যিহূদীগুনে সিয়েন্দোই হুজী ওইয়োন্ সেক্কে তে পিতররেয়ো ধুরিবাত্যে গেলঅ। এ ঘটনাগান সদানেইয়্যে রুটি পরবর্ সময়োত্ ওইয়্যে।

প্রেরিত্‌ 16:10

পৌলে এ দর্শনান্ দেগানার পরেদি আমি ম্যাসিডোনিয়াত্ যেবাত্তে সেক্কে যুক্কোল্ অলং, কিয়া আমি বুঝিলোং ম্যাসিডোনিয়া মানুচ্চুনো ইধু খ্রীষ্ট পৌইদ্যেনে গম্ হবর্ প্রচার গুরিবাত্ত্যে গোজেনে আমারে ডাক্ক্যে।

প্রেরিত্‌ 16:12

সিয়োত্তুন আমি ফিলিপী শঅরত্ গেলং। এ ফিলিপীগান ম্যাসিডোনিয়ার সেই চাগালার্ আজল্ শঅর্। সিদুগো মানুচ্চুনে রোম রেজ্যর্ প্রজা এলাক্। আমি কয়েকদিন সেই শঅরত্ থেলং।

প্রেরিত্‌ 16:8

ইয়েনত্যে তারা মুশিয়া ভিদিরেদি ত্রোয়া শঅরত্ গেলাক্।

প্রেরিত্‌ 20:16

এশিয়া রেজ্যত্ পৌলর্ যাতে দেরি গরা ন-পরে সেনত্তে তে ঠিগ্ গোজ্জ্যেদে, তে ইফিষত্ ন-থামেইনে তা কায়-কুরেদি যেবগোই। যিরূশালেমত্ লুমিবাত্যে তে হিজেহিচ্চ্যে গুরিলো যেন সম্ভব অলে পঞ্চাশত্তমী দিনোত্ সিধু থেই পারে।

প্রেরিত্‌ 20:5

এ মানুচ্চুনে আগেদি যেইনে ত্রোয়া শঅরত্ আমাত্যে বাজ্জ্যেই থেলাক্।

প্রেরিত্‌ 21:4

সিধুগোর্ শিচ্চ্যগুনোরে তোগেই পেইনে আমি তারা সমারে সাত দিন সং থেলং। সেই শিচ্চ্যগুনে পবিত্র আত্মালোই পৌলরে কোজোলি গুরিলাক্ যেন তে যিরূশালেমত্ ন-যায়।

প্রেরিত্‌ 21:8

তার্ কেল্যে আমি লদ্ দিইনে কৈসরিয়াত্ লুমিলোং আর গম্ হবরর্ প্রচারক ফিলিপ ঘরত্ থেলং। ইবে অলদে যিরূশালেম মন্ডলীর সেই সাতজন্ সেবাগুরিয়্যেত্তুন্ একজন।

প্রেরিত্‌ 28:14

আমি সিধু কয়েক্কো বিশ্বেজি ভেইয়োর্ দেগা পেলং। তারা সমারে সাপ্তামুলো কাদেবাত্যে তারা আমারে কোজোলি গুরিলাক্। এবাবোত্যেগুরি আমি রোমত্ এলং।

ফিলিপীয় 1:1

তীমথিয় আর মুই পৌল-আমি খ্রীষ্ট যীশুর চাগর্। খ্রীষ্ট যীশু লগে এগত্তর্ ওইয়্যে গোজেনর্ যিদুক্কুন মানুচ্ ফিলিপী শঅরত্ আঘন্ আমি তারা ইধু আর তারার্ পরিচালগ্‌‌কুনো ইধু আর সেবা গুরিয়্যেগুনো ইধু লিগির্।

১ থিষলনীকীয় 2:2

তুমি এ কধাগান্অ কোই পারঅ, ইয়েন্অ আগে ফিলিপী শঅরত্ আমি অত্যেচার ভুগ্ গোজ্জ্যেই আর অসর্মান্অ ওইয়্যেই। মাত্তর্ এ মানাগানি থেলেয়ো আমা গোজেনত্তুন্ সাহচ্‌ পেইনে তা গম হবরর্ কধানি আমি খুলোমেলা গুরি তমা ইধু কোইয়্যেই।

২ তীমথিয় 4:13

ত্রোয়াত কার্পর ইধু মুই যে কিয়্যের্ কাবড়ান ফেলেই এচ্চ্যং, এবার্ সময়োত্ তুই সিয়েন আনিচ্। সিয়েনিবাদে গুচ্চ্যেয়ে বোইয়ুন, বিশেষগুরি যিগুন চাম উগুরে লেখ্যে, সিগুন লগে আনিচ্।