প্রেরিত্‌ 20:37 - Chakma Bible

³⁷ যেরেদি মন্ডলীর্ নেতাগুনে বেক্কুনে পৌলরে আযাবোধে ধুরিনে চুমিলাক্ আর কানাকুদি গরা ধুরিলাক্।

প্রেরিত্‌ 20:37 ပူးပေါင်းရင်းမြစ်များ

পত্থম 45:14

ইয়েন পরেদি যোষেফে তার্ ভেই বিন্যামীনরে গত্তনাত্‌ আজাগুরি ধুরিনে কানা ধুরিলো আর বিন্যামীনেয়ো তা গত্তনাবোত্‌ আজাগুরি ধুরিনে কানা ধুরিলো।

পত্থম 46:29

যোষেফে তা বাব্ ইস্রায়েল লগে দেগা গুরিবাত্তে তা রথ্‌তান্‌ সাজেইনে গোশনত্‌ গেলঅ। বাবপো লগে দেগা অদে ন-অদে তে তা গত্তনাবোত্‌ আজাগুরি ধুরি ভালক্কন্‌ কানিলো।

২ শমূয়েল 15:30

ইন্দি দায়ূদে কানদে কানদে জৈতুন মুড়োবো উগুরে উদো ধুরিলো। তে মাঢাবো ঢাগিনে জদা ছাড়া আঢের্‌। মানুচ্চুনেয়ো বেক্কুনে তা লগে মাধাগুন ঢাগিনে কানদে কানদে উগুরে উদো ধুরিলাক্।

১ রাজাবলী 19:20

ইলীশায় সেক্কে তার্‌ বলদ গোরুগুন্‌ ফেলেইনে এলিয়ো পিজে পিজে ধাবা গেলঅ। ইলীশায় কলঅ, “কোজোলি গরঙর্‌, মরে মঅ মা-বাবরে কির্ব্য গুরি এবাত্তে দে। সে পরেন্দি মুই তঅ সমারে যেম্‌।” জোবত্‌ এলিয় কলঅ, “আচ্ছা যাহ্, মাত্তর্‌ মনত্‌ রাগেচ্‌, ইয়েন্‌ গোজেন কাম্‌।”

২ রাজাবলী 20:3

“ও লগেপ্রভু, তুই ইদোত্‌ তুলি চাহ্ মুই তঅ মুজুঙোত্‌ কেধোক্ক্যেন বিশ্বেজ্ গুরিনে আর পুরো মন ভোক্তিলোই চোল্যং আর তঅ চোগেন্দি যিয়েনি ঠিগ্‌ সিয়েনি গোজ্যং।” ইয়েন্‌ কোইনে হিষ্কিয় অমকদ কানা ধুরিলো।

ইষ্রা 10:1

ইষ্রা যেক্কে গোজেন ঘর মুজুঙোত্ উবোত্ পুন্দুরী ওইনে তবনা গরের্ আর পাপ স্বীগের্ গরের্ আর কানের্ সেক্কে ইস্রায়েলীয়গুনোর মরদ্, মিলে আর পুয়ো-ঝিগুনোর এক্কো দাঙর্ দল তাইধু এগত্তর্ ওইয়োন। তারায়ো অমকদ কান্নোন্।

ইয়োব 2:12

তারা দূরোত্তুন্‌ তারে দেগিনে চিনি ন-পারিলাক্‌। তারা দাঙর্‌ দাঙর্‌ গুরি কানা ধুরিলাক্‌ আর নিজো কাবড়ানি ফাদিনে মাধা উগুরে আগাজ ইন্দি ধূল্যে ছিদিলাক্‌।

গীতসংহিতা 126:5

যিগুনে চোগো পানি ফেলেই ফেলে বীজ লাগান্ তারা হুজিয়ে রঅ ছাড়দে ছাড়দে খেত্‌খেত্তি কাবিবাক্।

লূকে লেখ্যে গম্ হবর্ 15:20

ইয়েন কোইনে তে উদিনে তা বাবঅ ইধু গেলঅ। তে দূরোত্ থাগদে তারে দেগিনে তা বাবর্ ভারী চিত্‌ পুল্ল্য। তে ধাবা যেইনে তারে বেড়েই ধুরিনে চুমিলো।

রোমীয় 16:16

কোচ্‌পানার্ মনভাব্‌পোই তুমি একজন আরেক জনরে ভালেদি জানেয়ো। খ্রীষ্টর্ বেক্‌ মন্ডলীগুন্ তমারে ভালেদি জানাদন্।

১ করিন্হীয় 16:20

বেক্‌ ভেইয়ুনেয়ো তমারে ভালেদি জানাদন্। কোচ্‌পানার্ মনভাব্‌পোই তুমি একজন আরেকজনরে ভালেদি জানেয়ো।

২ করিন্হীয় 13:12

কোচ্‌পানার্ মনভাব্‌পোই তুমি একজন আরেক জনরে ভালেদি জানেয়ো।

১ থিষলনীকীয় 5:26

কোচ্‌পানার মনভাব্‌‌পোই বেক্কুনোরে ভালেদি জানেয়ো।

২ তীমথিয় 1:4

তুই যে কান্ন্যচ্ সে কধাগান মনে গুরিনে তরে ভারী চেবাত্যে আওজ্ অর্, যেন মঅ মনান্ হুজিয়ে ভুরি উদে।

ফগদাং পেইয়্যে 21:4

তে তারার্ চোগো পানি পুজি দিবো। মরণ আর ন-অবঅ; দুঘ্, কানানা, আর পীড়ে আর্ ন-থেবঅ, কিয়া আগর্ বেক্কানি থুম্ ওই যেয়্যে।”

ফগদাং পেইয়্যে 7:17

কিয়া সেই ভেড়া-ছবুয়ো যিবে সিংহাসন উগুরে বৈ আঘে তেয়ই ইগুনোর্ গরক্ অবঅ। তাজা পানির উইফুদ ইধু তে ইগুনোরে নেযেব, আর গোজেনে ইগুনোর চোগো পানি পুঝি দিবো।”

১ শমূয়েল 20:41

চিগোন পূঅবো যানার পরেন্দি দায়ূদে সে পাত্তর্‌বোর ডেনেন্দিত্তুন্‌ উদি এলঅ। তে যোনাথনর্ মুজুঙোত্‌ মাদিত্‌ মাদা নিগিরিনে তিনবার তারে সালাম গুরিলো। সে পরেন্দি তারা একজন আরেকজনরে চুমোচুমি গুরিনে কানা ধুরিলাক্, মাত্তর্‌ দায়ূদে বেশ্‌ কানিলো।