প্রেরিত্‌ 20:31 - Chakma Bible

³¹ ইয়েনত্তে তুমি উজিয়ার্ থাগঅ। ইদোত্ রাগেবা, তিন বজর্ সং দিন-রেদ্ চোগো পানিলোই মুই তমারে পত্তিজনরে উজিয়ার্ গোজ্জ্যং, কনদিন্অ জুরো গুরি ন-থাগঅ।

প্রেরিত্‌ 20:31 ပူးပေါင်းရင်းမြစ်များ

যিহিষ্কেল 3:21

মাত্তর্ পাপ ন-গুরিবাত্তে যুনি তুই সেই গম্ মানুচ্চুনোরে উজিয়ার গরচ্ আর তে পাপ ন-গরে সালে উজিয়ার অবার্ কধা শুনিবার ফলে তে হামাক্কায় বাঁজিবো আর তুইয়ো নিজোরে রোক্ষ্যে গুরিবে।”

মথি লেখ্যে গম্ হবর্ 13:25

যেরেদি যেক্কে বেক্কুনে ঘুমোত্ পড়িলাক্ সেক্কে সে মানুচ্চোর্ শত্রু এইনে গম ভিদিরে শ্যামাঘাসর বীজি ফেলেইনে গেলঅ।

মথি লেখ্যে গম্ হবর্ 3:7

পরেদি যোহনে দেগিলো বোউত্ ফরীশী আর সদ্দূকী বাপ্তিষ্ম লবাত্তে তাইধু এত্তন্। তে তারারে কলঅ, “সাপ গুট্টিগুন! গোজেনর্ যে সাজাগান্ লামি এজের্ সিয়েনত্তুন্ ধেই যেবার্ এ বুদ্ধিগান্ তমারে কন্না দিলো?

লূকে লেখ্যে গম্ হবর্ 21:36

সজাক্ থেয়ো আর নিত্য তবনা গরঅ যেন যিয়েনি ঘুদিবো সিয়েনি পার্ ওই যাদে আর মান্‌জ্য পুয়োবো মুজুঙোত্ যেইনে থিয়্যেবার্ তুমি বল্ পঅ।”

প্রেরিত্‌ 19:10

দ্বিবজর এবাবোত্যেগুরি বিদি গেলঅ। সেক্কে যে যিহূদী আর গ্রীক্‌‌কুনে এশিয়া রেজ্যত্ থেদাক্ তারা বেক্কুনে প্রভুর্ কধা শুনিলাক্।

প্রেরিত্‌ 19:8

ইয়েনর্ পরেদি পৌলে সমাজ-ঘরত্ গেলঅ আর তিন মাস সং জদবদে সাহচ্‌ গুরিনে কধা কলঅ। গোজেন রেজ্য পৌইদ্যেনে তে যুক্তি-তর্কলোই মানুচ্চুনোরে বিশ্বেজ্ গুরিবার চেষ্টা গরা ধুরিলো।

প্রেরিত্‌ 20:11

ইয়েনর্ পরেদি পৌলে আরঅ উগুরে তলাত্ যেইনে প্রভুর্ ভোজ্ গুরিলো আর ভালক্কন্ ধুরিনে বেন্যেমাদান্ সং কধা কনার্ পরেদি তে গেলগোই।

প্রেরিত্‌ 20:19

যিহূদীগুনোর নানান্ কুজুরোমির্ কারনে মত্তুন্ জদবদে পোরোক্ষ্যেত্ পরা পোজ্জ্যে, মাত্তর্ মুই খুব্ নম্র গুরিনে চোগো পানিলোই প্রভুর্ চাগর্ ওইনে তার্ সেবা গোজ্জ্যং।

প্রেরিত্‌ 20:7

সাপ্তার্ পত্তম্ দিনোত্ প্রভুর্ ভোজ্ গুরিবাত্তে আমি একসমারে এগত্তর্ অলং। সেক্কে পৌলে মানুচ্চুনো ইধু ফগদাং গরা ধুরিলো। তার্ কেল্যে তার্ যেবার্ কধা এলঅ বিলি তে রেদ্ সংভাগ্ সং কধা কনাত্ থেলঅ।

প্রেরিত্‌ 24:17

“ভালোক্ বজর্ পরেদি মুই যিরূশালেমত্ যেয়োং যেন মঅ জাদর্ নাঢা মানুচ্চুনোরে কিজু টেঙা-পৌইজ্যে দি পারং আর য়েমান উৎসর্ব গুরি পারং।

১ করিন্হীয় 4:14

মুই তমারে লাজ্ দিবাত্যে ইয়েনি ন-লেগঙর্, বরং মর্ পরাণর্ পুয়ো-ছা ইজেবে উজিয়ার্ গুরিবাত্তে লেগঙর্।

ফিলিপীয় 3:18

মুই তমারে বার্ বার্ কোইয়োং আর ইক্কিনে চোগো পানিলোই আরঅ কঙত্তে, এমন ভালোকজন আঘন্ যিগুনে খ্রীষ্টর্ ক্রুশোর শত্রু ধোক্ক্যেন আঢাউদো গত্তন।

কলসীয় 1:28

আর সেই খ্রীষ্ট পৌইদ্যেনে আমি প্রচার গুরিই, অত্তাৎ গোজেনর্ দিয়্যে ন-ফুরেইয়্য জ্ঞান লগে আমি পত্তিজনরে উজিয়ার্ গুরিই আর শিক্ষ্যে দিই, যেন পত্তিজনরে আমি খ্রীষ্টর্ মাধ্যমে যগাজ্জ্যে গুরি তুলিই পারি।

১ থিষলনীকীয় 5:14

ভেইলগ্, আমি তমারে এ উপদেচ্‌‌‌চান দিত্তে-যিগুনে আল্‌চি তারারে উজিয়ার্ গরঅ; যিগুনোর সাহচ্‌ নেই তারারে সাহচ্‌ দুয়ো; যিগুনে বল্‌‌পোজ্জ্যে তারারে বল্ দুয়ো আর বেক্কুনোরে ধৈয্য ধুরিনে সোজ্জ্য গরঅ।

২ থিষলনীকীয় 2:5

মুই যেক্কে তমা ইধু এলুং সেক্কে এই বেক্‌ কধানি যে তমারে কোদুং, সিয়েনি কি তমার মনত্ ন-পরে?

২ থিষলনীকীয় 3:8

দাম ন-দিইনে কারঅ হানা ন-হেই। আমি দিন-রেত্ কাম আর কষ্ট গোজ্জ্যেই যেনে আমি তমার কারঅ কাঙেলেত্যে ন-ওই।

২ তীমথিয় 4:5

মাত্তর্ তুই বেক্কানিত্ নিজোরে দোঙেই রাগা, দুঘ্ সোজ্জ্য গর্ আর খ্রীষ্ট পৌইদ্যেনে গম হবর্ প্রচার গরানাত্ থাক্, আর গোজেনে তরে যে কাম গুরিবাত্যে দিয়্যে সিয়েন থুম্ সং গর্।

ইব্রীয় 13:17

তমা নেতাগুনোর্ কধানি মানি চোল্ল্য আর তারার্ বাধ্য ওইয়ো, কিয়া যিগুনে গোজেন ইধু ইজেব দিবাক্ সেবাবোত্যে মানুচ্‌ ইজেবে দঅ তারা তমারে দেগাশুনো গরন্। তারার্ বাধ্য ওইয়ো যেনে তারা তারার্ কামানি হুজি গুরিনে গুরি পারন, দুঘ্ পেইনে নয়। যুনি দুঘ্ পেইনে গরা পরে সালে সিয়েনত্যে তমার কনঅ লাভ্ ন-অবঅ।

ফগদাং পেইয়্যে 16:15

যীশু কত্তে, “চঅ, মুই চুরো ধোক্ক্যেন এইম্। বর্‌পেইয়্যে সেই মানুচ্চো, যে জাক্ক্যে থায় আর নিজোর্ পোজাগ্‌কানি পিনি থায়, যেন তাত্তুন্ লাংদা ওইনে ঘুরো ন-পরে আর মান্‌জ্যে তার লাজানাগান ন-দেগন্।”