প্রেরিত্‌ 20:30 - Chakma Bible

³⁰ এমন্‌ কি, তমা নিজো ভিদিরেত্তুন্ মানুচ্চুনে উদিনে গোজেনর্ সত্যগানরে মিজে বানেবার্ চেষ্টা গুরিবাক্ যেন বিশ্বেজিগুনোরে নিজো দলত্ টানি পারন্।

প্রেরিত্‌ 20:30 ပူးပေါင်းရင်းမြစ်များ

গম্ উপদেজ্ 19:1

যে বিবেচনা নেইয়্যে মানুচ্চো বেঙা-টেরা কধা কয় তাত্তুন্ সেই নাঢা মানুচ্চো গম্ যে গমেডালে আঢাউদো গরে।

গম্ উপদেজ্ 23:33

তঅ চোগ্‌‌কুনে সেক্কে আমক্ অবার কান্ড দেগিবাক্ আর মনানে উগুদো যাবুদো কধা ভাবিবো।

যিশাইয় 59:3

তমা আঢ্‌‍‌‌‌তানি লো-লোই আর আঙুলুন্ পাপে অসিজি ওইয়্যে। তমা মুয়োনিয়ে মিজে কধা কোইয়্যে আর তমা জিলানিয়ে পাজি কধা কয়।

দানিয়েল 11:34

এ অক্তত্ তারা কম্ সাহায্য পেবাক্ আর ভালোক্কুনে কোজোলী গুরিনে তারা সমারে মিজেবাক্।

মথি লেখ্যে গম্ হবর্ 23:15

ভণ্ড ধর্ম-মাষ্টর আর ফরীশীগুন, অভিশাব্ পোড়োক্ তমার্! বানা এক্কো মান্‌জ্যরে তমা ধর্ম-মজিম্ আনিবাত্তে তুমি দুনিয়ের্ কুদু ন-যঅ। আর তে যেক্কে তমা ধর্ম-মজিম্ এজে সেক্কে তুমি নিজোত্তুন্ তারে বোউত্ বেশ্ গুরি নরগত্ যগাজ্যে গরঅ।

প্রেরিত্‌ 11:26

আর তারে তোগেই পেইনে আন্তিয়খিয়াত্ আনিলো। বার্ণবা আর শৌল এক বজর্ সং মন্ডলী মানুচ্চুনো সমারে মিলিনে বোউত্ মান্‌জ্যরে শিক্ষ্যে দিলাক্। আন্তিয়খিয়াত্ খ্রীষ্ট শিচ্চ্যগুনোরে খ্রীষ্টান নাঙে পত্তমে ডাগা অলঅ।

প্রেরিত্‌ 21:38

মিসর্ দেজর্ যে মানুচ্চো কয়েক দিন আগে উল্লোমি আরাম্ভ গুরিনে চের্ আজার্ খুনী বিদ্রোহীরে ধূল্যেচরত্ নেযেয়্যে, তুই কি সালে সেই মানুচ্চো নয়?”

২ করিন্হীয় 11:13

আসলে সেবাবোত্যে মানুচ্চুনে দঅ ভন্ড প্রচারক আর দগাবাজ্। নিজোরে খ্রীষ্টর্ প্রচারক বিলিনে দেগেবার আজায় তারা নিজোরে বুদুলি ফেলান্।

১ তীমথিয় 5:13

ইয়েন বাদে তারা ঘরে ঘরে বেড়েইনে আল্‌‍সি অদে শিগোন্। তারা যে বানা আল্‌‍সি অন্ সিয়েন নয়, মাত্তর্ বাজে কধা কদে আর পর বেপার্‌‍লোই কধা কবাত্যে শিগোন্ আর যিয়েন তারাত্তুন্ কনা উচিত নয় সেই কধানি কন্।

১ তীমথিয় 6:5

আর চিগোন মনা মানুচ্চুনো ভিদিরে নিত্য যাগুলুগ্। এ মানুচ্চুনো ভিদিরে গোজেনর্ সত্য নেই; তারা খ্রীষ্টীয় ধর্ম-বিশ্বেজ্‌চানরে এক্কান জগদর্ লাভর্ উপায় বিলিনে মনে গরন্।

২ পিতর 2:18

তারা বাজে আর দাঙর্ দাঙর্ কধা কন্ আহ্ মান্‌জ্যর পাপ-খাচ্চ্যদর্ কামনাবলা আওজ্‌চান জাগেই তুলিনে তারা এন্‌ মানুচ্চুনোরে ভুল পধেদি নেযান্ যিগুনে অন্যেয় ভিদিরে বজত্তি গুরিয়্যে মানুচ্চুনোত্তুন্ নিগিলি এবার পধত্ এলাক্।

১ যোহন 2:19

খ্রীষ্টর্ এ শত্রুগুন আমা ভিদিরেত্তুন্ নিগিলি যেয়োন। মাত্তর্ তারা আমা মানুচ্‌ ন-এলাক্। যুনি তারা আমার্ অদাক্ সালে আমা সমারে থেদাক্, মাত্তর্ তারা নিগিলি যেইয়োন বিলিনে বুঝো যার্, তারা কেঅই আমার নয়।

২ যোহন 1:7

জগদত্ এমন বোউত্ মানুচ্ নিগিল্লোন যিগুনে ছলনা গুরি বেড়ান। যীশু খ্রীষ্ট যে মানুচ্‌ ওইনে এচ্চ্যে তারা সিয়েন স্বিগের্ ন-গরন। এবাবোত্যে মানুচ্চুনে ছলনাগুরিয়্যে আর খ্রীষ্টর্ শত্রু।

ফগদাং পেইয়্যে 2:6

মাত্তর্ এই এক্কান গুণ তর্ আঘে, নীকলায়তীয়গুনে যিয়েনি গরন সিয়েনি তুই ঘিনাচ্, আর মুইয়ো সিয়েনি ঘিনাং।