প্রেরিত্‌ 20:28 - Chakma Bible

²⁸ তুমি নিজো পৌইদ্যেনে উজিয়ার্ থাগঅ, আর পবিত্র আত্মা যে বিশ্বেজি দলর্ ভারান্ পরিচালগ্ ইজেবে তমা উগুরে দিয়্যে তারা পৌইদ্যেনেয়ো উজিয়ার্ থাগঅ। গরগ্‌কো যেবাবোত্যেগুরি তা ভেড়া পালুনোরে দেগাশুনো গরে ঠিগ্ সেবাবোত্যেগুরি তুমিয়ো গরগ্ ইজেবে গোজেন মন্ডলীর্ দেগাশুনো গরঅ। গোজেনে সেই মন্ডলীবোরে নিজো লো-গান্দোই কিন্যে।

প্রেরিত্‌ 20:28 ပူးပေါင်းရင်းမြစ်များ

গীতসংহিতা 74:2

ইদোত্ তুলি চাহ্ তর্ সেই মানুচ্চুনোর কধানি যিগুনোরে তুই ভালোক্ দিন আগে তঅ মানুচ্ ইজেবে নেযেয়োচ্, যে বংশবোরে তুই তর্ অধিকার ইজেবে উদ্ধোর গুরি আন্যচ্। ইদোত্ তুলি চাহ্ সেই সিয়োন মুড়োবোর কধা যিয়েনরে তুই তর্ থেবার জাগা ইজেবে বানেয়োচ্।

গম্ উপদেজ্ 10:21

গোজেন ভক্তগুনোর্ মুয়োনিয়ে ভালোক্ জনরে পালায়, মাত্তর্ বুদ্ধির অভাবে বাজে মানুচ্চুনে মুরি যান্।

যিশাইয় 40:11

তে গরগ ধোক্ক্যেন্ গুরি তা ভেড়া পালুন চোরেব, ভেড়া ছঅগুন্ তে আঢ্‌তোই তুলি নিবো‌ আর করত্ গুরি তারারে বুয়োই নেযেব; ছঅ আগন্ এবাবোত্যে ভেড়িগুনোরে তে লাড়ে লাড়ে গুরি চালেই নেযেব।

যিশাইয় 63:11

সেক্কে তা মানুচ্চুনে পুরোনা দিনোর কধা, অত্তাৎ মোশি আর তা মানুচ্চুনোর পুরোণি দিনোর কধা ইদোত্ তুলিলাক্। তারা কলাক্, “যিবে তা মানুচ্চুনোরে আর তারার নেতাগুনোরে সাগর ভিদিরেদি আন্যে, যিবে তারা ভিদিরেদি থেবাত্তে তা পবিত্র আত্মাগানরে দিয়্যে তে কুদু?

যিরমিয় 13:17

তুমি যুনি কধা ন-শুনো সালে তমা বাড়্‌বোগানত্তে মুই গুমুরে গুমুরে কানিম্, জদবদে কানিম্ আর মঅ চোগ্‌কুন চোগো পানিয়ে ভাজি যেবাক্, কিত্তে লগেপ্রভুর মানুচ্চুনোরে বন্দী গুরি নেযা অবঅ।‌‍‍‍

যিরমিয় 13:20

লগেপ্রভু কোইয়্যেদে, ও যিরূশালেম, তুই চোগ্ তুল্, রিনি চাহ্, উত্তোরেত্তুন্ শত্রুগুনে এত্তন্। যে পাল্লো তঅ আঢত্ দিয়্যে ওইয়্যে, যে ভেড়াগুনোরে নিইনে বাড়্‌বো গুরিদে তারা কুদু?

যিরমিয় 3:15

সে পরেদি মুই তমারে মর্ মনে মন্‌‍‍যক্কাগুরি শাজন্‌গুরিয়্যে দিম; তারা জ্ঞান আহ্ বুদ্ধির সমারে তমারে চালেবাক্।

যিরমিয় 31:10

“ও জাদ্‌তুন, মঅ কধানি শুনো; তুমি দূরোর দেজ্‌ছানিত এ কধাগান ফগদাং গরঅ, ‘যিবে ইস্রায়েলরে ছিদি দিয়্যে তে তারারে তুবেব আর গরগ ধোক্ক্যেন গুরি তা পাল্লো রোক্ষ্যে গুরিবো।’‌‌‌‍‌‌‌‍

যিহিষ্কেল 34:3

তুমি দঅ তেল্ খঅ, ভেড়া কেশ্‌‌চোই কাবড় বানেইনে উরো আর বেঈ লোইয়্যে ভেড়া কাবঅ, মাত্তর্ তুমি মেষচুনোর্ যত্তন্ ন-গরঅ।

যিহিষ্কেল 34:31

ও মর্ ভেড়াপালুন, মর্ চোরেয়্যে ভূইয়োর পাল, তুমি মঅ মানুচ্ আর মুয়ই তমার্ গোজেন। মুই প্রভু লগেপ্রভু এ কধাগান কঙর্।’”

মীখা 5:4

সেই শাজন্‌গুরিয়্যেবো এইনে লগেপ্রভুর বল্লোই, তার গোজেন লগেপ্রভুর মহিমায় গরগ ধোক্ক্যেন তা মানুচ্চুনোরে চালেব। তারা গমেডালে বজত্তি গুরিবাক্, কিত্যে তে যে দাঙর্ সে কধাগান সেক্কে জগদর্ শেজ্ দুযি সং বেক্কুনে স্বিগের্ গুরিবাক্;

মীখা 7:14

ও লগেপ্রভু, তুই মুগোর্ আঢত্ গুরিনে তঅ মানুচ্চুনোর গরগ্‌‌‌কুনোরে চরাচ্। তারা দঅ তর্ নিজোর্ পাল। তারা চেরোকিত্তে বোল্‌‌‌বোল্যে চড়াইদ্যে ভূই থেলেয়ো তারা গায় গায় ধূল্যেচর চাগালাত্ বজত্তি গরদন্। ভালোক্ দিন আগে যেবাবোত্যেগুরি চড়িদাক্ সেবাবোত্যেগুরি তারা যেন বাশন আর গিলিয়দত্ চড়িনে বেড়েই পারন।

সখরিয় 11:4

মর্ গোজেন লগেপ্রভু কত্তে, “ঢালি দিবাত্তে যে ভেড়াপাল্লো ঠিগ্ ওই আঘে তুই সেই পাল্লোরে চরা।

মথি লেখ্যে গম্ হবর্ 16:18

মুই তরে কঙর্, তুই পিতর, আর এ পাত্তর উগুরে মুই মর্ মন্ডলীবো গোড়েই তুলিম। নরগর্ কনঅ খেমতা সিবে উগুরে জিদি ন-পারিবো।

মথি লেখ্যে গম্ হবর্ 2:6

যিহূদা দেজর্ বৈৎলেহম, যিহূদা ভিদিরে তুই কনমতে চিগোন্ নয়, কিয়া তঅ ভিদেরেত্তুনই এমন এক্কো শাজন্‌‌গুরিয়্যে এবঅ যিবে মঅ ইস্রায়েল জাদরে পরিচালনা গুরিবো।”

মার্ক 13:9

তুমি উজিয়ার্ থেয়ো। মানুচ্চুনে তমারে বিচের-সভাত্ মানুচ্চুনো আঢত্ ধুরি দিবাক্ আর সমাজ-ঘরত্ পিদিবাক্। মত্তেই দেজর্ শাসনগুরিয়্যেগুন আর রাজাগুনো মুজুঙোত্ তমাত্তুন্ থিয়্যে পুড়িবো। তারা মুজুঙোত্ মঅ পৌইদ্যেনে তমাত্তুন্ সাক্ষী দিয়্যে পুড়িবো।

লূকে লেখ্যে গম্ হবর্ 12:32

ও মর্ ভেড়া ছাগল চিগোন্ পাল্লো, ন-দোরেয়ো, কিয়া তমা বাপ্পোর্ আওজ্‌‌‌চান ইয়েন, তা রেজ্যগান্ তে তমারে দিবো।

লূকে লেখ্যে গম্ হবর্ 21:34

“তুমি উজিয়ার্ থেয়ো যেন তমা মনানি ওলোমোত্ত্য, মাত্তলে ধুরিনে আর সংসারর্ চিদেলোই লুঙি ন-পড়। সিয়েন ন-অলে ফাল্ যেবাবোত্যেগুরি অদাদত্ বানা যায় সেবাবোত্যেগুরি অদাদত্ সে দিন্নো তমা উগুরে, এমন কি, পিত্‌থিমীর বেক্ মানুচ্চুনো উগুরে এইনে পুড়িবো।

প্রেরিত্‌ 13:2

তারা যেক্কে উবোচ্‌ থেইনে প্রভুর উবোসনা গত্তন্ সেক্কে পবিত্র আত্মাগানে তারারে কলঅ, “বার্ণবা আর শৌলরে মুই যে কামানত্যে ডাক্কোং মর্ সেই কামানত্যে ইক্কিনে তারারে জুদো গরঅ।”

প্রেরিত্‌ 14:23

তারা পত্তি মন্ডলীত্ আজল্ নেতাগুনোরে কামত্ অদে অদে লাগেলাক্ আর যে প্রভু উগুরে তারা বিশ্বেজ্ গোজ্জ্যন্, তবনা গুরিনে আর উবোচ্‌ থেইনে সেই প্রভু আঢত্ মন্ডলী মানুচ্চুনোরে তুলি দিলাক্।

প্রেরিত্‌ 20:17

পৌলে মিলীতত্তুন্ ইফিষত্ মানুচ্‌ পাধেইনে সিধুগো মন্ডলীর নেতাগুনোরে ডাগিলো।

প্রেরিত্‌ 20:29

মুই হবর্ পাং, মুই যানার্ পরেদি মানুচ্চুনে চিৎ ন-পুজ্যে হোক্যে বাঘ ধোক্ক্যেন্ গুরি তমা ইধু এবাক্ আর ভেড়া পালুনোর্ ক্ষতি গুরিবাক্।

রোমীয় 16:16

কোচ্‌পানার্ মনভাব্‌পোই তুমি একজন আরেক জনরে ভালেদি জানেয়ো। খ্রীষ্টর্ বেক্‌ মন্ডলীগুন্ তমারে ভালেদি জানাদন্।

১ করিন্হীয় 10:32

মুই যেবাবোত্যে গুরি বেক্‌ মান্‌জ্যরে নানান্ বাবোত্যে গুরি হুজি গুরিবাত্তে চেষ্টা গরং তুমিয়ো সেবাবোত্যে গরঅ; অত্তাৎ যিহূদী বা অযিহূদী বা গোজেন মন্ডলীর মানুচ্চুনোর পধত্ কাঙেলেত্যে ন-গোজ্জ্য। মুই নিজোর্ মংগল চেষ্টা ন-গুরিনে ভালোক জনর্ মংগলর্ চেষ্টা গরং যেন তারা পাপত্তুন্ উদ্ধোর্ পান্।

১ করিন্হীয় 11:22

হানা-দানা গুরিবাত্যে কি তমার বাড়ী-ঘর্ নেই? না কি তুমি গোজেনর্ মন্ডলীবোরে ঈচ্ গরর্ আর যিগুনোর্ কিচ্চু নেই তারারে লাজ্ দুয়োর্? মুই তমারে কি কোম্? মুই কি ইয়েনত্ তমারে বাঈনী গুরিম? খামাক্কায় নয়।

১ করিন্হীয় 15:9

প্রচারগ্‌কুনো ভিদিরে মুই বেক্কুনোত্তুন্ তলে, এন্‌ কি, প্রচারক বিলিনে কেঅ যে মরে ডাগে সিয়েনর্ যগাজ্যেয়ো মুই নয়, কিয়া গোজেনর্ মন্ডলীরে মুই অত্যেচার্ গত্তুং।

১ করিন্হীয় 6:20

বোউত্ দাম্ দিইনে তমারে কিনে ওইয়্যে। সেনত্তে গোজেনর্ বাঈনীত্তে তমা কিয়্যেগানি বেবহার গরঅ।

গালাতীয় 1:13

যিহূদী ধর্ম পালেবার্ অক্তত কেধোক্ক্যেন গুরি মুই জিংকানি কাদেদুং সিয়েন দঅ তুমি শুন্ন্য। আর তুমি ইয়েন্অ শুন্ন্যদে, কি সাংগাদিক্ গুরি মুই গোজেন মন্ডলীগুনো উগুরে অত্যেচার্ গত্তুং আর সিগুন ভস্ত গুরিবার্ চেষ্টা গত্তুং।

ইফিষীয় 1:14

যিগুনে গোজেনর্ নিজোর্ সোম্বোত্তি তারারে তে এক্কান অধিকার দিবার্ এগেম্ গোজ্জ্যে। তারারে যেদক্ বিলোন সং উদ্ধোর্ গরা ন-অয় সেদক বিলোন সং সেই অধিকারর্ পত্তম ভাগ্ ইজেবে পবিত্র আত্মাগানরে তারারে দিয়্যে ওইয়্যে। আর ইয়েনি বেক্কানির্ মাধ্যমে গোজেনর্ মহিমার্ বাঈনী গরা অবঅ।

ইফিষীয় 1:7

গোজেনর্ দোয়্যে অনুসারে খ্রীষ্ট লগে মিজেইনে তার্ লোগান্দোই আমি খেমা পেইয়্যেই, অত্তাৎ পাপর্ খেমা পেইয়্যেই।

ইফিষীয় 4:11

তে কুদুক্কুন মান্‌জ্যরে দূত, কুদুক্কুন মান্‌জ্যরে ভাববাদী, কুদুক্কুন মান্‌জ্যরে গম হবর্ প্রচার গুরিয়্যে আর কুদুক্কুন মান্‌জ্যরে পালক আর মাষ্টর ইজেবে নেযেল।

ফিলিপীয় 1:1

তীমথিয় আর মুই পৌল-আমি খ্রীষ্ট যীশুর চাগর্। খ্রীষ্ট যীশু লগে এগত্তর্ ওইয়্যে গোজেনর্ যিদুক্কুন মানুচ্ ফিলিপী শঅরত্ আঘন্ আমি তারা ইধু আর তারার্ পরিচালগ্‌‌কুনো ইধু আর সেবা গুরিয়্যেগুনো ইধু লিগির্।

কলসীয় 1:14

এ পুয়োবো সমারে মিজেইনে আমি উদ্ধোর্ ওইয়্যেই, অত্তাৎ আমি পাপর্ ক্ষেমা পেইয়্যেই।

কলসীয় 4:17

আর্খিপ্পরে এ কধাগান কঅ, “প্রভুর সেবা গুরিবাত্যে তরে যে কামান্ দিয়্যে ওইয়্যে সিয়েন থুম্ গরানা ইন্দি বিশেষ গুরি মনযোগ দুয়ো।”

১ তীমথিয় 3:1

এ কধাগান বিশ্বেজ্‌ গুরিবার যে, যুনি কেঅ মন্ডলীর পরিচালক অবাত্যে চায় সালে তে এক্কান গম্ কাম গুরিবার আওজ্ গরে।

১ তীমথিয় 3:2

পরিচালক্‌কো সেনত্যে এমন উয়ো পড়িবো যেন কেঅ তারে দুষ্ দি ন-পারন। তাত্তুন্ বানা এক্কো মোক্ থেবঅ। তে নিজোরে দোঙেই রাগেব আর তার্ গম বিচেরবুদ্ধি থেবঅ। তে ভদ্র অবঅ আর গর্‌বা লবিয়োত্ গত্তে কোচ্‌পেবঅ। অন্যগুনোরে শিক্ষ্যে দান গুরিবার খেমতা তাত্তুন্ থেবঅ।

১ তীমথিয় 3:5

যিবে তার্ নিজো ঘর পৌইদ্যেনে পরিচালনা গুরি ন-জানে তে কেধোক্ক্যেন গুরিনে গোজেন মন্ডলীর দেগাশুনো গুরিবো?

১ তীমথিয় 4:14

মন্ডলী নেতাগুনে যেক্কে তঅ উগুরে তারার্ আঢ্‌তানি রাগেয়োন সেক্কে ভাববাদী ইজেবে কধা কনার্ মাধ্যমে যে বিশেষ্ দান তরে দিয়্যে ওইয়্যে সেই দানান্ তুই অবহেলা ন-গুরিচ্।

১ তীমথিয় 4:16

তর্ নিজো পৌইদ্যেনে আর তর্ শিক্ষ্যে পৌইদ্যেনে উজিয়ার্ থাক্। ইয়েনি গরানাত্ থাক্, কিয়া সেক্কে তুই নিজোরে রোক্ষ্যে গুরি পারিবে আর যিগুনে তঅ কধা শুনিবাক্ তারারেয়ো রোক্ষ্যে গুরি পারিবে।

১ তীমথিয় 5:17

মন্ডলীর যে আজল্ নেতাগুনে গমেডালে মন্ডলীর পরিচালনা গরন্, বিশেষ গুরি যিগুনে গোজেনর্ কধা প্রচার আর শিক্ষ্যে দান গুরিবাত্যে কাম গরন্, তারার্ পাওনা দ্বিগুন অনা উচিত।

তীত 1:7

গোজেনত্তুন্ কামর্ ভারান পেইয়্যে মানুচ্ ইজেবে সেই পরিচালক্কোত্তুন্ এমন্‌ উয়ো পরিবো যেনে কেঅ তারে নিন্দে গুরি ন-পারন। তে যেন একগোঙ্যে, রাগী, মাত্তল্ বা বদ্‌মেজাজী ন-অয়। অন্যেয় লাভ ইন্দি যেন তার্ মনান্ ন-থায়।

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।

ইব্রীয় 12:15

চঅ, কেঅ যেন গোজেনর্ দোয়্যেত্তুন্ বাদ্ ন-পড়ন্। চঅ, বিষ্‌বলা তিদে গাজ শিঙোর ধোক্ক্যেন্ গেজেই উদিনে কেঅ যেন দুঘ্ বাড়েইনে ভালোক্ জনরে অসিজি ন-গরন্।

ইব্রীয় 13:17

তমা নেতাগুনোর্ কধানি মানি চোল্ল্য আর তারার্ বাধ্য ওইয়ো, কিয়া যিগুনে গোজেন ইধু ইজেব দিবাক্ সেবাবোত্যে মানুচ্‌ ইজেবে দঅ তারা তমারে দেগাশুনো গরন্। তারার্ বাধ্য ওইয়ো যেনে তারা তারার্ কামানি হুজি গুরিনে গুরি পারন, দুঘ্ পেইনে নয়। যুনি দুঘ্ পেইনে গরা পরে সালে সিয়েনত্যে তমার কনঅ লাভ্ ন-অবঅ।

১ পিতর 2:25

ভুল পধত্ যেইয়্যে ভেড়া ধোক্ক্যেন তুমিয়ো ভুল পধেদি যর্, মাত্তর্ যে পালক তমা মন ভিদিরে দেগাশুনো গরে তুমি তা ইধু ফিরি এচ্চ্য।

১ পিতর 2:9

মাত্তর্ তুমি দঅ “বেঈ লোইয়্যে বংশ ওইয়ো; তমারে দিইনে বানা ওইয়্যেদে ধর্মগুরুগুনোর্ রেজ্যগান; তুমি গোজেনর্ নাঙে ফারগ্ গোজ্জ্যে জাদ্ আর তার্ নিজোর্ মানুচ্ ওইয়ো;” যেন আন্ধারত্তুন্ যিবে তমারে তার্ আমক্ অবার্ পহ্‌রত্ ডাগি আন্ন্যে তুমি তারে গুণগীত্ গঅ।

১ যোহন 1:7

মাত্তর্ গোজেনে যেধোক্ক্যেন পহ্‌রত আঘে আমিয়ো যুনি সেধোক্ক্যেন পহ্‌রত চলিই সালে আমা ভিদিরে উদোন্-বজন্ থায় আর তা পুয়োবো যীশুর লো-গান্দোই বেক্ পাপ্পানিত্তুন্ আমারে সিজি গরে।

ফগদাং পেইয়্যে 5:9

তারা এ নুয়ো গান্নো গাদন্: “তুয়ই সে বোইবো লোইনে তার্ সীলমহ্‌রুন খুলিবার যোগ্য, কিয়া তরে মারে ফেলা ওইয়্যে। তুয়ই তর্ লো-গান্দোই পত্তি বংশ, ভাযা, দেশ আর জাদ ভিদিরেত্তুন্ গোজেনত্যে মানুচ্চুনোরে কিন্ন্যচ্।