প্রেরিত্‌ 20:24 - Chakma Bible

²⁴ মাত্তর্ মইধু মঅ পরাণানর্ কনঅ দাম নেই। মর্ ইয়েন বানা এক্কান আওজ্, যেন মুই থুম্ সং যেই পারং, অত্তাৎ প্রভু যীশু যে কামর্ ভারান্ মরে দিয়্যে সিয়েন শেজ্ গুরি পারং, সে কামান্ অলঅ গোজেনর্ দোয়্যের্ গম্ হবরান পৌইদ্যেনে সাক্ষি দেনা।

প্রেরিত্‌ 20:24 ပူးပေါင်းရင်းမြစ်များ

১ বংশধর 11:18

এ কধাগান শুনিনে সে তিন্নো বীর পলেষ্টীয় সৈন্যদল ভিদিরেন্দি যেইনে বৈৎলেহম গেদো কায় কূয়োবোত্তুন্‌ পানি তুলিনে দায়ূদো ইদু নেযেলাক্‌। মাত্তর্‌ দায়ূদে সিয়েন্‌ ন-হেলঅ; সিয়েন বদলে তে সে পানিগান্‌ লগেপ্রভুর নাঙে মাদিত্‌ ঢালি দিলো।

লূকে লেখ্যে গম্ হবর্ 16:28

যেন তে মর্ পাচ্চো ভেইয়োরে উজিয়ার্ গুরি পারে; সিয়েন্ ন-গল্ল্যে তারায়ো দঅ এ দুঘো জাগাত্ এবাক্।

যোহন 15:27

আর তুমিয়ো মঅ পৌইদ্যেনে সাক্ষি দিবা, কিয়া পৌইল্যাত্তুন্ ধুরি তুমি মঅ সমারে সমারে আঘঅ।

যোহন 17:4

তুই যে কামানি মরে গুরিবাত্যে দুয়োচ্ সিয়েনি থুম্ গুরিনে এ জগদত্ মুই তর্ মহিমাগান্ ফগদাং গোজ্যং।

প্রেরিত্‌ 1:17

তে আমাত্তুন্ একজন এলঅ আর আমা সমারে কাম্ গুরিবাত্যে তারে বেঈ নেযা ওইয়্যে।”

প্রেরিত্‌ 11:23

গোজেনে যে কেধোক্ক্যেন্ গুরি আন্তিয়খিয়া মানুচ্চুনোরে দোয়্যে গোজ্জ্যে বার্ণবা এইনে সিয়েন দেগিনে অমকদ হুজি অলঅ। তারা যেন বেক্ মনান্ দিইনে প্রভু ইধু বিশ্বেজি থান্ সেনত্তে তে তারার্ বেক্কুনোরে উচ্চোমি দিয়্যে ধুরিলো।

প্রেরিত্‌ 13:25

কামানি থুম্ গুরিবার সময়োত্ যোহনে কোইয়্যেদে, মুই কন্না, তুমি কি মনে গরঅ? মুই সেই মশীহ্ নয়। তে মঅ পরেদি এবঅ, আর মুই তার্ জদা খুলিবার্‌অ যগাজ্যে নয়।

প্রেরিত্‌ 14:3

পৌল আর বার্ণবা সেই শঅরত্ বেশ্ কয়েক দিন থেলাক্ আর সাহচ্‌ গুরিনে প্রভুর কধানি কুয়ো ধুরিলাক্। প্রভুর দোয়্যে পৌইদ্যেনে তারা যিয়েনি ফগদাং গোজ্জ্যন্ সেই কধানি যে বিশ্বেজ্ গুরিবার প্রভু সিয়েনি প্রমাণ গুরিবাত্যে পৌল আর বার্ণবারে আমক্ আমক্ কাম্ গুরিবার খেমতা দিলো।

প্রেরিত্‌ 15:7

বোউত্ তেম্মাং গরানার্ পরেদি পিতরে উদিনে তারারে কলঅ, “ভেইলগ্, তুমি দঅ কোই পারঅ যে, ভালোক্ দিন আগে তমা ভিদিরেত্তুন্ গোজেনে মরে বেঈ লোইয়্যে যাতে অযিহূদীগুনে মঅ মুয়োত্তুন্ গম্ হবরর্ কধা শুনিনে বিশ্বেজ্ গরন্।

প্রেরিত্‌ 18:5

সীল আর তীমথিয় ম্যাসিডোনিয়াত্তুন্ এলে পরেদি পৌলে বানা গোজেনর্ কধা ফগদাং গুরিনে তার বেক্‌ সময়ান্ কাদা ধল্ল। তে যিহূদীগুনো ইধু সাক্ষ্য দিদো, যীশুই মশীহ।

প্রেরিত্‌ 20:21

যিহূদী আর গ্রীক্‌কুনো ইধু মুই জদবদে জোর্ দিইনে কোইয়োং, পাপত্তুন্ মনানি ফিরেইনে গোজেন ইন্দি তারারে ফিরেই পুড়িবো আর আমা প্রভু যীশু উগুরে বিশ্বেজ্ গরা পুড়িবো।

প্রেরিত্‌ 20:23

মুই বানা এ কধাগান্ হবর্ পাং, পবিত্র আত্মাগানে পত্তি শঅরত্ মরে এ কধাগান্ জানেই দেত্তে, মত্তুন্ জেলোত্ যাহ্ পড়িবো আর দুঘ্ পাহ্ পড়িবো।

প্রেরিত্‌ 20:32

গোজেন ইধু আর তার্ কধানি আঢত্ ইক্কিনে মুই তমারে তুলি দোঙর্। গোজেনর্ কধানি তার্ দোয়্যের্ পৌইদ্যেনে কয়, আর তমারে দাঙর্ গুরিবার্ খেমতা সেই কধানির্ আঘে। ইয়েনি বাদে গোজেনে তার্ নিজো মানুচ্চুনোত্তে যিয়েনি থোইয়্যে সেই কধানিয়ে তমারে সিয়েনিয়ো দি পারিবো।

প্রেরিত্‌ 21:13

সেক্কে পৌলে কলঅ, “তুমি কানাকুদি গুরিনে মঅ মনানত্ দুঘ্ দুয়োর্ কিত্তে? প্রভু যীশুত্তে মুই যিরূশালেমত্ বানা বন্দী অবাত্তে নয়, মুরিবাত্তেয়ো যুক্কোল্ আগং।”

প্রেরিত্‌ 22:21

সেক্কে প্রভু মরে কলঅ, তুই যাহ্, মুই তরে দূরোত্ অযিহূদীগুনো ইধু পাধেম্।

প্রেরিত্‌ 9:15

মাত্তর্ প্রভু অননিয়রে কলঅ, “তুই যাহ্, কিয়া অযিহূদীগুনোর আহ্ তারার্ রাজাগুনোর আর ইস্রায়েলীয়গুনো ইধু মঅ পৌইদ্যেনে ফগদাং গুরিবাত্যে মুই এ মানুচ্চোরে বেঈ লোইয়োং।

রোমীয় 11:6

গোজেনে যুনি দোয়্যে গুরিনে বেঈ রাগায় সালে দঅ সিয়েন কনঅ কামর্ ফল নয়। যুনি সিয়েন অদঅ সালে দোয়্যে আর দোয়্যে ন-থেদঅ।

রোমীয় 4:4

কাম্ গুরিনে যে বেতনুন্ পাহ্ যায় সিগুন্ দান নয়, পাওনা।

১ করিন্হীয় 15:58

সেনত্যে, মর্ পরাণর্ ভেইলগ্, দর-মর গুরি থিয়ো; কনঅ কিজুয়ে যেন তমারে লাড়েই ন-পারে। নিত্য প্রভুর্ কামত্যে নিজোরে পুরোপুরি গুরি দি দুয়ো, কিয়া তুমি কোই পারঅ, তা কামত্ তমার্ কামানি নিষ্ফল নয়।

২ করিন্হীয় 12:10

সেনত্যে খ্রীষ্টত্যে বল্‌পোজ্জ্যে, অগমানে, যন্ত্রনায়, অত্যেচারে আর দিদ্দেরি অলেয়ো মুই হুজি; কিয়া যেক্কে মুই হ্‌রান্ সেক্কেই মুই বোলী।

২ করিন্হীয় 4:1

এই বেবস্থাগানর্ কধা জানিবার ভারান্ গোজেনে দোয়্যে গুরিনে আমারে দিয়্যে বিলিনে আমি আজা ন-আরেই।

২ করিন্হীয় 4:12

সেনত্যে আমা ভিদিরে মরণানে কাম্ গরের্ মাত্তর্ তমা ভিদিরে জিংকানিগানে কাম্ গরের্।

২ করিন্হীয় 5:8

আমাত্তুন্ সাহচ্‌ আঘে আর আমি কিয়্যেগানি ঘরত্তুন্ দূর্ ওইনে প্রভু সমারে বজত্তি গরানা গম্ মনে গুরিই।

২ করিন্হীয় 7:4

তমা উগুরে মর্ অমকদ বিশ্বেজ্ আঘে আর তমাত্যে মুই খুব দেমাগ্ গরঙর্। আমা বেক্ দুঘ্‌কানিত্ মর্ হুজি লাগের্ আর মুই খুব সান্ত্বনা পেইয়োং ।

গালাতীয় 1:1

মুই পৌল খ্রীষ্টর্ এক্কো প্রচারক। এ প্রচারক-পদ্‌তান কনঅ মান্‌জ্যত্তুন্ বা কনঅ মান্‌জ্যর্ ভিদিরেত্তুন্ মুই ন-পাং, বরং যীশু খ্রীষ্ট আর বাবা গোজেন, যিবে খ্রীষ্টরে মরণত্তুন্ জেদা গুরিনে তুল্ল্যে, তারার্ মাধ্যমে মুই সিয়েন পেয়োং।

ইফিষীয় 1:6

তে ইয়েন গোজ্জ্যেদে যেন তে তার্ কোচ্‌‌‌পানার্ পুয়োবোর্ মাধ্যমে মাগানা মহিমাভরা দোয়্যে আমারে গোজ্জ্যে সিয়েনর্ বাঈনী অয়।

ইফিষীয় 3:13

সেনত্যে মুই কোজোলি গরঙত্তে, তমাত্যে মুই দুঘ্-কষ্ট ভুগোঙর্ বিলিনে তুমি সাহচ্‌ ন-আরেয়ো, কিয়া সিয়েনি বেক্কানি তমার্ বাঈনী পেবাত্যে অর্।

ফিলিপীয় 2:17

যে বিশ্বেজর্ উৎসর্বলোই তুমি গোজেনর্ সেবা গরর্ সিয়েন উগুরে যুনি মঅ লোগান উৎসর্ব ইজেবে ঢালি দিয়্যে অয় তো মুই সুগী আর তমা লগে হুজী।

ফিলিপীয় 2:30

খ্রীষ্টর্ কামত্যে তে মরণর্ মুয়ো-মি ওইয়্যে। তুমি আঝির্ ন-থানার্ কারনে মত্যে যিয়েন গুরি ন-পারঅ সিয়েন গুরিবাত্যে তে তার্ পরাণান দিবাত্যেয়ো রাজি এলঅ।

কলসীয় 1:24

মুই তমাত্যে যে দুঘ্ ভুগোঙর্ সিয়েনত্যে মুই হুজি। খ্রীষ্টর্ কিয়্যেগানর্, অত্তাৎ মন্ডলীত্যে তার্ যে দুঘোত্ ভুগোনা এজঅ বাগী আঘে সিয়েন মুই মঅ কিয়্যেগান্দোই পূরেই দুয়োং।

১ থিষলনীকীয় 2:2

তুমি এ কধাগান্অ কোই পারঅ, ইয়েন্অ আগে ফিলিপী শঅরত্ আমি অত্যেচার ভুগ্ গোজ্জ্যেই আর অসর্মান্অ ওইয়্যেই। মাত্তর্ এ মানাগানি থেলেয়ো আমা গোজেনত্তুন্ সাহচ্‌ পেইনে তা গম হবরর্ কধানি আমি খুলোমেলা গুরি তমা ইধু কোইয়্যেই।

১ থিষলনীকীয় 3:3

যেনে এ বেক্‌ দুগ্‌খানির্ মাধ্যমে তুমি কেঅ পিজেদি ন-যঅ। তুমি নিজেই কোই পারঅ যে, দুগ্-কষ্ট আমাত্যে ঠিগ্ গরা আঘে।

২ তীমথিয় 1:12

ইয়েনত্যে মুই এ দুঘ্‌কানি ভুগোঙর্; তো মুই ন-লাজাঙর্, কিয়া মুই কোই পারং মুই কা উগুরে বিশ্বেজ্ গোজ্জ্যং। মুই ঘেচ্চ্যেকগুরি কোই পারং, মুই তা ইধু যিয়েনি থোইয়োং খ্রীষ্টর এবার দিন্নোত্যে সিয়েনি রোক্ষ্যে গুরিবার খেমতা তার্ আঘে।

২ তীমথিয় 3:11

ইয়েনিবাদে আন্তিয়খিয়াত, ইকনিয়ত আর লুস্ত্রাত মুই যেদক্কানি অত্যেচার আর দুঘ্ পেইয়োং সেই বেক্‌ অত্যেচারর্ কধায়ো তুই কোই পারচ্, মাত্তর্ প্রভু সিয়েনি বেক্কানিত্তুন্ মরে রোক্ষ্যে গোজ্জ্যে।

২ তীমথিয় 4:17

মাত্তর্ প্রভু মঅ সমারে এলঅ আর মরে খেমতা দান গোজ্জ্যে। সিয়েনর্ ফলে মুই পুরোপুরি গুরিনে গম হবর্ প্রচার গুরি পাজ্জ্যং আর অযিহূদীগুনে বেক্কুনে সিয়েন শুন্ন্যন্।

তীত 1:3

আমার উদ্ধোর্ গুরিয়্যে গোজেনর্ উগুম মজিম মুই যিয়েনি প্রচার গরং সিয়েনিত্যে গোজেনে তার্ কধানি ঠিগ্ সময়োত্ ফগদাং গোজ্জ্যে।

তীত 2:11

গোজেনর্ যে দোয়্যেলোই পাপত্তুন্ উদ্ধোর্ পাহ্ যায় সিয়েন বেক্‌ মানুচ্চুনো ইধু ফগদাং পেয়্যে।

ইব্রীয় 10:34

আর যিগুনে জেলোত্ যেয়োন তারার্ দুঘে দুঘী ওইয়োন। তমার পযাপিরানি লুট ওই যানাগান তুমি হুজি মনে মানি লোইয়ো, কিয়া তুমি কোই পারিদা যে, আরঅ গম আর থিদেবর্ ধন তমাত্যে আঘে।

১ পিতর 5:12

সীল, যিবেরে মুই মর্ বিশ্বেজি ভেই মনে গরং, তারে দিইনে এই চিধিগান মুই কম কধালোই তমা ইধু লিগিলুং, যেন মুই তমারে উচ্চোমি দি পারং আর গোজেনর্ ঘেচ্চ্যেকগুরি দোয়্যের্ সাক্ষি দি পারং। তুমি গোজেনর্ এই দোয়্যেলোই থির্ থেইনে বজত্তি গরঅ।

১ যোহন 3:16

খ্রীষ্ট আমাত্যে নিজোর পরাণান্ দিয়্যে, সেনত্যে কোচ্‌পানা কি সিয়েন আমি কোই পাজ্জ্যেই। সালে ভেইয়ুনোত্যে নিজোর পরাণান্ দেনা আমার্‌অ উচিত।

ফগদাং পেইয়্যে 12:11

ভেড়া-ছবোর্ লো আর নিজোর সাক্ষ্যলোই তারা তারে অদেই দুয়োন। তারা নিজোরে বেশ্ কোচ্‌ ন-পান্ বিলিনে তারার্ জিংকানিগানি দিবাত্যে তারা রাজী এলাক্।

ফগদাং পেইয়্যে 6:11

সেক্কে তারারে পত্তিজনরে এক্কান গুরি ধূব্ পোজাক্ দিয়্যে অলঅ আর কুয়ো অলঅ, তারার সমাজ্জ্যে আর ভেইয়ুনোরে, যিগুনোরে তারা ধোক্ক্যেন গুরি মারে ফেলা অবঅ তারা জনেদি ন-পুরোনা সং তারা যেন আরঅ কিজু কাল বাজ্জ্যেই থান্।