প্রেরিত্‌ 20:23 - Chakma Bible

²³ মুই বানা এ কধাগান্ হবর্ পাং, পবিত্র আত্মাগানে পত্তি শঅরত্ মরে এ কধাগান্ জানেই দেত্তে, মত্তুন্ জেলোত্ যাহ্ পড়িবো আর দুঘ্ পাহ্ পড়িবো।

প্রেরিত্‌ 20:23 ပူးပေါင်းရင်းမြစ်များ

লূকে লেখ্যে গম্ হবর্ 16:28

যেন তে মর্ পাচ্চো ভেইয়োরে উজিয়ার্ গুরি পারে; সিয়েন্ ন-গল্ল্যে তারায়ো দঅ এ দুঘো জাগাত্ এবাক্।

যোহন 16:33

মুই তমারে ইয়েনি বেক্কানি কলুং যেন তুমি মঅ সমারে আঘঅ কিনেই মনত্ শান্তি পঅ। এ জগদত্ তুমি কষ্ট আর চাপ মুয়োত্ আঘ, মাত্তর্ সাহচ্‌ ন-আরেইয়ো; মুয়ই জগদ্‌তানরে জয় গোজ্যং।”

প্রেরিত্‌ 18:5

সীল আর তীমথিয় ম্যাসিডোনিয়াত্তুন্ এলে পরেদি পৌলে বানা গোজেনর্ কধা ফগদাং গুরিনে তার বেক্‌ সময়ান্ কাদা ধল্ল। তে যিহূদীগুনো ইধু সাক্ষ্য দিদো, যীশুই মশীহ।

প্রেরিত্‌ 20:21

যিহূদী আর গ্রীক্‌কুনো ইধু মুই জদবদে জোর্ দিইনে কোইয়োং, পাপত্তুন্ মনানি ফিরেইনে গোজেন ইন্দি তারারে ফিরেই পুড়িবো আর আমা প্রভু যীশু উগুরে বিশ্বেজ্ গরা পুড়িবো।

প্রেরিত্‌ 20:24

মাত্তর্ মইধু মঅ পরাণানর্ কনঅ দাম নেই। মর্ ইয়েন বানা এক্কান আওজ্, যেন মুই থুম্ সং যেই পারং, অত্তাৎ প্রভু যীশু যে কামর্ ভারান্ মরে দিয়্যে সিয়েন শেজ্ গুরি পারং, সে কামান্ অলঅ গোজেনর্ দোয়্যের্ গম্ হবরান পৌইদ্যেনে সাক্ষি দেনা।

প্রেরিত্‌ 21:11

তে আমা ইধু এইনে পৌলর্ কমর্-বিজোনিগান্ খুলি নেযেল আর সিয়েন্দোই নিজো আঢ্-টেঙানি বানিইনে কলঅ, পবিত্র আত্মাগানে কোইয়্যেদে, যিরূশালেমর্ যিহূদীগুন এই কমর্-বিজোনির্ গিরোজ্‌সোরে এবাবোত্যেগুরি বানিবা আর অযিহূদীগুনো আঢত্ দিবা।

প্রেরিত্‌ 21:33

সেক্কে আজল্ সেনাপতিবো এইনে পৌলরে বন্দী গুরিলো আর দ্বিয়েন শিগোল্লোই তারে বানিবার্ উগুম্ দিলো। সে পরেদি তে পুযোর্ গুরিলো, মানুচ্চো কন্না?

প্রেরিত্‌ 21:4

সিধুগোর্ শিচ্চ্যগুনোরে তোগেই পেইনে আমি তারা সমারে সাত দিন সং থেলং। সেই শিচ্চ্যগুনে পবিত্র আত্মালোই পৌলরে কোজোলি গুরিলাক্ যেন তে যিরূশালেমত্ ন-যায়।

প্রেরিত্‌ 8:29

সেক্কে পবিত্র আত্মাগানে ফিলিপরে কলঅ, “সে রথ্‌তান কুরে যাহ্ আর সিয়েন সমারে সমারে যাহ্।”

প্রেরিত্‌ 9:16

মত্যেই কত্তমান্ দুঘ্ যে তাত্তুন্ পাহ্ পুরিবো সিয়েন মুই তারে দেগেম্।”

১ থিষলনীকীয় 3:3

যেনে এ বেক্‌ দুগ্‌খানির্ মাধ্যমে তুমি কেঅ পিজেদি ন-যঅ। তুমি নিজেই কোই পারঅ যে, দুগ্-কষ্ট আমাত্যে ঠিগ্ গরা আঘে।

১ তীমথিয় 4:1

পবিত্র আত্মাগানে গমেডালে কোইয়্যেদে, ভবিচ্চ্যদে কুদুক্কুন মানুচ্‌ খ্রীষ্টীয় ধর্ম-বিশ্বেজত্তুন্ সুরি যেবাক্ আর ছলনাগুরিয়্যে আত্মা আর ভান্ন্যেই আত্মাগুনোর্ শিক্ষ্যে ইন্দি মনানি দিবাক্।

২ তীমথিয় 2:12

আমি যুনি ধৈজ্জ্য ধুরিনে সোজ্জ্য গুরিই, সালে তা সমারে রাজাগিরিয়ো গুরিবোং। যুনি তারে আমি অস্বীগের্ গুরিই, সালে তে-য়ো আমারে অস্বীগের্ গুরিবো।