প্রেরিত্‌ 20:22 - Chakma Bible

²² ইক্কিনে মুই পবিত্র আত্মার্ বাধ্য ওইনে যিরূশালেমত্ যাঙর্। সিধু মঅ উগুরে কি ঘুদিবো সিয়েন মুই হবর্ ন-পাং।

প্রেরিত্‌ 20:22 ပူးပေါင်းရင်းမြစ်များ

লূকে লেখ্যে গম্ হবর্ 12:50

মত্তুন্ এক্কো বাপ্তিস্ম লুয়ো পুরিবো, আর যেদক্ দিন সং সিয়েন ন-অয় সেদক্ দিন সং মর্ দুঘোর্ শেজ্ নেই।

লূকে লেখ্যে গম্ হবর্ 9:51

যেক্কে যীশুর স্বর্গত্ যেবার্ অক্ত ওই এলঅ সেক্কে তে যিরূশালেমত্ যেবাত্তে মনান্ থির্ গুরিলো।

যোহন 13:1

উদ্ধোর্-পরবর্ কিজু আগর্ ঘটনা। যীশু বুঝি পারিলোদে তার্ এ পিত্‌থিমীগান ফেলেনে বাবা ইধু যেবার্ অক্‌ত ওইয়্যে। এ পিত্‌থিমীত্ যিগুনে তার্ নিজোর্ মানুচ্‌ এলাক্ তারারে তে কোচ্‌পেদ আর শেজদি সং কোচ্‌পেইয়্যে।

যোহন 18:4

তা নিজো উগুরে যিয়েনি ঘুদিবো যীশু সিয়েনি বেক্কানি কোই পাত্ত। ইয়েনত্যে তে নিগিলি এইনে সেই মানুচ্চুনোরে কলঅ, “তুমি কারে তগর্?”

প্রেরিত্‌ 17:16

পৌল এথেন্স শঅরত্ সীল আর তীমথিয়ত্যে বাজ্জেই থেবার্ অক্তত্ সেই শঅরান্ মূত্তিলোই ভরা দেগিলো। সেক্কে তা মনান্ অমকদ গম্ ন-লাগিলো।

প্রেরিত্‌ 19:21

এ বেক্কানি ঘুদিবার পরেদি পৌলে ঠিগ্ গুরিলো তে ম্যাসিডোনিয়া আর আখায়া ওইনে যিরূশালেমত্ যেবঅ। তে কলঅ, “যিরূশালেমত্ যেবার্ পরেদি মত্তুন্ রোম শঅরত্অ যাহ্ পরিবো।”

প্রেরিত্‌ 20:16

এশিয়া রেজ্যত্ পৌলর্ যাতে দেরি গরা ন-পরে সেনত্তে তে ঠিগ্ গোজ্জ্যেদে, তে ইফিষত্ ন-থামেইনে তা কায়-কুরেদি যেবগোই। যিরূশালেমত্ লুমিবাত্যে তে হিজেহিচ্চ্যে গুরিলো যেন সম্ভব অলে পঞ্চাশত্তমী দিনোত্ সিধু থেই পারে।

২ করিন্হীয় 5:14

খ্রীষ্টর্ কোচ্‌পানাগানে আমারে পুচ্ মানিনে চালার্, কিয়া আমি ঘেচ্চ্যেকগুরি বুঝ্‌চেই যে, বেক্কুনোর্ ওইনে একজনে মুরিলো, আর সেনত্যে বেক্কুনে মুরিলাক্।

যাকোব 4:14

মাত্তর্ এজেত্তে কেল্ল্যে কি অবঅ সিয়েন তুমি কোই ন-পারঅ। তমা জিংকানিগানি বা কি? তুমি দঅ ভাব(ধূমো) ধোক্ক্যেন, যিয়েন খানক্‌কনত্যে থায় আর সে পরেদি মিলেই যায়।

২ পিতর 1:14

কিয়া মুই যে আর ভালোক্ দিন এই কিয়্যের-তাম্বুলানত্ ন-থেম্ সিয়েন আমার প্রভু যীশু খ্রীষ্ট মরে গমেডালে জানেই দিয়্যে।