প্রেরিত্‌ 20:2 - Chakma Bible

^2-3 ম্যাসিডোনিয়া ভিদিরেদি যেবার্ অক্তত্ তে ভালোক্কানি কধা কোইনে মানুচ্চুনোরে উচ্চোমি তুলি দিলো। পরেদি তে গ্রীস, অত্তাৎ আখায়া রেজ্যত্ যেইনে সিধু তিন মাস সং থেলঅ। সে পরেদি তে জাহাজত্ গুরি সিরিয়া দেজত্ লদ্ দিবার্ আগে হবর্ পেলঅ যিহূদীগুনে তা বিরুদ্ধে কুজুরোমি গত্তন্। সেক্কে তে আরঅ ম্যাসিডোনিয়া ভিদিরেদি ফিরি যানা ঠিগ্ গুরিলো।

প্রেরিত্‌ 20:2 ပူးပေါင်းရင်းမြစ်များ

সখরিয় 9:13

মুই যিহূদারে ধনু ধোক্ক্যেন্ আর ইফ্রয়িমরে সেল ধোক্ক্যেন বেবহার গুরিম। ও সিয়োন, মুই তঅ পুয়োগুনোরে গ্রীস দেজর্ পুয়োগুনো বিরুদ্ধে উত্তেজিত গুরিম আর তরে যুদ্ধোর্ লাম্বাছুরি ধোক্ক্যেন গুরিম।”

লূকে লেখ্যে গম্ হবর্ 3:18

যোহনে আরঅ ভালোক্কানি উপদেজ্ দিইনে মানুচ্চুনো মনত্ উচ্চোমি তুলি দিইনে গোজেনর্ দিয়্যে গম্ হবর্ ফগদাং গুরিলো ।

প্রেরিত্‌ 15:41

পৌল সিরিয়া আর কিলিকিয়া ভিদিরেদি যেইনে বেক্‌ মন্ডলীগুনোর বিশ্বেজ্ বাড়েইনে তারারে আরঅ দরমর গুরি তুলিলো।

প্রেরিত্‌ 16:12

সিয়োত্তুন আমি ফিলিপী শঅরত্ গেলং। এ ফিলিপীগান ম্যাসিডোনিয়ার সেই চাগালার্ আজল্ শঅর্। সিদুগো মানুচ্চুনে রোম রেজ্যর্ প্রজা এলাক্। আমি কয়েকদিন সেই শঅরত্ থেলং।

প্রেরিত্‌ 17:1

পৌল আর সীল আম্‌ফিপলি আর আপল্লোনিয়া শঅর ভিদিরেন্দি থিষলনীকী শঅরত্ গেলাক্। সিধু যিহূদীগুনোর এক্কান্ সমাজ-ঘর এলঅ।

প্রেরিত্‌ 17:10

রেত্ অলে পরেদি বিশ্বেজি ভেইয়ুনে পৌল আর সীলরে বিরয়াত্ পাধেই দিলাক্। সিধু লুমিনে তারা যিহূদীগুনোর্ সমাজ-ঘরত গেলাক্।

প্রেরিত্‌ 2:40

ইয়েন বাদে আরঅ ভালোক্কানি কধা কোইনে পিতরে সাক্ষি দিয়্যে ধোল্ল্য। তে তারারে ইয়েন কোইনে বুঝেবার চেষ্টা গল্ল, “এ যুগোর বিবেক্ নেইয়্যে মানুচ্চুনোত্তুন্ নিজোরে রোক্ষ্যে গরঅ।”

প্রেরিত্‌ 20:1

যাগুলুগ্ থামানার্ পরেদি পৌলে শিচ্চ্যগুনোরে ডাগিনে পাদেল। তারারে উচ্চোমি তুলি দিবার্ পরেদি তারাত্তুন্ বিদেয় লোইনে তে ম্যাসিডোনিয়া ইন্দি লদ্ দিলো।

প্রেরিত্‌ 20:11

ইয়েনর্ পরেদি পৌলে আরঅ উগুরে তলাত্ যেইনে প্রভুর্ ভোজ্ গুরিলো আর ভালক্কন্ ধুরিনে বেন্যেমাদান্ সং কধা কনার্ পরেদি তে গেলগোই।

১ করিন্হীয় 4:19

মাত্তর্ প্রভুর আওজ্ অলে মুই সবরে তমা ইধু এম্। যিগুনে দেমাগে ফুলি উত্ত্যন্ তারার কধাবাত্তানি শুনিবাত্যে ন-এম্, মাত্তর্ তারার্ খেমতাগান কত্তমান সিয়েন চেবাত্যে এম্।

কলসীয় 1:28

আর সেই খ্রীষ্ট পৌইদ্যেনে আমি প্রচার গুরিই, অত্তাৎ গোজেনর্ দিয়্যে ন-ফুরেইয়্য জ্ঞান লগে আমি পত্তিজনরে উজিয়ার্ গুরিই আর শিক্ষ্যে দিই, যেন পত্তিজনরে আমি খ্রীষ্টর্ মাধ্যমে যগাজ্জ্যে গুরি তুলিই পারি।

১ থিষলনীকীয় 2:11

তুমি কোই পারঅ, বাবে যেধোক্ক্যেন নিজো পুয়ো-ছাগুনোরে উচ্চোমি, সান্তনা আর কড়া গুরিনে উগুম দে, আমিয়ো তমারে পত্তিজনরে সিয়েনই দিদোং, যেন গোজেনর্ মানুচ্‌ ইজেবে তুমি গমেডালে চলঅ। গোজেনে তার্ নিজো রেজ্যগানর্ আর তার মহিমার ভাগী অবাত্যে তমারে ডাগের্।

১ থিষলনীকীয় 2:3

আমা উপদেচ্‌‌চানি ভুল শিক্ষ্যেত্তুন্ নয়, ভান্ন্যেই উদ্দেচ্চ্যত্তুন্অ নয়, বা আমি ছলনা গুরিনেয়ো কনঅ কধা ন-কোর্;

১ থিষলনীকীয় 4:1

আরঅ কং ভেইলগ্, গোজেনরে হুজি গুরিবাত্যে কেধোক্ক্যেন গুরি চলানা উচিত সেই শিক্ষ্যেগান্ দঅ তুমি আমাত্তুন্ পেইয়ো, আর ঘেচ্চ্যেকগুরি তুমি সেবাবোত্যে গুরি চলর্। তো প্রভু যীশুর্ ওইনে আমি তমারে কোজোলি গুরির্ আর উপদেচ্‌ দিত্তে যেন তুমি আরঅ বেশ্ গুরিনে সেবাবোত্যেগুরি চলঅ।