প্রেরিত্‌ 20:19 - Chakma Bible

¹⁹ যিহূদীগুনোর নানান্ কুজুরোমির্ কারনে মত্তুন্ জদবদে পোরোক্ষ্যেত্ পরা পোজ্জ্যে, মাত্তর্ মুই খুব্ নম্র গুরিনে চোগো পানিলোই প্রভুর্ চাগর্ ওইনে তার্ সেবা গোজ্জ্যং।

প্রেরিত্‌ 20:19 ပူးပေါင်းရင်းမြစ်များ

গীতসংহিতা 119:136

মঅ চোগো পানিগান গঙার ধোক্ক্যেন বেঈ যার্, কিত্তে মান্‌জ্যে তঅ উগুমান ন-মানন্।

যিরমিয় 13:17

তুমি যুনি কধা ন-শুনো সালে তমা বাড়্‌বোগানত্তে মুই গুমুরে গুমুরে কানিম্, জদবদে কানিম্ আর মঅ চোগ্‌কুন চোগো পানিয়ে ভাজি যেবাক্, কিত্তে লগেপ্রভুর মানুচ্চুনোরে বন্দী গুরি নেযা অবঅ।‌‍‍‍

যিরমিয় 9:1

হায়, মঅ মাঢাবো যুনি পানির ঝুর্‌ঝুরি অদঅ, আর মঅ চোগ্‌কো অদঅ পানির পয়নালা! সালে মঅ জাদর্ যে মানুচ্চুনোরে মারে ফেলা ওইয়্যে তারাত্তে মুই দিনে রেদে কানিদুং।‌‌‌

লূকে লেখ্যে গম্ হবর্ 19:41

তারা যেক্কে যিরূশালেম ইধু এলাক্ সেক্কে যীশু শঅরান্ দেগিনে কানিলো ।

যোহন 12:26

কনজনে যুনি মরে সেবা গুরিবাত্তে চায় সালে তে মঅ পধেদি চোলোক্। মুই যিধু আঘং মর্ সেবাগুরিয়্যেবোয়ো সিধু থেবঅ। কনজনে যুনি মরে সেবা গরে সালে বাবা তারে সর্মান গুরিবো।

প্রেরিত্‌ 17:13

থিষলনীকীর্ যিহূদীগুনে যেক্কে শুনিলাক্ পৌলে বিরয়াত্ গোজেনর্ কধা ফগদাং গরের্ সেক্কে তারা সিধুয়ো গেলাক্ আর মানুচ্চুনোরে উচ্চোমি তুলি দিইনে যাগুলুগ্ বাজেই দিলাক্।

প্রেরিত্‌ 17:5

মাত্তর্ যিহূদীগুনে ইংসে গুরিনে বাজারত্তুন্ কয়েক্কো পাজি মানুচ্‌ যগার্ গুরি আনিনে ভীড় জমেলাক্ আর শঅর ভিদিরে যাগুলুগ্ বাজেই দিলাক্। সে পরেদি পৌল আর সীলরে তোগেইনে বারে মানুচ্চুনো ইধু তারারে আনিবাত্যে তারা যাসোন ঘরঅ উগুরে যেন ঝাবেই পড়িলাক্,

প্রেরিত্‌ 20:31

ইয়েনত্তে তুমি উজিয়ার্ থাগঅ। ইদোত্ রাগেবা, তিন বজর্ সং দিন-রেদ্ চোগো পানিলোই মুই তমারে পত্তিজনরে উজিয়ার্ গোজ্জ্যং, কনদিন্অ জুরো গুরি ন-থাগঅ।

প্রেরিত্‌ 21:27

সিজি অনার্ সেই সাত দিনো শেজত্ এশিয়া রেজ্যর্ কয়েক্কো যিহূদী পৌলরে উবোসনা-ঘরত্ দেগিলাক্। তারা সিধুগোর্ বেক্ মানুচ্চুনোরে ভেজেই দিলাক্ আর পৌলরে ধুরিলাক্।

প্রেরিত্‌ 27:23

মুই যিবের্ মানুচ্‌ আর মুই যিবেরে সেবা গরং সেই গোজেনর্ এক্কো দূত্ গেল্লে রেদোত্ মঅ কায়কুরে থিয়্যেইনে কলঅ,

রোমীয় 1:1

10 মুই খ্রীষ্ট যীশুর্ চাগর্ পৌল রোম শঅরর্ বিশ্বেজিগুনো ইধু এ চিধিগান্ লেগঙর্। তার প্রচারক্ অবাত্যে গোজেনে মরে ডাক্ক্যে আর তার দিয়্যে গম্ হবরান্ প্রচার গুরিবাত্যে বেঈ লোইয়্যে।

রোমীয় 1:9

গোজেন পুয়ো পৌইদ্যেনে গম্ হবর্ প্রচার গুরিনে মর্ বেক্ মনান্দোই মুই গোজেনরে সেবা গরঙর্। মুই যেদক্ বার্ তবনা গরং সেদক্ বার্ যে তমা কধানি ইদোত্ তুলোং, তেয়ই সিয়েনর্ সাক্ষী।

রোমীয় 12:11

গোজেন উগুরে নিত্য তর্ আওজ্ থোক্। তমা মনানি ভক্তিয়ে ভরা থোক্। তুমি প্রভুর্ কামত্ লাগি থাগঅ।

২ করিন্হীয় 2:4

বোউত্ দুঘ্ আর মনত্ দুঘে চোগো পানিলোই মুই তমা ইধু লেখ্যং। তমারে দুঘ্ দিবাত্যে মুই ন-লেগং, বরং তমা উগুরে মর্ কোচ্‌পানা যে কত্তমান্ গভীন্ সিয়েন জানেবাত্যে লেখ্যং।

২ করিন্হীয় 3:5

মাত্তর্ সিয়েনর্ অত্তগান ইয়েন নয় যে, আমার্ নিজোত্তুন্ কনঅ কিজু গুরিবার্ খেমতা আঘে বিলিনে আমি দাবী গুরি পারিই, বরং আমার সেই যোগ্যতাগান্ গোজেনত্তুন্ এজে।

২ করিন্হীয় 7:5

ম্যাসিডোনিয়াত্ লুমিনেয়ো আমা কিয়্যেগানি জিরেন্ ন-পায়; বেক্কানিত্তুন্ আমি দুঘ্ পেইয়্যেই-চেরোকিত্যেদি এলঅ গন্ডগুল আর মনত্ দর্‌বুগ্ এলঅ।

গালাতীয় 1:10

মুই ইয়েনত্ কার প্রশংসা পেবার চেষ্টা গরঙর্, মান্‌জ্যর না গোজেনর্? না কি মান্‌জ্যরে হুজী গুরিবার চেষ্টা গরঙর্? মুই যুনি এজঅ মান্‌জ্যরে হুজী গুরিবার চেষ্টা গরং সালে দঅ মুই খ্রীষ্টর্ চাগর নয়।

ইফিষীয় 6:7

তুমি যেন মান্‌জ্যরে সেবা ন-গরর্ মাত্তর্ প্রভুর সেবা গরর্ সেবাবোত্যে গুরি হুজি মনে তমা গিরোজ্‌চুনোরে সেবা গরঅ, কিয়া তুমি জানঅ যে,

ফিলিপীয় 3:18

মুই তমারে বার্ বার্ কোইয়োং আর ইক্কিনে চোগো পানিলোই আরঅ কঙত্তে, এমন ভালোকজন আঘন্ যিগুনে খ্রীষ্টর্ ক্রুশোর শত্রু ধোক্ক্যেন আঢাউদো গত্তন।

কলসীয় 3:24

কিয়া তুমি দঅ কোই পারঅ, প্রভু তা মানুচ্চুনোত্যে যিয়েন থোইয়্যে সিয়েন তুমি বক্‌শিজ্ ইজেবে তাত্তুন্ পেবা। তুমি যিবের্ সেবা গরর্ তে প্রভু খ্রীষ্ট।

১ থিষলনীকীয় 1:9

কিয়া তুমি কেধোক্ক্যেন গুরিনে আমারে মানি লোইয়ো মানুচ্চুনে সিয়েন আমারে জানাদন্। তারা আরঅ জানাদন্, তুমি কেধোক্ক্যেন গুরি দেবদেবীগুনোত্তুন্ ফিরিনে জেদা আর সত্য গোজেন ইধু এচ্চ্য যেন তার্ সেবা গুরি পারঅ,

২ তীমথিয় 1:4

তুই যে কান্ন্যচ্ সে কধাগান মনে গুরিনে তরে ভারী চেবাত্যে আওজ্ অর্, যেন মঅ মনান্ হুজিয়ে ভুরি উদে।

যাকোব 1:2

মঅ ভেইয়ুন্, তুমি যেক্কে নানান্ বাবোত্ত্যে পোরোক্ষ্যেত্ পড় সেক্কে সিয়েন ভারী হুজীর বেপার বিলি মনে গোজ্জ্য,

১ পিতর 1:6

খালিক্ যুনিয়ো কিজু সময়োত্যে নানান্ পোরোক্ষ্যেলোই অয়ত ইক্কিনে তমার্ দুঘ্ পাহ্ পড়ের, তো উদ্ধোর্ পেবার আজায় তমা মনানি হুজিয়ে ভুরি উঠ্যে।

২ পিতর 1:1

মুই শিমোন-পিতর যীশু খ্রীষ্টর্ এক্কো চাগর্ আর দূত। আমার গোজেন আর উদ্ধোর গুরিয়্যে যীশু খ্রীষ্ট ন্যায়বলা, আর সেনত্যে তুমিয়ো আমা ধোক্ক্যেন এক্কুই যদবদে বিশ্বেজ্ গোজ্জ্য। ইয়েনত্যে মুই তমা ইধু এ চিধিগান লেগঙর্।

ফগদাং পেইয়্যে 7:15

সেনত্যে ইগুনে গোজেনর্ সিংহাসন মুজুঙোত্ আঘন আর স্বর্গর্ উবোসনা-ঘরত্ ইগুনে দিন-রেত্ তারে সেবা গত্তন্। যিবে সিংহাসন উগুরে বুয়োই আঘে তেয়ই ইগুনো উগুরে তা তাম্বুলান খাদেব।