প্রেরিত্‌ 20:17 - Chakma Bible

¹⁷ পৌলে মিলীতত্তুন্ ইফিষত্ মানুচ্‌ পাধেইনে সিধুগো মন্ডলীর নেতাগুনোরে ডাগিলো।

প্রেরিত্‌ 20:17 ပူးပေါင်းရင်းမြစ်များ

প্রেরিত্‌ 11:30

তারা বার্ণবা আর শৌল আঢত্ যিহূদিয়া মন্ডলীগুনোর বুড়ো নেতাগুনো ইধু সেই সাহায্যগানি পাধেই দিলাক্।

প্রেরিত্‌ 14:23

তারা পত্তি মন্ডলীত্ আজল্ নেতাগুনোরে কামত্ অদে অদে লাগেলাক্ আর যে প্রভু উগুরে তারা বিশ্বেজ্ গোজ্জ্যন্, তবনা গুরিনে আর উবোচ্‌ থেইনে সেই প্রভু আঢত্ মন্ডলী মানুচ্চুনোরে তুলি দিলাক্।

প্রেরিত্‌ 15:23

তারা সমারে এ চিধিগান পাধা অলঅ: আন্তিয়খিয়া, সিরিয়া আর কিলিকিয়ার অযিহূদী বিশ্বেজি ভেইয়ুনো ইধু আমি প্রচারক্কুনে আর মন্ডলী নেতাগুনে, অত্তাৎ তমা ভেইয়ুনে এ চিধিগান লিগির্। তমার্ ভালেদি ওক্‌।

প্রেরিত্‌ 15:4

যেক্কে পৌল আর বার্ণবা যিরূশালেমত্ এলাক্ সেক্কে মন্ডলীর মানুচ্চুনে, নেতাগুনে আর প্রচারক্কুনে আওজ্ গুরিনে তারারে মানি ললাক্। তারারে দিইনে গোজেনে যিয়েনি গোজ্জ্যে সিয়েনি বেক্কানি তারা বেক্কুনোরে কলাক্।

প্রেরিত্‌ 15:6

সেক্কে প্রচারক্কুনে আর মন্ডলীর নেতাগুনে এ পৌইদ্যেনে চিন্তে গুরিবাত্তে এক জাগাত্ এগত্তর্ অলাক্।

প্রেরিত্‌ 16:4

পরেদি তারা সেই শঅরানি ভিদিরেদি গেলাক্ আর যিরূশালেমর প্রচারক্কুনে আহ্ মন্ডলীর নেতাগুনে যে কয়েক্কান সুদোম ঠিগ্ গোজ্যন্ সিয়েন মানুচ্চুনোরে জানেলাক্ আর সেই বেক্‌ সুদোমানি পালেবাত্তে কলাক্।

প্রেরিত্‌ 18:19

ইফিষ শঅরত্ লুমিনে তে প্রিষ্কিল্লা আর আকিলারে ইরি দিলো। যেরেদি তে নিজে সমাজ-ঘরত্ যেইনে যিহূদীগুনো সমারে যীশু পৌইদ্যেনে কধাবাত্তা কুয়ো ধুরিলো।

প্রেরিত্‌ 20:15

তার্ কেল্যে আমি সিয়োত্তুন লদ্ দিইনে খীয় দ্বীপ কুরে লুমিলোং। সে পরেদি দিন্নোত্ আমি সাগর্ পার্ ওইনে সামঃ দ্বীপোত্ গেলং। সে পরেদি দিন্নোত্ আমি মিলীদ্‌ বন্দরত্ যেইনে লুমিলোং।

প্রেরিত্‌ 20:28

তুমি নিজো পৌইদ্যেনে উজিয়ার্ থাগঅ, আর পবিত্র আত্মা যে বিশ্বেজি দলর্ ভারান্ পরিচালগ্ ইজেবে তমা উগুরে দিয়্যে তারা পৌইদ্যেনেয়ো উজিয়ার্ থাগঅ। গরগ্‌কো যেবাবোত্যেগুরি তা ভেড়া পালুনোরে দেগাশুনো গরে ঠিগ্ সেবাবোত্যেগুরি তুমিয়ো গরগ্ ইজেবে গোজেন মন্ডলীর্ দেগাশুনো গরঅ। গোজেনে সেই মন্ডলীবোরে নিজো লো-গান্দোই কিন্যে।

১ তীমথিয় 5:17

মন্ডলীর যে আজল্ নেতাগুনে গমেডালে মন্ডলীর পরিচালনা গরন্, বিশেষ গুরি যিগুনে গোজেনর্ কধা প্রচার আর শিক্ষ্যে দান গুরিবাত্যে কাম গরন্, তারার্ পাওনা দ্বিগুন অনা উচিত।

তীত 1:5

ক্রীট দ্বীবোত্ যে কামানি এজঅ সং আদ্‌ধান্ন্যেগুরি রোইয়্যে সিয়েনি ঠিগ্ গুরিবাত্যে মুই তরে ক্রীট দ্বীবোত্ থোই এচ্চ্যং। মুই তরে যে উগুমানি দুয়োং সেই মজিম পত্তি শঅর মন্ডলীর্ আজল্ নেতাগুনোরে কামত্ অদেঅদে রাগা।

যাকোব 5:14

তে নাঙ্ গিনেদে গীদ্ গোক্। কেঅ কি অসুগ্? তে মন্ডলীর আজল্ নেতাগুনোরে দাগোক্। তারা প্রভুর নাঙে তা মাঢাবোত্ তেল্ দিইনে তাত্যেই তবনা গোত্তোক্।

১ পিতর 5:1

মুই খ্রীষ্টর্ দুঘ্ ভুগোনার সাক্ষী আর খ্রীষ্টর্ যে মহিমা ফগদাং অবঅ সিয়েনর্ ভাগী। সেনত্যে তমা ভিদিরে যিগুনে মন্ডলীর আজল্ নেতা তারারে মুই আর এক্কো আজল্ নেতা ইজেবে এ উপদেচ্‌‌চান দোঙর্-

২ যোহন 1:1

গোজেনে যিবেরে বেঈ লোইয়্যে সেই মিলেবো আর তা পুয়ো-ছাগুনো ইধু সেই বুড়ো নেতাবো মুই এ চিধিগান লেগঙর্। গোজেনর্ সত্যগানত্যে মুই তমারে বেক্কুনোরে কোচ্‌পাং। বানা যে মুই তমারে কোচ্‌পাং সিয়েন নয়, মাত্তর্ যিগুনে গোজেনর্ সত্যগান হবর্ পেইয়োন সিগুনে বেক্কুনে তমারে কোচ্‌পান।

৩ যোহন 1:1

গোজেনর্ সত্যর্ কারনে মুই যিবেরে কোচ্‌পাং মর্ সেই পরাণর্ সমাজ্জ্যে গাইয় ইধু সেই বুড়ো নেতাবো মুই এ চিধিগান লেগঙর্।