প্রেরিত্‌ 2:7 - Chakma Bible

⁷ তারা অমকদ আমক্ ওইনে কলাক্, “এই যে মানুচ্চুনে কধা কদন্, ইগুনে কি বেক্কুনে গালীল মানুচ্‌ নয়?

প্রেরিত্‌ 2:7 ပူးပေါင်းရင်းမြစ်များ

মথি লেখ্যে গম্ হবর্ 21:11

মানুচ্চুনে কলাক্, “তে গালীলোর্ নাসরত্ আদামর্ ভাববাদী যীশু।”

মথি লেখ্যে গম্ হবর্ 26:73

যে মানুচ্চুনে সিয়েনত্ থিয়্যেই এলাক্ তারা হানক্কণ্ পরেদি পিতররে এইনে কলাক্, “হামাক্কায় তুই সিগুনোত্তুন্ একজন; তঅ কধানিয়ে তরে ধুরি দের্।”

মথি লেখ্যে গম্ হবর্ 8:10

যীশু এ কধাগান শুনিনে আমক্ অলঅ আর যিগুনে তা পিযে পিযে যাদন্ তারারে কলঅ, “মুই তমারে ঘেচ্চেকগুরি কঙর্, ইস্রায়েলীয়গুনো ভিদিরেয়ো এদক্ বিশ্বেজ্‌বলা কারঅ ভিদিরে মুই ন-দেগং।

মার্ক 1:27

এ ঘদনাগান্ দেগিনেই মানুচ্চুনে এদক্ আমক্ অলাক্ যে, তারা নিজো ভিদিরে কুয়ো ধুরিলাক্, “ইয়েনি কি বেপার? এ অধিকার ভরা নুয়ো শিক্ষ্যেগান বা কি? এন্‌ কি, ভুদ্‌‌‌তোরেয়ো তে উগুম দে আর তারা তা কধানি শুনোদে বাধ্য অন্।‌”

মার্ক 2:12

সেক্কেনে সেই মানুচ্চো উদিনে তা পাদিবো তুলিলো আর বেক্কুনো মুজুঙেদি বারেদি গেলঅ। ইয়েন্দোই বেক্কুনে আমক্ ওইনে গোজেনরে বাঈনী গুরি কলাক্, “আমি কনদিন্অ এবাবোত্যে ন-দেগিই।”

যোহন 7:52

ফরীশীগুনে নীকদীমরে জোব্ দিলাক্, “তুইয়ো কি গালীলো মানুচ্‌? পবিত্র বোইবোত্ তোগেই চাহ্, গালীলোত্ কনঅ ভাববাদীর জোর্মেবার্ কধা নেই।”

প্রেরিত্‌ 1:11

“গালীলো মানুচ্চুন, ইধু থিয়্যেইনে আগাজ ইন্দি কিত্ত্যেই রিনি চেই আঘঅ? যিবেরে তমাত্তুন্ তুলি নেযা অলঅ সেই যীশুরে যেবাবোত্যে গুরি তুমি স্বর্গত্ যাদে দেগিলা সেবাবোত্যেগুরি তে ফিরি এবঅ।”

প্রেরিত্‌ 2:12

তারা আমক্ আর বেদমা ওইনে একজন আরেক জনরে পুযোর্ গরা ধল্লাক্, “ইয়েনর মানেগান কি?”

প্রেরিত্‌ 2:8

যুনি সিয়েন অয় সালে আমি পত্তিজনে কেধোক্ক্যেন গুরি নিজো নিজো দেজর্ ভাষায় তারা মুয়োত্তুন্ শুনোঙর্?