প্রেরিত্‌ 2:46 - Chakma Bible

⁴⁶ তারা পত্তিদিন উবোসনা ঘরত্ একসমারে থুবেদাক্, আর যুদো যুদো ঘরত্ হুজিয়্যে আর সরল মনে একসমারে হানা-দানা গুরিদাক্।

প্রেরিত্‌ 2:46 ပူးပေါင်းရင်းမြစ်များ

নহিমিয় 8:10

নহিমিয় কলদে, “তুমি যেইনে গম্‌ গম্‌ হানা আর মিষ্টি রস্‌ খঅ আর যিগুনোর্‌ কনঅ হেবার্‌ নেই তারারে কিজু কিজু পাধেই দুয়ো। এচ্ছ্যে দিন্নো অলদে আমা লগেপ্রভুর নাঙে পবিত্র। তুমি মনত্‌ দুঘ্ ন-আন্য, কিত্যে লগেপ্রভুর দিয়্যে হুজিগান্‌ অলদে তমার্‌ বল্‌।”

গীতসংহিতা 86:11

ও লগেপ্রভু, তর্ পথ্‌তান পৌইদ্যেনে মরে শিক্ষ্যে দে, যেনে মুই তর্ সত্যলোই চলি পারং; তরে ভোক্তি গুরিবাত্যে মর্ দ্বিভাগ ওইয়্যে মনানরে তুই এগত্তর্ গর্।

উপদেশক 9:7

সেনত্তে তুই যেইনে হুজিয়ে রাজিয়ে তঅ হানাগান্ হা আর মনঅ হুজিয়ে আংগুরো-রস্ হা, কিত্তে তর্ এ কামানি গোজেনে আগে এলাফেলা গোজ্যে।

মথি লেখ্যে গম্ হবর্ 6:22

চোগ্ অলদে কিয়্যেগানর্ চেরাগ। সেনত্তে তঅ চোগ্‌কুন যুনি গম্ অয় সালে তর্ বেক কিয়্যেগান পহ্‌রে পরিপূরোণ অবঅ।

লূকে লেখ্যে গম্ হবর্ 11:41

তমা থাল্-কদরা ভিদিরে যিয়েনি আঘে সিয়েনি বরং ভিক্ষ্যে ধোক্ক্যেন্ দান গরঅ; দেগিবা, বেক্কানি তমা ইধু সিজি অবঅ।

লূকে লেখ্যে গম্ হবর্ 24:30

যেক্কে তে তারা সমারে হেবাত্যে বুজিলো সেক্কে রুটি লোইনে গোজেনরে ভালেদি জানেল আর সিয়েন্ কট্টা গুরিনে তারারে দিলো।

লূকে লেখ্যে গম্ হবর্ 24:53

তারা নিত্য উবোসনা-ঘরত্ আঝির্ থেইনে গোজেনরে বাঈনী গরা ধুরিলাক্।

প্রেরিত্‌ 16:34

সে পরেদি তে পৌল আর সীলরে নিজো ঘরত্ নেযেইনে হেবাত্তে দিলো। গোজেন উগুরে বিশ্বেজ্ গুরিনে তার্ পরিবারর্ বেক্কুনে অমকদ হুজি অলাক্।

প্রেরিত্‌ 2:42

সেই মানুচ্চুনে দিপাধেয়্যেগুনোর শিক্ষ্যেনি শুনিদাক্, তারা সমারে এক ওইনে প্রভুর হানা লদাক্ আর তবনা গুরিনে সময় কাদেদাক্।

প্রেরিত্‌ 20:7

সাপ্তার্ পত্তম্ দিনোত্ প্রভুর্ ভোজ্ গুরিবাত্তে আমি একসমারে এগত্তর্ অলং। সেক্কে পৌলে মানুচ্চুনো ইধু ফগদাং গরা ধুরিলো। তার্ কেল্যে তার্ যেবার্ কধা এলঅ বিলি তে রেদ্ সংভাগ্ সং কধা কনাত্ থেলঅ।

প্রেরিত্‌ 3:1

একদিন্ন্যে বেল্যেমাদান্ তিনটায় তবনা গুরিবার সময়োত্ পিতর আর যোহনে উবোসনা-ঘরত যাদন্।

প্রেরিত্‌ 5:21

তারা সেই কধা মজিম বেন্যে-পোত্যে উবোসনা-ঘরত্ সুমিনে মানুচ্চুনোরে শিক্ষ্যে দিয়্যে ধুরিলাক্। ইন্দি দাঙর্ ধর্মগুরু আর তা লগে সদ্দূকীগুনে বড়সভা ডাগিলাক্, অত্তাৎ ইস্রায়েলীয় বুড়ো নেতাগুনোর বেক্ দল্লোরে ডাগিলাক্। সে পরেদি তারা দিপাধেয়্যে প্রচারক্কুনোরে আনিবাত্যে কয়েক্কো চাগররে পাধেলাক্,

প্রেরিত্‌ 5:42

তারা পত্তিদিন উবোসনা-ঘরত আর ঘরে ঘরে যেইনে শিক্ষ্যে দিয়্যে ধল্লাক্ আর যীশুই যে মশীহ এ গম্ হবরান্ ফগদাং গরা ধল্লাক্।

রোমীয় 12:8

যে উচ্চোমি দিবার্ খেমতা পেয়্যে তে উচ্চোমি দোক্; যে অন্যরে দান গুরিবার্ খেমতা পেয়্যে তে সরল মনে দোক্; যে নেতা অবার্ খেমতা পেয়্যে তে আওজ্ গুরিনে পরিচালনা গোরোক্; যে অন্যগুনোরে সাহায্য গুরিবার খেমতা পেয়্যে তে হুজি মনে সিয়েন গোরোক্।

১ করিন্হীয় 10:16

প্রভুর্ ভোজ সময়োত্ ভালেদি জানেইনে যে অাশিদ্‌বাদ গলজত্তুন্ আমি হেই, সিয়েন কি খ্রীষ্টর্ লো-গান ভাগ্ লনা ধোক্ক্যেন নয়? আর যে রুটিগানি আমি কট্টা গুরিনে হেই সিয়েন কি খ্রীষ্টর্ কিয়্যের্ ভাগ্ লনা ধোক্ক্যেন নয়?

২ করিন্হীয় 1:12

আমি যিয়েনত্যে দেমাগে ফুলি উদিই সিয়েন এই-আমা বিবেগ্‌‌‌কানিয়ে এ সাক্ষ্যগানি দেত্তে যে, গোজেনর্ দিয়্যে পবিত্রতালোই আর সরলতায় আমি বেক্ মানুচ্চুনো ইধু, বিশেষ গুরি তমা ইধু জিংকানি কাদেয়্যেই। সেই জিংকানিগানি আমি জগদ জ্ঞানর্ পরিচালনায় ন-কাদেই বরং গোজেনর্ দোয়্যেই পরিচালনায় কাদেয়্যেই।

২ করিন্হীয় 11:3

মাত্তর্ মর্ দর্ লাগেত্যে, সেই সাপ্পো তার্ পাজি বুদ্ধি খাদেইনে যেধোক্ক্যেন্ গুরি হবারে ভুলেয়্যে সেধোক্ক্যেন গুরি খ্রীষ্ট উগুরে খাটি আর মন ভোক্তিত্তুন্ কেঅ অয়ত তমারেয়ো ভুলেইনে নেযেব।

ইফিষীয় 6:5

তুমি যিগুনে চাগর্, তুমি যেধোক্ক্যেন খ্রীষ্টর্ বাধ্য সেধোক্ক্যেন দর্ আর সর্মান লগে মনত্তুন্ তমার এ জগদর্ গিরোজ্‌চুনোর্ বাধ্য ওইয়ো।

দ্বি’লম্বর বিররণ 12:12

সিয়েনত্ তমার গোজেন লগেপ্রভুর মুজুঙোত্‌ তুমি, তমার ঝি-পূঅগুনে, তমার চাগর আর চাগরানীগুনে আর তমার আদাম্মে আর শঅরর লেবীয়গুনে যিগুনোর নিজোর বিলিনে কনঅ জাগা-জোমিন বা সোম্বোত্তি নেই তুমি বেক্কুনে ফুুত্তি গুরিবা।

দ্বি’লম্বর বিররণ 12:7

সিয়োদোই তমার গোজেন লগেপ্রভুর মুজুঙোত্‌ তুমি আর তমার পরিবারর মানুচ্চুনে হানা-দানা গুরিবাক্ আর তার আশিদ্‌বাদ মজিম পাওনা তমার কামর্‌ খেতখেত্তিলেই তুমি ফুত্তি গুরিবা।

দ্বি’লম্বর বিররণ 16:11

তমার গোজেন লগেপ্রভু নিজোরে ফগদাং গুরিবাত্তে তার থেবার জাগা ইজেবে যে জাগায়ান বেঈ নেযেব সিয়েনত তা মুজুঙোত্‌ তুমি, তমার ঝি-পূঅগুনে, তমার চাগর আর চাগরানীগুনে আর তমা ভিদিরে বজত্তি গোজ্যে লেবীয়গুনে, বিদেশী বাসিন্দাগুনে, নাঢা মান্‌জ্যর ঝি-পূঅগুনে আর রানিমিলেগুনে-তুমি বেক্কুনে ফুত্তি গুরিবা।

কলসীয় 3:22

তুমি যিগুনে চাগর্, তুমি বেক্কানি পৌইদ্যেনে তমার্ এ জগদর্ গিরোজ্‌চুনোর বাধ্য থেয়ো। যেক্কে তারা তমারে খিয়েল গরন্ বানা সেক্কে যে তারারে হুজী রাগেবাত্যে তারার্ বাধ্য থেবা সিয়েন নয়, বরং খাটি মনে প্রভু উগুরে ভোক্তি রাগেনে তারার্ বাধ্য থেয়ো।