প্রেরিত্‌ 2:42 - Chakma Bible

⁴² সেই মানুচ্চুনে দিপাধেয়্যেগুনোর শিক্ষ্যেনি শুনিদাক্, তারা সমারে এক ওইনে প্রভুর হানা লদাক্ আর তবনা গুরিনে সময় কাদেদাক্।

প্রেরিত্‌ 2:42 ပူးပေါင်းရင်းမြစ်များ

লূকে লেখ্যে গম্ হবর্ 24:30

যেক্কে তে তারা সমারে হেবাত্যে বুজিলো সেক্কে রুটি লোইনে গোজেনরে ভালেদি জানেল আর সিয়েন্ কট্টা গুরিনে তারারে দিলো।

লূকে লেখ্যে গম্ হবর্ 24:35

সে দ্বিজন্ শিচ্চ্য পধত্ যিয়েনি ওইয়্যে সিয়েনি তারারে জানেলাক্। তারা আরঅ জানেলাক্, তে যেক্কে রুটি কট্টা কট্টা গরের্ সেক্কে কিবাবোত্যেগুরি তারা তারে চিনি পাজ্জ্যন্।

প্রেরিত্‌ 1:14

তারা বেক্কুনে বিশ্বেজি মিলেগুনো সমারে আর যীশুর মা মরিয়ম আহ্ তার ভেইউনো সমারে নিত্য এগামনে তবনা গত্তাক্।

প্রেরিত্‌ 11:23

গোজেনে যে কেধোক্ক্যেন্ গুরি আন্তিয়খিয়া মানুচ্চুনোরে দোয়্যে গোজ্জ্যে বার্ণবা এইনে সিয়েন দেগিনে অমকদ হুজি অলঅ। তারা যেন বেক্ মনান্ দিইনে প্রভু ইধু বিশ্বেজি থান্ সেনত্তে তে তারার্ বেক্কুনোরে উচ্চোমি দিয়্যে ধুরিলো।

প্রেরিত্‌ 2:46

তারা পত্তিদিন উবোসনা ঘরত্ একসমারে থুবেদাক্, আর যুদো যুদো ঘরত্ হুজিয়্যে আর সরল মনে একসমারে হানা-দানা গুরিদাক্।

প্রেরিত্‌ 20:11

ইয়েনর্ পরেদি পৌলে আরঅ উগুরে তলাত্ যেইনে প্রভুর্ ভোজ্ গুরিলো আর ভালক্কন্ ধুরিনে বেন্যেমাদান্ সং কধা কনার্ পরেদি তে গেলগোই।

প্রেরিত্‌ 20:7

সাপ্তার্ পত্তম্ দিনোত্ প্রভুর্ ভোজ্ গুরিবাত্তে আমি একসমারে এগত্তর্ অলং। সেক্কে পৌলে মানুচ্চুনো ইধু ফগদাং গরা ধুরিলো। তার্ কেল্যে তার্ যেবার্ কধা এলঅ বিলি তে রেদ্ সংভাগ্ সং কধা কনাত্ থেলঅ।

প্রেরিত্‌ 4:23

সিয়েনত্তুন্ ছড়ান্ পেইনে পিতর আর যোহনে তারা নিজো মানুচ্চুনো ইধু গেলাক্ আর আজল্ ধর্মগুরুগুন আহ্ বুড়ো নেতাগুনে তারারে যিয়েনি যিয়েনি কোইয়োন বেক্কানি তারারে জানেলাক্।

প্রেরিত্‌ 4:31

যে জাগানত্ তারা এগত্তর্ ওইয়োন, তবনা গরানার্ পরেদি সে জাগায়ান গির্‌গিরে উদিলো। আর তারা বেক্কুনে পবিত্র আত্মালোই পুরেইনে সাহচ্‌ গুরিনে গোজেনর কধা কুয়ো ধুরিলাক্।

রোমীয় 12:12

তমা মুজুঙোত্ যে আজাগান্ আঘে সিয়েনত্যে ফুত্তি গরঅ। দুঘ্-কষ্টত্ ধৈজ্জ্য ধরঅ। নিত্য তবনা গরঅ।

১ করিন্হীয় 10:21

প্রভুর গলচ্চো আর ভান্ন্যেই আত্মাগুনোর গলচ্চো, এ দ্বিবে গলজত্তুন্ তুমি হেই ন-পারঅ। প্রভুর টেবিলো উগুরে আর ভান্ন্যেই আত্মাগুনোর্ টেবিলো উগুরে যিয়েনি আঘে, এই দ্বিয়েনর্ ভাগ্ তুমি লোই ন-পারঅ।

১ করিন্হীয় 11:2

মুই তমারে বাঈনী গরঙর্, কিয়া তুমি বেক্কানি পৌইদ্যেনে মঅ কধানি মনত্ গুরি থাগঅ, আর মুই তমারে যে শিক্ষ্যেনি দুয়োং সিয়েনি ধুরি রাগর্।

১ করিন্হীয় 14:6

সেনত্তে ভেইলগ্, মুই যুনি তমা ইধু এইনে বানা অন্য ভাষায় কধা কং, মাত্তর্ সিয়েনির মাধ্যমে গোজেনর্ সত্যগান ফগদাঙর্ কধা বা জ্ঞানর্ কধা বা ভাববাদী ইজেবে গোজেনর্ দিয়্যে কধা বা শিক্ষ্যের্ কধা ন-কং, সালে মুই তমারে কি উপকার গুরি পারিম্?

গালাতীয় 1:6

খ্রীষ্টর্ দোয়্যেলোই যিবে তার্ নিজোর্ মানুচ্ অবাত্যে তমারে ডাক্ক্যে, তুমি এদক যাদিমাদি তারে ইরি দিইনে অন্য বাবোত্যে গম হবর্ ইন্দি লুঙি পোজ্য দেগিনে মুই আমক্ অঙর্।

ইফিষীয় 2:20

প্রচারক আর ভাববাদীগুনে অলাক্ গড়াগান্ আর সেই গড়াগানর্ আজল্ পাত্তর্‌বো খ্রীষ্ট যীশু নিজে। সেই গড়াগান উগুরে তমারে তুল ওইয়্যে।

ইফিষীয় 6:18

পবিত্র আত্মালোই পরিচালিত ওইনে মনে-পরাণে নিত্য তবনা গরঅ। ইয়েনত্যে সজাগ্ থেইনে গোজেনর্ বেক্‌ মানুচ্চুনোত্যে আমিঝে তবনা গরানাত্ থাগঅ।

ফিলিপীয় 1:5

কিয়া যীশু খ্রীষ্ট পৌইদ্যেনে গম হবর্ প্রচারর্ কামত্ তুমি পত্তম দিনোত্তুন্ ধুরি ইক্কিনে সং মরে সাহায্য গুরি এজর্।

কলসীয় 1:23

খালিক্ ইয়েনত্যে খ্রীষ্ট পৌইদ্যেনে গম হবরানত্তুন্ যে ঘেচ্চ্যেকগুরি আজাগান তুমি পেয়ো সিয়েনত্তুন্ দূরোত্ সুরি ন-যেইনে তমার বিশ্বেজে থির্ থা পড়িবো। সেই গম হবরান সারা জগদত্ প্রচার গরা ওইয়্যে আর তুমি সিয়েন শুন্ন্য। মুই পৌল এ গম হবরানর্ প্রচারক ওইয়োং।

কলসীয় 4:2

তুমি কৃতজ্ঞ আর সজাগ্ ওইনে তবনা গুরিনে নিজোরে কামত্ রাগেয়ো;

২ তীমথিয় 3:14

মাত্তর্ তুই যিয়েনি শিক্ক্যচ্ আর ঘেচ্চ্যেক গুরি বিশ্বেজ্ গোজ্জ্যস্ সিয়েনিলোই থির্ থাগ্, কিয়া কাত্তুন্ তুই সিয়েনি শিক্ক্যচ্ সিয়েন দঅ তুই কোই পারচ্।

ইব্রীয় 10:25

কনঅ কনঅ মান্‌জ্যর যেধোক্ক্যেন অভ্যেস্ আঘে তারা ধোক্ক্যেন আমি যেন তেম্মাঙত্ এক সমারে এগত্তর্ অনা বাদ্ ন-দিই, বরং খ্রীষ্টর্ এবার দিন্নো যেদক্ কায়কুরে এবঅ সেদক্ যেন আমি একজন আরেক জনরে আরঅ উচ্চোমি দেনাত্ থেই।

ইব্রীয় 10:39

যিগুনে ফিরি যেইনে ভস্ত অন্ আমি দঅ সেই দলর নয়; যিগুনে বিশ্বেজ্ গুরিনে উদ্ধোর্ পান আমি সেই দলর্।

১ যোহন 1:3

যিবেরে আমি দেক্ক্যেই আর যিবের্ মুয়ো কধানি আমি শুন্ন্যেই তা পৌইদ্যেনে তমারে জানাঙর্। আমি সিয়েন জানের্ যেন তমার্ আর আমা ভিদিরে এক্কান উদোন্-বজন্ অয়। এই উদোন্-বজনান্ অলঅ বাবা সমারে তার্ পুয়ো যীশু খ্রীষ্ট আর আমা ভিদিরে।

১ যোহন 1:7

মাত্তর্ গোজেনে যেধোক্ক্যেন পহ্‌রত আঘে আমিয়ো যুনি সেধোক্ক্যেন পহ্‌রত চলিই সালে আমা ভিদিরে উদোন্-বজন্ থায় আর তা পুয়োবো যীশুর লো-গান্দোই বেক্ পাপ্পানিত্তুন্ আমারে সিজি গরে।

১ যোহন 2:19

খ্রীষ্টর্ এ শত্রুগুন আমা ভিদিরেত্তুন্ নিগিলি যেয়োন। মাত্তর্ তারা আমা মানুচ্‌ ন-এলাক্। যুনি তারা আমার্ অদাক্ সালে আমা সমারে থেদাক্, মাত্তর্ তারা নিগিলি যেইয়োন বিলিনে বুঝো যার্, তারা কেঅই আমার নয়।

যিহূদা 1:20

মাত্তর্ কোচ্‌পেইয়্যে সমাজ্জ্যেগুন, তুমি তমার পরম পবিত্র বিশ্বেজ উগুরে থিয়্যেইনে নিজোরে গড়েই তুলো আর পবিত্র আত্মালোই পরিচালিত ওইনে তবনা গরঅ।