প্রেরিত্‌ 2:36 - Chakma Bible

³⁶ “ইয়েনত্যে গোদা ইস্রায়েল জাদ্‌‌তো এ কধাগান ঘেচ্চ্যেকগুরি জানদোক্ যে, যিবেরে তুমি ক্রুশোত্ দুয়ো গোজেনে সেই যীশুরে প্রভু আর মশীহ এ দ্বিয়েন পোজিশনত্ নেযেয়্যে।”

প্রেরিত্‌ 2:36 ပူးပေါင်းရင်းမြစ်များ

যিরমিয় 2:4

ও যাকোবর্ বংশ, ইস্রায়েলর বেক্ গুট্টিগুন, তুমি বেক্কুনে লগেপ্রভুর কধানি শুনো।

যিরমিয় 31:31

লগেপ্রভু কোইয়্যেদে, “সময় এচ্চ্যে যেক্কে মুই ইস্রায়েল আর যিহূদার মানুচ্চুনোত্তে এক্কান নূয়ো সুদোম্ থিদেবর্ গুরিম।

যিরমিয় 33:14

লগেপ্রভু কোইয়্যেদে, “ইস্রায়েল আর যিহূদার মানুচ্চুনোরে মুই যে ভালেদির্ এগেম্ গোজ্যং সময় এজের্ যেক্কে মুই সিয়েনি পূরোণ গুরিম।

যিহিষ্কেল 34:30

সেক্কে তারা হবর্ পেবাক্, মুই তারার গোজেন লগেপ্রভু তারা লগে লগে আগং আর তারা, অত্তাৎ ইস্রায়েলীয়গুনে মর্ মানুচ্।

যিহিষ্কেল 36:22

সেনত্তে তুই ইস্রায়েলীয়গুনোরে কঅ, প্রভু লগেপ্রভু কোইয়্যেদে, ও ইস্রায়েলীয়গুন, মুই যে তমাত্তে এ কামান্ গুরিবাত্তে যাঙর্ সিয়েন নয়, মাত্তর্ মর্ সেই পবিত্র নাঙানর্ কারনে গুরিম। তুমি যিদুক্কুন জাদ ভিদিরে যেইয়ো সিদু এই নাঙান্ অপবিত্র গোজ্য।

যিহিষ্কেল 36:32

তুমি হবর্ পেবা যে, মুই তমাত্তে এ কামান গুরিবাত্তে ন-যাঙর্। ও ইস্রায়েল জাদ, তমা আচার-বেবহারত্তে তুমি লাজেবা আর সুদোমু অবা।

যিহিষ্কেল 45:6

সুদ্ধো-সাংগ চাগালাগানর্ কায়কুরে পাচ্ আজার মাবেদে কাদি পাদাজ্যে আর পোজোস্ আজার মাবেদে কাদি লাম্বা এক্কান ভাগ্ শঅরত্তে রাগা পড়িবো। সেই শঅরান পুরো ইস্রায়েল জাদত্তে থেবঅ।

সখরিয় 13:1

মুই বেগত্তুন্ খেমতাবলা লগেপ্রভু কঙর্, সেদিন্যে দায়ূদো বংশর আর যিরূশালেম আদাম্মেগুনোর পাপ আর অসিজিগান ধোই ফেলেবাত্তে এক্কো পয়নালা খুলো অবঅ। সেদিন্যে দেজত্তুন্ মূত্তিগুন দূর গুরি দিয়্যে অবঅ আর তারার্ নাঙানিয়ো আর কারঅ মনত্ ন-থেবঅ। মুই দেজত্তুন্ তারার্ ভাববাদীগুনোরে দূর্ গুরি দিম আর ভান্ন্যেই আত্মাগুনোরেয়ো দূর্ গুরি দিম।

লূকে লেখ্যে গম্ হবর্ 2:11

এইচ্চ্যে দায়ূদো শঅরত্ তমাত্তে উদ্ধোর্‌গুরিয়্যে জোর্মেয়্যে। তেয়ই মশীহ্, তেয়ই প্রভু।

প্রেরিত্‌ 5:28

“সে মানুচ্চো পৌইদ্যেনে শিক্ষ্যে ন-দিবাত্যে আমি তমারে কড়া উগুম দিয়্যেই, মাত্তর্ তুমি তমা শিক্ষ্যেলোই যিরূশালেমান্ পুরেইয়ো আর সে মানুচ্চোর্ মরণত্যে আমারে দায়ী গুরিবাত্তে চর্।”

২ করিন্হীয় 5:10

ইয়েনর্ কারণান্ অলঅ, খ্রীষ্টর বিচের-আসন মুজুঙোত্ আমা বেক্কুনোর্ বেক্কানি ফগদাং গরা অবঅ, যেন আমি বেক্কুনে এ কিয়্যেগানিত্ থাগদে যিয়েনি গোজ্জ্যেই, সিয়েনি গম ওক্‌ বা ভান্ন্যেই ওক্‌, সেই ইজেবে সিয়েনির পাওনা পেই।