প্রেরিত্‌ 2:27 - Chakma Bible

²⁷ কিত্যে তুই মরে মরণর্ জাগাত্ ফেলেই ন-থবে, তর্ ভক্তর্ কিয়্যেগানরে তুই বর্‌‌বাদ্ অবাত্তে ন-দিবে।

প্রেরিত্‌ 2:27 ပူးပေါင်းရင်းမြစ်များ

গীতসংহিতা 116:3

মরণর দুড়িত্ মুই বানা হেইয়োং, চিদেশালর পিড়ে মরে পেইয়্যে; মুই অমকদ দুঘ্ পাঙর্।

গীতসংহিতা 16:10

কিয়া তুই মরে মরণ জাগাত্ ফেলেই ন-রাগেবে, তর্ ভক্তবোর্ কিয়্যেগানরে তুই বর্‌বাদ্ অবাত্তে ন-দিবে।

গীতসংহিতা 49:15

মাত্তর্ মরণর জাগাত্তুন্ গোজেনে উদ্ধোরর দাম দিইনে আমারে উদ্ধোর গুরি নেযেব; তে আমারে তার নিজো ইদু হামাক্কাই নেযেব।

গীতসংহিতা 86:13

মঅ উগুরে তর্ অমকদ কোচ্‌পানার শেজ্ নেই; মরণর বেগত্তুন্ তলে জাগানত্তুন্ তুই মঅ পরাণান রোক্ষ্যে গোজ্যস্।

গীতসংহিতা 89:19

একপল্লা তুই দর্শন দিইনে তর্ ভক্তগুনোরে কোইয়োচ্, মুই এক্কো বীরোরে সাহায্য গোজ্যং; মানুচ্চুনো ভিদিরেত্তুন একজনরে বেঈ নেযেইনে অজলত্ তুল্যং।

যোনা 2:6

মুই ডুবিনে মুড়োবো গড়াগান সং গেলুং; মরণ জাগায়ানে উমরত্তে মরে আক্‌‌‌‌সোই রাগেল। মাত্তর্ ও মর্ গোজেন লগেপ্রভু, তুই সিয়েনত্তুন্ মরে তুলি আনিলে।

মথি লেখ্যে গম্ হবর্ 11:23

আর তুই কফরনাহূম! তুই নাকি স্বর্গয়ান সং অজলত্ উদিবে? কনদিন্অ নয়, তরে তলেদি নরগত্ ফেলেই দিয়্যে অবঅ। যেদক্কানি আমক্ অবার্ কাম্ তঅ ভিদিরে গরা ওইয়্যে সিয়েনি যুনি সদোম শঅরত্ গরা অদঅ সালে সদোমান্ এজঅ ঠিগি থেদঅ।

মার্ক 1:24

তে রঅ ছাড়িনে কলঅ, “ও নাসরতর্ যীশু, আমা লগে তর্ কি দরকার্? তুই কি আমারে সর্বনাশ্ গুরিবাত্তে এচ্চোস্? মুই হবর্ পাং তুই কন্না; তুই দঅ গোজেনর্ সেই পবিত্র মানুচ্চো।”

লূকে লেখ্যে গম্ হবর্ 1:35

স্বর্গদূত্তো কলঅ, “পবিত্র আত্মা তঅ উগুরে এবঅ আর দাঙর্ গোজেন ছাবা তঅ উগুরে পুড়িবো। ইয়েনত্তে যে পবিত্র পুয়োবো জোর্মেব তারে গোজেনর্ পুয়ো কুয়ো অবঅ।

লূকে লেখ্যে গম্ হবর্ 16:23

মরণ জাগাত্ অমকদ যন্ত্রণাত্ থেইনে তে উগুরেদি রিনি চেলঅ আর দূরোত্তুন্ অব্রাহাম আহ্ তা কুরে লাসাররে দেগিলো ।

লূকে লেখ্যে গম্ হবর্ 24:44

সিয়েন পরেদি তে তারারে কলঅ, “মুই যেক্কে তমা সমারে এলুং সেক্কে কোইয়োং, মোশির আইন-কানুনোত্, ভাববাদীগুনোর লেগাত্ আর গীতসংহিতা ভিদিরে মঅ পৌইদ্যেনে যে যে কধানি লেগা আঘে সিয়েনি বেক্কানি পূরোণ্ উয়ো পুরিবো।”

লূকে লেখ্যে গম্ হবর্ 4:34

“ও নাসরত্ আদামর্ যীশু, আমা লগে তর্ কি দরকার্? তুই কি আমারে ভস্ত গুরিবাত্তে এচ্চ্যস্? মুই হবর্ পাং তুই কন্না; তুয়ই দঅ গোজেনর সেই পবিত্র মানুচ্চো।”

যোহন 11:39

যীশু কলঅ, “পাত্তর্‌বো সরঅ।” যে মুরি যেয়্যে তা বোন মার্থা যীশুরে কলঅ, “প্রভু, ইক্কিনে পচাবাচ্‌ ওইয়্যে, কিয়া চের্ দিন অলঅ তে মুরি যেয়্যে।”

প্রেরিত্‌ 2:26

ইয়েনত্যে মঅ মনান্ হুজিয়্যে ভরা, মঅ জিলানে হুজির্ কধা কয়, মঅ কিয়্যেগান্অ আজা নিইনে বাঁজিবো;

প্রেরিত্‌ 2:28

জিংকানির পথ্‌‌তান্ তুই মরে জানেয়োচ্; তইধু থানা মানে হুজিয়্যে ভরা।

প্রেরিত্‌ 2:31

পরেদি কি অবঅ সিয়েন দায়ুদে দেক্ক্যে বিলি মরণত্তুন্ মশীহর্ আরঅ জেদা ওই উদোনা পৌইদ্যেনে কোইয়্যে, গোরত্ মশীহরে থুয়ো ন-অয় আর তার্ কিয়্যেগান্অ বর্‌বাদ ন-অয়।

প্রেরিত্‌ 3:14

তুমি সেই পবিত্র আর ন্যায়বলা মানুচ্চোরে অস্বীগের্ গুরিনে এক্কো খুনীরে তমা ইধু ইরি দিবাত্তে কোইয়ো।

প্রেরিত্‌ 4:27

“তর্ পবিত্র চাগর্ যীশু, যিবেরে তুই মশীহ ইজেবে বেঈ লোইয়োচ্, রাজা হেরোদ আর পন্তীয় পীলাতে এ শঅরত্ তা বিরুদ্ধে অযিহূদীগুনো সমারে আর ইস্রায়েলীগুনো সমারে ঘেচ্চ্যেক্ গুরি আঢ্ মিলেয়োন।

১ করিন্হীয় 15:52

এক মুহুত্তো ভিদিরে, চোগ তেবদত্, শেষ সময়োর্ তূরীর্ আবাজ সমারে সমারে আমি বেক্কুনে বুদুলি যেবং। সেই তূরীবো যেক্কে বাঁজিবো সেক্কে মরাগুনে এমন্‌ অবস্থায় জেদা ওইনে উদিবাক্ যে, তারা আর কনদিন্অ বর্‌বাদ ন-অবাক্; আর আমিয়ো বুদুলি যেবং।

১ করিন্হীয় 15:55

“মরণান্, তর্ জিদেনা কুদু? মরণান্, তর্ কামাড়ানাগান্ কুদু?”

১ যোহন 2:20

মাত্তর্ তুমি সেই পবিত্র মানুচ্চোত্তুন্ অভিষেক্ পেইয়ো, অত্তাৎ পবিত্র আত্মাগানরে পেইয়ো আর তুমি বেক্কুনে সত্যগান হবর্ পেইয়ো।

ফগদাং পেইয়্যে 1:18

মুয়ই উমরত্যে জেদা। মুই মোজ্জ্যং আর চঅ, ইক্কিনে মুই যুগ যুগ ধুরিনে উমরত্যে জেদা আঘং। মইধু মরণান্ আর মরণ জাগার চাবি আঘে।

ফগদাং পেইয়্যে 20:13

যিদুক্কুন মরা মানুচ্ সাগরত্ এলাক্, সাগরানে তারারে তুলি দিলো। ইয়েন বাদে মরণ আর চিদাখলাত্ যিদুক্কুন মরা মানুচ্ এলাক্, মরণ আর চিদাখলাগানিয়ে তারারে ফিরেই দিলো। পত্তিজনরে তার্ কাম মজিম বিচের্ গরা অলঅ।

ফগদাং পেইয়্যে 3:7

ফিলাদিল্‌ফিয়া শঅরর্ মন্ডলী দূত্‌তো ইধু এ কধাগান লেগ- যিবে পবিত্র আর সত্য, যাইধু দায়ূদোর চাবি আঘে, যিবে খুলিলে কেঅ বানি ন-পারে আর বানিলে কেঅ খুলি ন-পারে,