প্রেরিত্‌ 2:24 - Chakma Bible

²⁴ মাত্তর্ গোজেনে মরণ যন্ত্রণাত্তুন্ উদ্ধোর্ গুরিনে তারে জেদা গুরি তুল্ল্যে, কিয়া তারে ধুরি থবার্ সাধ্য মরণানর্ ন-এলঅ।

প্রেরিত্‌ 2:24 ပူးပေါင်းရင်းမြစ်များ

গীতসংহিতা 116:16

ও লগেপ্রভু, ঘেচ্চেক্‌গুরি মুই তঅ চাগর্, তর্ চাগর, তঅ চাগরানিবোর পুয়ো; তুয়ই মর্ বান্যেগান খুলি দুয়োচ্।

যিশাইয় 10:7

মাত্তর্ আসিরিয়ার উদ্দেশ্য সিয়েন নয়, তা পরিকল্পানাগান অন্য বাবোত্যে; তা উদ্দেশ্যগান্ ভস্ত গরানা আর ভালোক্ জাদরে শেজ্ গুরি দেনা।

যিশাইয় 25:8

মরণানরে তে উমরত্তে ভস্ত গুরিবো। প্রভু লগেপ্রভু বেক্কুনোর চোগো পানিগান পুজি দিবো আর বেক্ পিত্‌থিমীগানত্তুন্ তা মানুচ্চুনোর অসর্মানান্ দূর গুরিবো। লগেপ্রভু এ কধাগান কোইয়্যেদে।

যিশাইয় 26:19

মাত্তর্ তঅ মরা মানুচ্চুনে বাঁজিবাক্; তারার্ কিয়্যেনি জেদা অবঅ। তুমি যিগুনে ধূল্যেত্ বজত্তি গরর্, তুমি জাগি উদো আর হুজিয়ে রঅ ছাড়। বেন্যে শিরো পানিয়ে যেধোক্ক্যেন্ পিত্‌থিমীগানরে পোত্‌পোত্যে গরে সেধোক্ক্যেন্ গুরি তুই মরাগুনোরে জিংকানি দিবে।

যিশাইয় 53:10

আজলে লগেপ্রভু তার আওজ্ মজিম তারে চুর্‌‌মার্ গোজ্যে আর তারে দুঘ্ গরা বাজেই দিয়্যে। লগেপ্রভুর চাগর্‌বো যেক্কে তা পরাণানরে দুষোর্- উৎসর্ব ইজেবে দিবো ‌‌‌‍‍ সেক্কে তে তা পুয়োগুনোরে দেগিবো আর তা আয়ুগান বাড়েব; তা মাধ্যমে লগেপ্রভুর আওজ্‌চান পূরোণ অবঅ।‌‌‌‍‍‍

হোশেয় 13:14

“মরণ জাগানর্ খেমতাত্তুন্ মুই মূল্য দিইনে তারে ছাড়েই আনিম। মরণত্তুন্ মুই তারে উদ্ধোর্ গুরিম। ও মরণান্, মর্ ভানাগানি বেক্কানি কুত্তুন্? ও মরণ জাগায়ান, কুদু তর্ ভস্ত? মুই কনঅ মেয়্যে ন-গুরিম। ‌ ‌

মথি লেখ্যে গম্ হবর্ 27:63

“বাবু, আমাত্তুন্ ইদোত্ উদের্, সেই ঠোগেয়্যেবো বাঁজি থাগদে কোইয়্যেদে, ‘মুই তিন্ দিন পরেদি জেদা ওই উদিম্।’

যোহন 10:18

কনজনে মঅ পরাণান্ মত্তুন্ লোই ন-যেবাক্, মাত্তর্ মুই নিজেই সিয়েন্ দিম। পরাণান্ দিবার্‌অ খেমতা মর্ আঘে। আরঅ পরাণান্ ফিরেই নেযেবার্ খেমতায়ো মর্ আঘে। এ কামান্ মুই মঅ বাবত্তুন্ পেইয়োং।”

যোহন 10:35

গোজেন কধা যিগুনো ইধু এচ্চ্যে সিগুনোরে দঅ তে গোজেন ধোক্ক্যেন্ কোইয়্যে। পবিত্র বোইবোর্ কধানি কি বাদ্ দিয়্যে যায়? ন-পারে।

যোহন 12:39

সেই মানুচ্চুনে ইয়েনত্যে বিশ্বেজ্ গুরি ন-পারন্, কিয়া যিশাইয় যেবাবোত্যেগুরি কোইয়্যে সেবাবোত্যেগুরি

যোহন 20:9

মরণত্তুন্ যীশুর জেদা ওই উদিবার্ যে দরকার্ আঘে, পবিত্র বোইবোর্ সে কধাগান্ তারা আগেদি বুঝি ন-পারন্।

প্রেরিত্‌ 1:16

“ভেইলগ্, পবিত্র আত্মা ভালোক্ দিন আগে রাজা দাযূদো মুয়োদি যিহূদা পৌইদ্যেনে যিয়েন কোইয়্যে পবিত্র বোইবোর সেই কধাগান পুরেবার্ দরকার এলঅ। যিগুনে যীশুরে ধোজ্যন্, এ যিহূদা তারারে পধ্ দেগেইনে নেযেয়্যে।

প্রেরিত্‌ 13:30

মাত্তর্ গোজেনে মরণত্তুন্ তারে জেদা গুরি তুল্ল্যে।

প্রেরিত্‌ 13:37

মাত্তর্ গোজেনে যিবেরে মরণত্তুন্ জেদা গোজ্জ্যে তা কিয়্যেগান বর্‌‌বাদ ন-অয়।

প্রেরিত্‌ 17:31

কিয়া তে এমন্‌ এক্কো দিন ঠিগ্ গোজ্যে যেদিন্ন্যে তার্ বেঈ লোইয়্যে মানুচ্চোলোই তে গমেডালে মান্‌জ্যর্ বিচের্ গুরিবো। তে সেই মানুচ্চোরে মরণত্তুন্ জেদা গুরি তুলিনে বেক্ মানুচ্চুনো ইধু ইয়েনর্ প্রমাণ্ দিয়্যে।

প্রেরিত্‌ 2:32

গোজেনে সেই যীশুরে জেদা গোজ্যে, আর আমি বেক্কুনে সিয়েনর সাক্ষী।

প্রেরিত্‌ 3:15

যিবে জিংকানি দিয়্যে তারে তুমি মারে ফেল্ল্য, মাত্তর্ গোজেনে মরণত্তুন্ তারে জেদা গুরি তুল্ল্যে; আর আমি সিয়েনর্ সাক্ষী।

প্রেরিত্‌ 3:26

তমা পত্তিজনরে ভান্ন্যেই পধত্তুন্ ফিরেইনে বর্ দিবাত্তে গোজেনে তা চাগর্ যীশুরে ঠিগ্ গুরিনে পত্তমে তমা ইধু পাধেয়্যে।”

প্রেরিত্‌ 4:10

সালে তুমি আর বেক্‌ ইস্রায়েলীগুন এ কধাগান ইদোত্ রাগঅ, নাসরতর সেই যীশু খ্রীষ্ট, যিবেরে তুমি ক্রুশোত্ দুয়ো আর যিবেরে গোজেনে মরণত্তুন্ জেদা গুরি তুল্ল্যে, তা বল্লোই এ মানুচ্চো পুরোপুরি গম্ ওইনে তমা মুজুঙোত্ থিয়্যেই আঘে।

প্রেরিত্‌ 5:30

যিবেরে তুমি ক্রুশোত্ টাঙেইনে মারে ফেল্ল্য আমা পূরোণি মানুচ্চুনোর গোজেন সেই যীশুরে মরণত্তুন্ জেদা গুরি তুল্ল্যে।

রোমীয় 10:9

সেই কধাগান্ অলঅ, যুনি তুই যীশুরে প্রভু বিলিনে মুুয়োদি স্বিগের্ গরচ্ আর মনেদি বিশ্বেজ্ গরচ্ যে, গোজেনে তারে মরণত্তুন্ জেদা গোজ্জ্যে সালেই তুই পাপত্তুন্ উদ্ধোর্ পেবে;

রোমীয় 14:9

যীশু খ্রীষ্ট মোজ্জ্যে আরঅ জেদায়ো ওইয়্যে যেন তে জেদা আর মরা দুনোবোর্ প্রভু ওই পারে।

রোমীয় 4:24

আমারেয়ো তাক্ গুরিনে লেগা ওইয়্যে। আমা বিশ্বেজত্তে গোজেনে আমারেয়ো নিদ্দুজি বিলি ধুরিবো, কারন যিবে আমা প্রভু যীশুরে মরণত্তুন্ জেদা গোজ্জ্যে আমি তা উগুরে বিশ্বেজ্ গুরিই।

রোমীয় 6:4

আর সেনত্তে সেই বাপ্তিস্মর্ মাধ্যমে খ্রীষ্ট সমারে মুরিনেই আমার্ গোর্-অ ওইয়্যে, যেন বাবা গোজেনে তার্ খেমতালোই যেবাবোত্যেগুরি খ্রীষ্টরে মরণত্তুন্ জেদা গোজ্জ্যে সেবাবোত্যেগুরি আমিয়ো যেন নুয়ো জিংকানির্ পধেদি আঢি পারিই।

রোমীয় 8:11

যে যীশুরে মরণত্তুন্ জেদা গোজ্জ্যে সেই গোজেনর্ আত্মাগান্ যুনি তমা মনত্ বজত্তি গরে, সালে গোজেনে তার্ সেই আত্মাগান্দোই তমা মরণর্ তলে কিয়্যেগানরেয়ো জিংকানি দান গুরিবো।

রোমীয় 8:34

কন্না তারারে দুষি বিলিনে ঠিগ্ গুরিবো? যিবে মুরি যেয়্যে আর যিবেরে মরণত্তুন্ জেদা গরায়ো ওইয়্যে সেই খ্রীষ্ট যীশু ইক্কিনে গোজেনর্ ডেন্ ঢাগদি আঘে আর আমাত্যে কোজোলী গরের্।

১ করিন্হীয় 15:12

মাত্তর্ যুনি প্রচার গরা অয় যে, খ্রীষ্টরে মরণত্তুন্ জেদা গরা ওইয়্যে সালে তমাত্তুন্ কেঅ কেঅ কেধোক্ক্যেন গুরি কদন্ যে, মরাগুনোর্ জেঈ উদোনা বিলিনে কিচ্চু নেই?

১ করিন্হীয় 15:15

ইয়েনি বাদে এ কধাগান্ প্রমাণ অত্তে যে, গোজেন পৌইদ্যেনে আমি মিজে সাক্ষ্য দির্, কিয়া আমা সাক্ষ্যগান ইয়েন, গোজেনে খ্রীষ্টরে মরণত্তুন্ জেদা গুরি তুল্ল্যে। মাত্তর্ যুনি মরাগুনোরে জেদা গুরি তুলো ন-অয় সালে তে খ্রীষ্টরেয়ো জেদা গুরি ন-তুলে,

১ করিন্হীয় 15:20

মাত্তর্ খ্রীষ্টরে ঘেচ্চ্যেকগুরি মরণত্তুন্ জেদা গুরি তুলো ওইয়্যে। তে পত্তম ফল, অত্তাৎ মরণত্তুন্ যিগুনোরে জেদা গরা অবঅ তারা ভিদিরে তেয়ই পত্তমে জেদা ওইয়্যে।

১ করিন্হীয় 15:4

তারে গোর্ দিয়্যে ওইয়্যে, পবিত্র বোইবোর্ কধা মজিম তিন দিনোত্ তারে মরাত্তুন্ জেদা গরা ওইয়্যে,

১ করিন্হীয় 6:14

গোজেনে তা খেমতালোই যীশুরে মরণত্তুন্ জেদা গোজ্জ্যে আর তে আমারেয়ো জেদা গুরিবো।

২ করিন্হীয় 4:14

কিয়া আমি কোই পারিই, যিবে প্রভু যীশুরে জেদা গোজ্জ্যে তে তা সমারে আমারেয়ো জেদা গুরিবো আর তমা সমারে আমারেয়ো নিজো মুজুঙোত্ আঝির্ গুরিবো।

গালাতীয় 1:1

মুই পৌল খ্রীষ্টর্ এক্কো প্রচারক। এ প্রচারক-পদ্‌তান কনঅ মান্‌জ্যত্তুন্ বা কনঅ মান্‌জ্যর্ ভিদিরেত্তুন্ মুই ন-পাং, বরং যীশু খ্রীষ্ট আর বাবা গোজেন, যিবে খ্রীষ্টরে মরণত্তুন্ জেদা গুরিনে তুল্ল্যে, তারার্ মাধ্যমে মুই সিয়েন পেয়োং।

ইফিষীয় 1:20

যিয়েনর মাধ্যমে তে মরণত্তুন্ খ্রীষ্টরে জেদা গুরি তুল্ল্যে আর র্স্বগত্ তার ডেনেদি বোজেয়্যে।

কলসীয় 2:12

বাপ্তিস্মর্ মাধ্যমে খ্রীষ্টর্ লগে তমার কবর্ ওইয়্যে; বানা সিয়েন নয়, যিবে মরণত্তুন্ খ্রীষ্টরে জেদা গুরি তুল্ল্যে সেই গোজেনর্ খেমতা উগুরে বিশ্বেজর্ মাধ্যমে তমারে খ্রীষ্টর্ লগে জেদা গুরি তুলো ওইয়্যে।

১ থিষলনীকীয় 1:10

আর স্বর্গত্তুন তা পুয়োবো এযানা পৌইদ্যেনে বাজ্জেই থেই পারঅ। সেই পুয়োবো অলঅ যীশু, যিবেরে তে মরণত্তুন্ জেদা গুরি তুল্ল্যে। গোজেনর্ যে সাজাগান লামি এজের্ সেই সাজাত্তুন্ এই যীশু আমারে রোক্ষ্যে গুরিবো।

ইব্রীয় 13:20

যে লো-গান্দোই শান্তি দিয়্যে গোজেনর্ উমর বেবস্থাগান অদে অদে ওইয়্যে সিয়েন্দোই গোজেনে আমা প্রভু যীশু খ্রীষ্টরে, অত্তাৎ ভেড়াগুনোর্ সেই দাঙর্ পালক্‌‌কোরে মরণত্তুন্ জেদা গুরি তুল্যে।

ইব্রীয় 2:14

সেই পুয়োগুনে অলাক্ লো-য়েরাবলা মানুচ্‌। সেনত্যে যীশু নিজেয়ো লো-য়েরাবলা মানুচ্‌ অলঅ, যেনে মরণর খেমতাগান যিবে আঢত্ আঘে সেই শদানরে তে নিজোর মরণানরে দিইনে বল্‌‌পোজ্যে গরে,

১ পিতর 1:21

গোজেনে তারে মরণত্তুন্ জেদা গুরি তুলিনে মহিমা দান গোজ্জ্যে আর তা মাধ্যমে তুমি গোজেন উগুরে বিশ্বেজ্ গোজ্জ্য; আর সেনত্যে তমার্ বিশ্বেজ্ আর আজা গোজেন উগুরে আঘে।

ফগদাং পেইয়্যে 1:18

মুয়ই উমরত্যে জেদা। মুই মোজ্জ্যং আর চঅ, ইক্কিনে মুই যুগ যুগ ধুরিনে উমরত্যে জেদা আঘং। মইধু মরণান্ আর মরণ জাগার চাবি আঘে।