প্রেরিত্‌ 2:20 - Chakma Bible

²⁰ প্রভুর সেই মহৎ আর মহিমাভরা দিন এবার্ আগেদি বেলান্ আন্ধার্ ওই যেবঅ আর চানান্ লো ধোক্ক্যেন্ অবঅ।

প্রেরিত্‌ 2:20 ပူးပေါင်းရင်းမြစ်များ

যিশাইয় 13:10

সেক্কে আগাজত্ তারা আর নক্ষত্রগুনে পহ্‌র ন-দিবাক্; বেলান্ উদিবার অক্তত্অ আন্ধার থেবঅ আর চানানেয়ো পহ্‌র ন-দিবো।

যিশাইয় 13:15

যিগুনোরে পাহ্ যেবঅ তারারে আত্যের্‌লোই গুলি গরা অবঅ; যিগুনোরে ধরা অবঅ তারা তলোয়ার্‌লোই মারা পড়িবাক্।

যিশাইয় 13:9

চঅ, লগেপ্রভুর্ দিন্নো এজের্। সিবে চিৎনপুজ্যে, অমকদ রাগ্ আর জোল্‌জোল্যে অহুজিলোই এজের্; পিত্‌‌থিমীগানরে ভস্তর্ জাগা বানেবাত্তে আর তা ভিদিরে পাপীগুনোরে শেজ্ গুরিবাত্তে এজের্।

যিশাইয় 24:23

চানানে আমক্ অবঅ আর বেলানে লাজেব, কিত্তে বেগত্তুন্ খেমতাবলা লগেপ্রভু সিয়োন মুড়োবোত্ আর যিরূশালেমত্ রাজাগিরি গুরিবো, আর তার বুড়ো নেতাগুনে তার মহিমাগান দেগিবাক্।

যিশাইয় 34:8

ইয়েনি অবঅ, কিত্তে হেনা সুজিবার্ লগেপ্রভুর এক্কো দিন আঘে, সিয়োনর্ পক্ক ওইনে সাজা দিবার্ এক্কো সময় আঘে।

যিরমিয় 4:23

মুই পিত্‌‌‍থিমীগান ইন্দি রিনি চেলুং; সিয়েন মাজারায়ো নেই আর খালি; আগাজ ইন্দি রিনি চেলুং, সিয়েনত্ পহ্‌র নেই।‌‍

যোয়েল 2:1

তুমি সিয়োনত্ তূরী বাজঅ, বাজঅ দযার্-সংকেত মঅ সুদ্ধো-সাংগ মুড়োবোত্। দেজত্ বজত্তি গুরিয়্যে বেক্কুনে গির্‌গিরাদোক্, কিত্যে লগেপ্রভুর্ দিন্নো এজের্; সেদিন্নো কায়কুরে লুম্মেগি।

যোয়েল 2:31

লগেপ্রভুর সেই মহৎ আর দর্‌‌গরেপারা দিনুন এবার্ আগেদি বেলান্ আন্ধার্ ওই যেবঅ আর চানান্ লো ধোক্ক্যেন অবঅ।

যোয়েল 3:14

সাজা দিবার কলগ্‌কানত্ বোউত্ মান্‌‌‌জ্য ভিড়্, বোউত্ মান্‌জ্যর ভিড়্,‌‌ কিত্যে সাজা দিবার কলগ্‌কানত্ লগেপ্রভুর দিনুন্ কায়কুরে লুম্মেগি।

আমোষ 8:9

প্রভু লগেপ্রভু কত্তে, “সেদিন্যে দিবুজ্যে অক্তত্ মুই বেলানরে ঢুবেই দিম আর দিনোত্ পিত্‌থিমীগানরে আন্ধার্ গুরি দিম‌‌‌‌‌‌।

মালাখি 4:5

“চঅ, লগেপ্রভুর সেই মহৎ আর দর্‌গরেপারা দিন্নো এবার্ আগেদি মুই লগেপ্রভু তমা ইধু ভাববাদী এলিয়রে পাধেই দিম।

মথি লেখ্যে গম্ হবর্ 24:29

সেই সময়োত্ দুঘোর্ ঠিগ্ পরেদি বেলান্ আন্ধার্ ওই যেবঅ, চানানে আর পহর্ ন-দিবো, তারাগুন্ আগাজত্তুন্ খুয়োই পড়িবাক্ আর চানান্-বেলান্-তারাগুন্ আর থির্ ন-থেবাক্।

মথি লেখ্যে গম্ হবর্ 27:45

সেদিন্ন্যে দিবুজ্যে বারটাত্তুন্ ধুরি বেল্যেমাদান্ তিন ঘন্টা সং গোদা দেজ্‌চান আন্ধারে ঢাক্যে এলঅ।

মার্ক 13:24

সেই সময়োত্ দুঘোর্ ঠিগ্ পরেদি বেলান্ আন্ধার্ ওই যেবঅ, চানানে আর পহর্ ন-দিবো,

লূকে লেখ্যে গম্ হবর্ 21:25

“সেক্কে বেলান্, চানান্ আর তারাগুনো ইধু বোউত্ চিহ্নো দেগা যেবঅ। পিত্‌থীমিত্ বেক জাদ্‌তুনে দুঘ্ পেবাক্ আর দোজ্যে সাগরর্ গুজুরোনি আর তুবোলত্তে তারা অমকদ থির্ নেইয়্যে অবাক্।

প্রেরিত্‌ 2:19

মুই উগুরে আগাজত্ আমক্ আমক্ ঘটনা দেগেম্, আর তলেদি পিত্‌থিমীত নানান্ বাবোত্যে চিহ্নো দেগেম্, অত্তাৎ লো, আগুন আর বোউত্ ধূমো দেগেম্।

প্রেরিত্‌ 2:21

রোক্ষ্যে পেবাত্তে যে কনজনে প্রভুরে ডাগিবো তে রোক্ষ্যে পেবঅ।

১ করিন্হীয় 5:5

সেক্কে সেই মানুচ্চোরে শদান আঢত্ দি দিয়্যে পরিবো, যেন তা কিয়্যেগান ভস্ত অয় মাত্তর্ আত্মাগান প্রভু যীশুর্ এবার্ দিনোত্ উদ্ধোর্ পায়।

২ পিতর 3:10

মাত্তর্ প্রভুর দিন্নো চুরো ধোক্ক্যেন গুরি এবঅ। সেই দিন্নো দাঙর্ আগাজ্‌চান হু হু রঅ গুরিনে শেজ্ ওই যেবঅ আর চানান-বেলান্-তারাগুন বেক্কুন পুড়িনে ভস্ত ওই যেবাক্। পিত্‌থিমীগান আর সিয়েন ভিদিরে যিয়েনি আঘে সিয়েনি বেক্কানি পুড়ি যেবঅ।

২ পিতর 3:7

আর গোজেনর্ সেই একই কধালোই ইক্কিনে আগাজ্‌চান আর পিত্‌থিমীগান আগুনোত্ পুড়ি দিবাত্যে থুয়ো ওইয়্যে; গোজেন উগুরে ভোক্তি নেইয়্যে মানুচ্চুনোর বিচের আর ভস্তর্ দিন্নো সং সিয়েন রোক্ষ্যে গরা অর্।

ফগদাং পেইয়্যে 16:8

চের-লম্বর স্বর্গদূত্‌তো বেলান উগুরে তা কদরাবো উবোত্ গুরিলো। সেক্কে মানুচ্চুনোরে আগুনদোই পুড়ি ফেলেবাত্যে বেলানরে খেমতা দিয়্যে অলঅ।

ফগদাং পেইয়্যে 6:12

সে পরেদি মুই দেগিলুং, তে যেক্কে ছ'লম্বর সীলমহ্‌রবো ভাঙিলো সেক্কে ভারী ভূজোল্ বেলঅ। বেলান্ এক্কুবারে কালা ওই গেলঅ আর গোদা চানান্ লো ধোক্ক্যেন রাঙা ওই উদিলো।