প্রেরিত্‌ 2:17 - Chakma Bible

¹⁷ শেচ্‌ কালত বেক্‌ মানুচ্চুনো উগুরে মুই মঅ আত্মাগান ঢালি দিম্; সেক্কে তমা পুয়োগুনে আর ঝিগুনে ভাববাদী ইজেবে গোজেন কধা কবাক্, তমা গাবুজ্যেগুনে দর্শন পেবাক্, তমা বুড়ো মানুচ্চুনে স্ববন্ দেগিবাক্।

প্রেরিত্‌ 2:17 ပူးပေါင်းရင်းမြစ်များ

পত্থম 49:1

পরেদি যাকোবে তা পুয়োগুনোরে ডাগিনে কলঅ, তুমি বেক্কুনে মঅ কায়-কুরে এজঅ। আগাম্ তমা জীংকানিত্‌ যিয়েনি ঘুদিবো সিয়েনি মুই তমারে কোই দোঙর্‌।

পত্থম 6:12

গোজেনে পিত্‌থীমিয়ান ইন্দি রিনি চেইনে দেগিলোদে, সিয়েন পজাবাজ্ ওই যেইয়্যে, কিত্তে দুনিয়ের মানুচ্চুনো খাচ্চ্যদত্‌ পচা ধোজ্যে।

গীতসংহিতা 65:2

ও তবনাগানি মানি লোইয়্যেবো, তইদু বেক্ মানুচ্চুন এজন্।

গীতসংহিতা 72:6

ঘাস কাবি নেযেয়্যে ভূইয়ো উগুরে ঝড় পড়িলে যেধোক্ক্যেন অয় তে যেন সেধোক্ক্যেন অয়; তে যেন মাদি ভিস্যে ঝড়নাল ধোক্ক্যেন অয়।

গম্ উপদেজ্ 1:23

মর্ শাজন কধালোই যুনি তুমি শুনিদা, সালে মঅ আত্মাগান মুই তমা উগুরে ঢালি দিদুং, মঅ মনঅ কধানি তমারে জানেদুং।

যিশাইয় 2:2

শেজ্‌কালত্ বেক মুড়োমুড়িগুনো ভিদিরেত্তুন্ সেই মুড়োবোরে বেগত্তুন্ অজলত্ তুলো অবঅ যিয়েনত্ লগেপ্রভুর্ ঘর্ আঘে। চিগোন চিগোন মুড়োগুনোত্তুন্ সিবেরে অজলত্ তুলো অবঅ, আর বেক্ জাদ্‌তুনে পানি গঙার ধোক্ক্যেন তান্দি যেবাক্।

যিশাইয় 40:5

সেক্কে লগেপ্রভুর্ বাঈনী ফগদাং গরা অবঅ, আর বেক মানুচ্চুনে সিয়েনি এক সমারে দেগিবাক্; লগেপ্রভু এ কধানি কোইয়্যে।”

যিশাইয় 44:3

কিত্তে মুই মাদি ফাদি যেইয়্যে ভূইয়ো উগুরে পানি ঢালিম আর শুগুনো জাগা উগুরেদি পানি গঙার্ বুয়োই দিম। মুই তঅ পুয়ো-ছাগুনো উগুরে মঅ আত্মাগান ঢালি দিম আর তঅ বংশর মানুচ্চুনোরে বর্ দিম।

যিশাইয় 49:26

তঅ উগুরে যিগুনে অত্যেচার গরন্ মুই তারার য়েরানি তারারে হাবেম্; তারা মদ ধোক্ক্যেন গুরি নিজো লো-গান হেইনে মাত্তল্ অবাক্। সেক্কে বেক্ মানুচ্চুনে হবর্ পেবাক্, মুই লগেপ্রভু তর্ উদ্ধোরগুরিয়্যে, তর্ মুক্তিদিয়্যে, যাকোবর্ সেই খেমতাবলা মানুচ্চো।”

যিশাইয় 66:23

পত্তি আঙোচ্চ্যেত্ আর পত্তি জিরেবার দিনোত্ বেক মানুচ্চুনে মঅ মুজুঙোত্ এইনে মরে তবনা গুরিবাক্।

যিহিষ্কেল 11:19

মুই তারারে এমন মন দিম্ যিয়েন বানা মইন্দি আসক্ত থেবঅ, আর মুই তারা ভিদিরে নূয়ো আত্মা দিম; মুই তারার্ চিৎনপুজ্যে মনান্ সোরেইনে নরম মনানি দিম।

যিহিষ্কেল 39:29

তারা ইত্তুন্ মুই মর্ মুয়োন আর্ ফিরেই ন-রাগেম, কিত্যে ইস্রায়েলীয়গুনো উগুরে মুই মর্ আত্মাগান ঢালি দিম। মুই প্রভু লগেপ্রভু এ কধাগান কঙর্।”

দানিয়েল 10:14

আগামিদি তঅ মানুচ্চুনো উগুরে যিয়েনি ঘুদিবো সিয়েনি তরে বুঝিবাত্তে মুই ইক্কিনে তইদু এচ্চ্যং, কিত্যে দর্শনর ভিদিরেদি যে সময়র্ কধা কুয়ো ওইয়্যে সিয়েনি এজঅ ন-এজে।”

হোশেয় 3:5

সে পরেদি তারা তারার্ গোজেন লগেপ্রভুর আর তারার্ রাজা দায়ূদো ইন্দি ফিরিবাক্। শেষ্‌‌‌‌‌‌‌‌‌‌কালত্ তারা লগেপ্রভুর বর্ পেবাত্তে দোরেই দোরেই তাইদু এবাক্।

মীখা 4:1

শেজ্‌কালত্ বেক মুড়োমুড়িগুনো ভিদিরেত্তুন্ সেই মুড়োবোরে বেগত্তুন্ অজলত্ তুলো অবঅ যিয়েনত্ লগেপ্রভুর্ ঘর্ আঘে। চিগোন চিগোন মুড়োগুনোত্তুন্ সিবেরে অজলত্ তুলো অবঅ, আর বেক্ জাদ্‌তুনে পানি গঙার ধোক্ক্যেন তান্দি যেবাক্। ‌‌‌

সখরিয় 12:10

মুই দায়ূদো বংশ আর যিরূশালেম আদাম্মেগুনো উগুরে মঅ আত্মাগান ঢালি দিম; তে দোয়্যে গরে আর তবনার্ মনোভাব দে। সেক্কে তারা মইন্দি, অত্তাৎ যিবেরে তারা মাজ্যন্ তাইন্দি রিনি চেবাক্। বানা এক্কো পুয়োবোত্তে আবিলেচ্ গরেদে ধোক্ক্যেন গুরি তারা তাত্তে আবিলেচ্ গুরিবাক্ আর পত্তম্ পুয়োবোত্তে যেবাবোত্যেগুরি আবিলেচ্ গরন সেবাবোত্যেগুরি জদবদে গুরি আবিলেচ্ গুরিবাক্।

সখরিয় 2:13

ও বেক্ মানুচ্চুন, তুমি লগেপ্রভুর মুজুঙোত্ অলর্ অ, কিত্যে তে বিচের্ গুরিবাত্তে তার সুদ্ধো-সাংগ থেবার জাগাত্তুন্ নিগিলি এজের্।

লূকে লেখ্যে গম্ হবর্ 3:6

মান্‌জ্যরে পাপত্তুন্ উদ্ধোর্ গুরিবাত্তে গোজেনে যিয়েনি গোজ্যে, বেক্ মানুচ্চুনে সিয়েনি দেগিবাক্।’ ”

যোহন 17:2

তুই তারে বেক্‌ মানুচ্চুনো উগুরে অধিকার্ দুয়োচ্, যেন যিগুনোরে তুই তা আদত্ দুয়োচ্ তারারে বেক্কুনোরে তে উমর্‌অ জিংকানি দি পারে।

যোহন 7:39

যীশু উগুরে বিশ্বেজ্ গুরিনে যিগুনে পবিত্র আত্মাগানরে পেবাক্ সেই পবিত্র আত্মাগান পৌইদ্যেনে যীশু এ কধাগান কলঅ। পবিত্র আত্মাগানরে সেক্কেয়ো দিয়্যে ন-অয় কিয়া সেক্কেয়ো যীশু তা মহিমাগান্ ফিরি ন-পায়।

প্রেরিত্‌ 10:45

যে যিহূদী বিশ্বেজিগুনে পিতর সমারে এচ্চ্যন্ তারা অযিহূদীগুনো উগুরেয়ো পবিত্র আত্মাগানরে দান ইজেবে ঢালি দিয়্যে অলঅ দেগিনে আমক্ ওই গেলাক্।

প্রেরিত্‌ 11:27

ইয়েন ভিদিরে কয়েক্কো ভাববাদী যিরূশালেমত্তুন্ আন্তিয়খিয়াত্ এলাক্।

প্রেরিত্‌ 11:28

তারাত্তুন্ আগাব নাঙে একজনে থিয়্যেইনে পবিত্র আত্মার পরিচালনাই কলঅ, গোদা রোম রেজ্যত্ এক্কো অমকদ ভাদ রাত্ অবঅ। (সম্রাট ক্লৌদিয়র রাজাগিরির্ সময়োত্ সে কধাগান পুরেল।)

প্রেরিত্‌ 2:16

ইয়েন সে ঘটনাগান ধোক্ক্যেন্ যিয়েন কধা ভাববাদী যোয়েলে কোইয়্যে, গোজেনে কোইয়্যেদে,

প্রেরিত্‌ 2:18

এমন্ কি, সে অক্তত্ মর্ চাগর্ আর চাগরানিগুনো উগুরে মুই মঅ আত্মাগান ঢালি দিম্, আর তারা ভাববাদী ইজেবে গোজেনর কধা কবাক্।

প্রেরিত্‌ 2:33

গোজেনর ডেনেদি বঝিবার বাঈনী তারে দান গরা ওইয়্যে আর এগেম্ গোজ্যে পবিত্র আত্মারে তেয়ই গোজেনত্তুন্ পেয়্যে; আর ইক্কিনে তুমি যিয়েন দেগর্ আর শুনোর্ সিয়েন যীশু নিজে দিয়্যে।

প্রেরিত্‌ 21:9

তার্ চের্‌বো গাবুজ্জ্যে ঝি এলাক্। সিগুনে মানুচ্চুনো ইধু ভাববাদী ইজেবে গোজেনর্ কধা কধাক্।

রোমীয় 5:5

এ আশাগানে আমারে লাজত্ ন-ফেলায়, কিয়া গোজেনে তার্ দিয়্যে পবিত্র আত্মালোই আমা মনানি তার্ কোচ্‌পানালোই ভোরেই দিয়্যে।

১ করিন্হীয় 12:28

গোজেনে মন্ডলীত্ পত্তম প্রচারক, দ্বি-লম্বরত ভাববাদী; তিন-লম্বরত্ মাষ্টর্ ইজেবে নেযেয়্যে। সে পরেদি এই বেক্ মানুচ্চুনোরে নেযা ওইয়্যে-যিগুনে আমক্ কাম গুরিবার খেমতা পেইয়োন, যিগুনে পীড়ে গম্ গুরিবার খেমতা পেইয়োন, যিগুনে সাহায্য গুরিবার খেমতা পেইয়োন, যিগুনে পরিচালনা গুরিবার খেমতা পেইয়োন, আর যিগুনে নানান্ ভাষা কবার খেমতা পেইয়োন। বেক্কুনে কি প্রচারক্?

ইব্রীয় 1:2

মাত্তর্ এ দিনুনোর্ শেজদি তে তার্ পুয়োবোরে দিইনে আমা ইধু কধা কোইয়্যে। গোজেনে তা পুয়োবোরে বেক্কানির অধিকারী অবাত্যে বেঈ লোইয়্যে। পুয়োবোরে দিইনে তে বেক্কানি সৃট্টি গুরিলো।

যাকোব 5:3

তমা সনা আর রূবোনিত্ জাঙারে ধোজ্জ্যে, আর সেই জাঙারানিয়ে তমা বিরুদ্ধে সাক্ষি দিবো আর আগুনো ধোক্ক্যেন গুরি তমা য়েরানি হেই ফেলেব। এই শেজ্ দিনুনোত্ তুমি ধন-সোম্বোত্তি থুবেইয়ো।

২ পিতর 3:3

পত্তমে এ কধাগান মনত্ রাগেয়ো, যিগুনোর্ গম কাম পৌইদ্যেনে ঠাট্টা-তামাজা গরানার্ খাচ্চ্যদ্ তারা শেজ্ কালত্ এইনে ঠাট্টা-তামাজা গুরিবাক্। তারা নিজোর্ কামনা-বাচনালোই চলিবাক্,