প্রেরিত্‌ 2:10 - Chakma Bible

¹⁰ ফরুগিয়া আর পাম্‌ফুলিয়া, মিসর আর কুরীণীর কায়কুরে লিবিয়ার কয়েক্কান জাগার মানুচ্চুন, রোম শঅরত্তুন্ যে যিহূদীগুন আর যিহূদী ধর্ম বিশ্বেজি অযিহূদীগুন এচ্চ্যন্ তারা,

প্রেরিত্‌ 2:10 ပူးပေါင်းရင်းမြစ်များ

পত্থম 12:10

কনান দেজত্‌ ভাদঅ রাত্‌ দেগা দিলো। সে ভাদঅ রাত্তো এদক্‌ বেশ্ অলদে, অব্রামে কয়েকদিনোত্তে মিসর দেজত্‌ বজত্তি গুরিবাত্তে গেলঅ।

ইষ্টের 8:17

পত্তি চাগালাত্‌ আর শঅরত্‌ যিয়েনত্‌ যিয়েনত্‌ রাজার উগুম গেলঅ সিদুগোর্ যিহূদীগুনো ভিদিরে হুজির্-ফূত্তির্‌ পরব্‌ পালা অলঅ। অন্য জাদত্তুন্‌ ভালোকজনে যিহূদী ওই গেলাক্‌, কিত্যে তারা যিহূদীগুনোরে দোরেয়োন্‌।

যিরমিয় 46:9

ও বেক্ ঘোড়াগুন, তুমি আক্রমণ গরঅ। ও রথ চালেয়্যেগুন্, ঢাল-বোইয়্যে কূশ আর পুটর মানুচ্চুন্, ধনুবলা লূদীয়গুন, তুমি উজেই যঅ।

যিহিষ্কেল 30:5

কূশ, পূট, লূদ আর বেক্ আরব দেজ্‌‌চান, কূব আর কায়কুরে দেজর্ মানুচ্চুনে যুদ্ধোত্ মিসর লগে মারা পড়িবাক্।

দানিয়েল 11:43

বেক্ সনা-রূবো আর মিসরর বেক্ ধনানি তা গজগত্ এবঅ আর লিবীয়গুন আহ্ কূশীয়গুন তা অধীনোত্ এবাক্।

হোশেয় 11:1

লগেপ্রভু কত্তে, ইস্রায়েল চিগোন অক্তত্ মুই তারে কোচ্‌পেদুং আর মিসরত্তুন্ মর্ পুয়োবোরে ডাগি আন্যং।‌‌‌‌‌‌

সখরিয় 8:20

“এমন সময় এবঅ যেক্কে বোউত্ জাদে আর বোউত্ শঅর আদাম্মেগুনে যিরূশালেমত্ এবাক্;

সখরিয় 8:23

সেই সময়োত্ নানান্ ভাষা আর জাদর্ দশজন মান্‌জ্যে এক্কো যিহূদীর কাবড় কাজাত্ ধুরিনে কবাক্, ‘আঢ, আমি তমা লগে যেই, কিত্যে আমি শুন্যেইদে যে, গোজেনে তমা লগে আঘে।’ মুই বেগত্তুন্ খেমতাবলা লগেপ্রভু এ কধাগান কঙর্।”

মথি লেখ্যে গম্ হবর্ 23:15

ভণ্ড ধর্ম-মাষ্টর আর ফরীশীগুন, অভিশাব্ পোড়োক্ তমার্! বানা এক্কো মান্‌জ্যরে তমা ধর্ম-মজিম্ আনিবাত্তে তুমি দুনিয়ের্ কুদু ন-যঅ। আর তে যেক্কে তমা ধর্ম-মজিম্ এজে সেক্কে তুমি নিজোত্তুন্ তারে বোউত্ বেশ্ গুরি নরগত্ যগাজ্যে গরঅ।

মথি লেখ্যে গম্ হবর্ 27:32

সিয়েনত্তুন্ তারা নিগিলি যেবার্ সময়োত্ সৈন্যগুনে কুরীণী শঅরর্ শিমোন নাঙে এক্কো মান্‌জ্যর্ দেগা পেলাক্ আর সৈন্যগুনে তারে যীশুর ক্রুশ্‌চান বুয়োই নেযেবাত্তে বাধ্য গুরিলাক্।

মার্ক 15:21

নিগিলিনে যেবার্ পধত্ তারা শিমোন নাঙে শঅরর্ এক্কো মান্‌‌জ্যর্ লগে দেগা অলঅ, যিবে দেজর্ শঅরত্তুন্ এজের্ আর সৈন্যগুনে তারে যীশুর ক্রুশ্‌‌চান বুয়োই নেযেবাত্তে বাধ্য গুরিলাক্। শিমোনে অলঅ কূরীণী শঅরর্ মানুচ্ আর আলেক্‌‌সান্দর আহ্ রূফোর বাপ্।

প্রেরিত্‌ 11:20

মাত্তর্ তারাত্তুন্ কয়েকজনে আন্তিয়খিয়াত্ যেইনে গ্রীক ভাষায় কধা কোইয়্যে মানুচ্চুনো ইধুয়ো প্রভু যীশু পৌইদ্যেনে গম্ হবর্ ফগদাং গরা ধুরিলাক্। ইগুনে এলাক্ সাইপ্রাস দ্বীপ আর কুরীণী শঅরর্ মানুচ্‌।

প্রেরিত্‌ 13:1

আন্তিয়খিয়া মন্ডলীত্ কয়েক্কো ভাববাদী আর মাষ্টর্ এলাক্। তারার্ নাঙানি বার্ণবা, নীগের নাঙে পরিচিত শিমোন, কুরীণী শঅরর্ লুকিয়, শাসনগুরিয়্যে হেরোদ সমারে লালন্-পালন্ গোজ্যে মনহেম আর শৌল।

প্রেরিত্‌ 13:13

ইয়েনর্ পরেদি পৌল আর তা সমাজ্যেগুনে পাফো ফেলেইনে জাহাজত্ গুরি পাম্‌ফুলিয়া রেজ্যর্ পর্গা শঅরত্ গেলাক্। যোহনে সেক্কে তারারে ফেলেইনে যিরূশালেমত্ ফিরি গেলঅ।

প্রেরিত্‌ 13:43

মানুচ্চুনে সমাজ ঘরত্তুন্ যানার্ পরেদি বোউত্ যিহূদী আর যিহূদী ধর্ম বিশ্বেজি গোজেনভক্ত অযিহূদী পৌল আর বার্ণবা সমারে সমারে গেলাক্। সেক্কে সেই মানুচ্চুনো সমারে পৌল আর বার্ণবা কধা কলাক্ আর তারারে উচ্চোমি তুলি দিলাক্ যেন তারা গোজেনর্ দোয়্যে ভিদিরে থির্ থান্।

প্রেরিত্‌ 14:24

যেরেদি পৌল আর বার্ণবা পিষিদিয়া রেজ্যর্ ভিদিরেদি পাম্‌ফুলিয়া রেজ্যত্ লুমিলাক্।

প্রেরিত্‌ 15:38

মাত্তর্ পৌলে তারে সমারে নেযানা গম্ বিলিনে মনে ন-গুরিলো, কিয়া মার্কে পাম্‌ফুলিয়াত্ তারারে ফেলেইনে যেয়্যেগোই আর তারা সমারে আর্ কাম্ ন-গরে।

প্রেরিত্‌ 16:6

পবিত্র আত্মাগানে পৌল আর তা সমাজ্যেগুনোরে এশিয়া রেজ্যত্ প্রচার গুরিবাত্তে ন-দিলো। সেক্কে তারা ফরুগিয়া আর গালাতিয়া রেজ্যর্ বেক্‌ জাগানিত্ গেলাক্।

প্রেরিত্‌ 17:21

তারা এ কধাগান্ কলাক্ কিয়া এথেন্সর বেক্ মানুচ্চুনে আর সেই শঅরত্ যে বিদেশীগুনে থেদাক্ তারা বানা নুয়ো নুয়ো বেপারানিলোই কধা কন্ আর শুনিনে সময় কাধেদাক্।

প্রেরিত্‌ 18:2

সিধু আকিলা নাঙে এক্কো যিহূদী সমারে তার্ দেগা অলঅ। পন্ত রেজ্যত্ আকিলার্ জর্ম ওইয়্যে। সম্রাট ক্লৌদিয় বেক্‌ যিহূদীগুনোরে রোম ছাড়ি যেবাত্যে উগুম্ দিয়্যে। সেনত্তে কয়েক্ দিন আগে আকিলা তা মোক্কো প্রিষ্কিল্লারে লোইনে ইটালিত্তুন্ করিন্থত্ এচ্চ্যে। পৌলে তারা ইধু গেলঅ।

প্রেরিত্‌ 18:23

আন্তিয়খিয়াত্ কয়েক দিন কাদানার্ পরেদি তে সিধু লদ্ দিলো আর গালাতিয়া আর ফরুগিয়া রেজ্যর্ এক জাগাত্তুন্ অন্য জাগাত্ ঘুরি ঘুরি শিচ্চ্যগুনোরে বিশ্বেজ্ বাড়েইনে তারারে দরমর গুরিলো।

প্রেরিত্‌ 2:11

ক্রীট দ্বীপ মানুচ্চুন আর আরবীয়গুন-আমি বেক্কুনে দঅ আমার নিজো নিজো ভাষায় গোজেনর মহৎ কামর্ কধা তারারে কধে শুন্ন্যেই।”

প্রেরিত্‌ 23:11

তার্ কেল্যে রেদোত্ প্রভু পৌল কায়কুরে থিয়্যেইনে কলঅ, “সাহসী অ, যিরূশালেমত্ যেবাবোত্যে গুরি তুই মঅ পৌইদ্যেনে সাক্ষ্য দুয়োচ্ সেবাবোত্যেগুরি রোমত্অ তত্তুন্ সাক্ষ্য দিয়্যে পড়িবো।”

প্রেরিত্‌ 27:5

যেরেদি আমি কিলিকিয়া আর পাম্‌ফুলিয়া মুজুঙোত্ যে সাগরান্ এলঅ সেই সাগরান্ পার্ ওইনে লুকিয়া রেজ্যর্ মুরা শঅরত্ লুমিলোং।

প্রেরিত্‌ 28:15

সিধুগোর্ বিশ্বেজি ভেইয়ুনে আমার্ এজানার্ হবরান্ শুন্ন্যন্। পধত্ আমা সমাজ্জ্যে অবাত্তে তারাত্তুন্ কেঅ কেঅ আপ্পিয়েরহাট, কেঅ কেঅ তিন-সরাই আদাম সং এচ্চ্যন্। এ মানুচ্চুনোরে দেগিনে পৌল গোজেনরে ভালেদি জানেল আর তে নিজে উচ্চোমি পেলঅ।

প্রেরিত্‌ 6:5

দলর বেক্কুনোর এ কধাগান গম্ লাগিলো। বিশ্বেজে আর পবিত্র আত্মালোই ভরা স্তিফানরে তারা বেঈ ললাক্। ইয়েন বাদে তারা ফিলিপ, প্রখর, নীকানর, তীমোন, পার্মিনা আর আন্তিয়খিয়া শঅরর্ নিকলায়রেয়ো বেঈ ললাক্। এই নিকলায়ে অযিহূদী ওইনেয়ো যিহূদী ধর্ম পালেদ।

প্রেরিত্‌ 6:9

যে সমাজ ঘরানরে উদ্ধোর্-গোজ্যে মানুচ্চুনোর সমাজ-ঘর কুয়ো অদঅ সেই সমাজ-ঘরর্ কয়েক্কো মান্‌জ্যে স্তিফানর্ পিজেদি লাগিলাক্। তারা এলাক্ কুরীণী আর আলেক্‌জান্দ্রিয়া শঅরর্ আর কিলিকিয়া আহ্ এশিয়া রেজ্যর্ কয়েক্কো যিহূদী।

রোমীয় 1:15

সিয়েনত্তে তুমি যিগুনে রোমত্ আঘঅ তমা ইধুয়ো যীশু খ্রীষ্ট পৌইদ্যেনে গম্ হবর্ প্রচার গুরিবাত্তে মুই আওজি।

রোমীয় 1:7

রোম শঅরর্ যে মানুচ্চুনোরে গোজেনে কোচ্‌পায় আর তার্ নিজো মানুচ্‌ অবাত্যে ডাক্ক্যে তারা বেক্কুনো ইধু, অত্তাৎ তমা ইধু মুই এ চিধিগান লেগঙর্। আমা বাবা গোজেনে আর প্রভু যীশু খ্রীষ্ট তমারে বর্ দুয়োক্ আর সুগ্-শান্তি দান গোরোক্।

২ তীমথিয় 1:17

তে যেক্কে রোমত্ এলঅ সেক্কে মরে জদবদে তোগেইনে মরে পেইয়্যে।

ফগদাং পেইয়্যে 11:8

তারার্ প্রভুরে যে শঅরত্ ক্রুশোত দিয়্যে ওইয়্যে সেই দাঙর্ শঅরানর্ পধত্ তারার কিয়্যেনি পড়ি থেবঅ। সেই শঅরানর্ নাঙান্ সদোম আর মিসরঅ কুয়ো অয়।