প্রেরিত্‌ 19:34 - Chakma Bible

³⁴ মাত্তর্ মানুচ্চুনে যেক্কে কোই পারিলাক্, আলেক্‌সান্দরে যিহূদী সেক্কে বেক্কুনে একসমারে প্রায় দ্বিঘন্টা সং ইয়েন কোইনে রঅ ছাড়িলাক্, “ইফিষীয়গুনোর আর্তেমিস দেবীই মহান।”

প্রেরিত্‌ 19:34 ပူးပေါင်းရင်းမြစ်များ

১ রাজাবলী 18:26

যে বলদ গোরুবো তারারে দিয়্যে অলঅ তারা সিবে কাবিনে যুক্কোল্‌ গুরি নেযেলাক্‌। সে পরেন্দি তারা বেন্যেত্তুন্‌ ধুরি দিবুজ্যে সং বাল দেবেদাবোরে ডাগা ধুরিলাক্‌। তারা রঅ ছাড়ি ছাড়ি কুয়া ধুরিলাক্‌, “ও বালদেব, আমারে জোব্‌ দে।” মাত্তর্‌ কনঅ সাড়া ন-মিলিলো, কনজনে জোব্‌ ন-দিলো। যে ডালিপূজোবো তারা বানেয়োন্‌ সিবের্‌ চেরোকিত্তে তারা নাজা ধুরিলাক্‌।

মথি লেখ্যে গম্ হবর্ 6:7

যেক্কে তুমি তবনা গরঅ সেক্কে অযিহূদীগুনো ধোক্ক্যেন্ অত্ত নেইয়্যে কধা বার্ বার্ ন-কোয়্য। অযিহূদীগুনে মনে গরন, বেশ্ কধা কলে গোজেনে তারার্ তবনাগানি শুনে।

প্রেরিত্‌ 16:20

সে পরেদি তারা শাসনগুরিয়্যেগুনো ইধু তারারে নেযেইনে কলাক্, “এ মানুচ্চুনে আমা শঅরত্ যাগুলুক্ বাজেই দুয়োন। ইগুনে যিহূদী।

প্রেরিত্‌ 19:24

দীমীত্রিয় নাঙে এক্কো সনা বাইন্ন্যা দেবী আর্তেমিসর মন্দিরো ধোক্ক্যেন্ চিগোন চিগোন রূবোর্ মন্দির্ বানেদ। ইয়েনত্ মিস্ত্রিগুনোর্ ভারী লাভ্ অদঅ।

প্রেরিত্‌ 19:26

মাত্তর্ তুমি দেগর্ আর শুনোর্ যে, পৌল নাঙে সে মানুচ্চো আমারে এই ইফিষত্ আর কদঅ গেলে প্রায় গোদা এশিয়া রেজ্যর্ বোউত্ মান্‌জ্যরে বিশ্বেজ্ গোরেনেই তারারে ভুল্ পধেদি নেযেয়্যে। তে কয়দ্যে, আঢে বানেইয়্যে দেব-দেবীগুন কিচ্চু নয়।

প্রেরিত্‌ 19:28

এ কধাগান্ শুনিনে সেই মানুচ্চুনে রাগে জুলি উদিলাক্ আর রঅ ছাড়িনে কুয়ো ধুরিলাক্, “ইফিষীয়গুনোর আর্তেমিস দেবীবো মহান।”

প্রেরিত্‌ 19:33

যিহূদীগুনে আলেক্‌সান্দররে মুজুঙোত্ ঠিলি দিলে পরেদি কয়েক্কো মান্‌জ্যে তারে কোই দিলাক্ কি কুয়ো পরিবো। সেক্কে আলেক্‌সান্দরে মানুচ্চুনো মুজুঙোত্ নিজো পক্ষে কধা কবাত্যে আঢ ইজিরেলোই মানুচ্চুনোরে জুরো গুরিবাত্তে চেষ্টা গুরিলো।

প্রেরিত্‌ 19:35

যেরেদি শঅরর্ এক্কো বিশেষ সরকারী মান্‌জ্যে মানুচ্চুনোরে জুরো গুরিনেই কলঅ, “ইফিষীয় মানুচ্চুন, এ কধাগান্ বেক্কুনে কোই পারন্, মহান আর্তেমিস দেবীর মন্দিরোত্ আর আগাজত্তুন্ তার্ যে মূত্তিবো পোজ্জ্যে তার রোক্ষ্যে গুরিয়্যে অলঅ ইফিষ শঅরান্।

রোমীয় 2:22

তুই কোই থাচ্, “বেগেয়্যে ন-গোজ্জ্য,” মাত্তর্ তুই নিজেই কি বেগেয়্যে ন-গরর্? তুই দঅ মূত্তি ঘিনাচ্, মাত্তর্ তুই কি নিজেই মন্দিরোত্ যেইনে চুর্ ন-গরর্?

ফগদাং পেইয়্যে 13:4

দানপ্পো সেই য়েমান্নোরে খেমতা দিয়্যে বিলিনে মানুচ্চুনে সেই দানপ্পোরে গোজেনর্ সর্মান দিইনে সালাম গুরিলাক্, আর য়েমান্নোরেয়ো সেই এক্কুই ধগে সালাম গুরিনে কলাক্, “এই য়েমান্নো ধোক্ক্যেন কন্না আঘে? আর কন্না বা তা সমারে যুদ্ধো গুরি পারে?”