প্রেরিত্‌ 19:27 - Chakma Bible

²⁷ ইয়েনত্ বানা যে আমার বেবসার সুনাং যেবঅ সিয়েন নয়, মাত্তর্ মহান দেবী আর্তেমিসর মন্দির-অ মিঝে ওই যেবঅ। আর এশিয়া রেজ্যর্ বেক্‌ মানুচ্চুনে, এমন্‌ কি, জগদর্ বেক্কুনে যে দেবীর উবোসনা গরন্ তে নিজেয়ো মহান ন-থেবঅ।”

প্রেরিত্‌ 19:27 ပူးပေါင်းရင်းမြစ်များ

যিশাইয় 44:17

বাদবাগি ভাগ্‌কান্দোই তে এক্কো দেবেদা, অত্তাৎ এক্কো মূত্তি বানেইনে আর মাদিত্ মাঢা নিগিড়িনে তারে জু জু গরে আর পূজো গরে। তে তাইদু তবনা গুরিনে কয়, “মরে উদ্ধোর্ গর্; তুয়ই মর্ দেবেদা।”

সফনিয় 2:11

লগেপ্রভু তারা ইধু অমকদ দর্‌‌গরেপারা অবঅ; তে পিত্‌‌থিমীর বেক দেবেদাগুনোরে বল্‌‌পোজ্যে গুরিবো। সেক্কে দূর দেজর্ বেক জাদর্ মানুচ্চুনে নিজো নিজো দেজত্তুন্ তার্ উবোসনা গুরিবাক্।

মথি লেখ্যে গম্ হবর্ 23:13

ধর্ম-মাষ্টর আর ফরীশীগুন, তমাত্যে কত্তমান দর্‌গরেপারা! তুমি ফক্কর্! তুমি মানুচ্চুনো মুজুঙোত্ স্বর্গ-রেজ্যর্ দোরান্ নাঢি রাগঅ। মাত্তর্ তুমি নিজেয়ো ন-সমঅ আর যিগুনে সুমিবাত্তে চেরেস্টা গত্তন্ তারারেয়ো সুমিবাত্তে ন-দুয়ো।

মথি লেখ্যে গম্ হবর্ 24:14

বেক্ জাদ ইধু সাক্ষি দিবাত্তে স্বর্গ-রেজ্যর্ গম্ হবর্ গোদা পিত্‌থিমীত্ ফগদাং গরা অবঅ আর সে পরেদি শেজ্ সময় আজির্ অবঅ।

প্রেরিত্‌ 19:10

দ্বিবজর এবাবোত্যেগুরি বিদি গেলঅ। সেক্কে যে যিহূদী আর গ্রীক্‌‌কুনে এশিয়া রেজ্যত্ থেদাক্ তারা বেক্কুনে প্রভুর্ কধা শুনিলাক্।

প্রেরিত্‌ 19:21

এ বেক্কানি ঘুদিবার পরেদি পৌলে ঠিগ্ গুরিলো তে ম্যাসিডোনিয়া আর আখায়া ওইনে যিরূশালেমত্ যেবঅ। তে কলঅ, “যিরূশালেমত্ যেবার্ পরেদি মত্তুন্ রোম শঅরত্অ যাহ্ পরিবো।”

১ তীমথিয় 6:5

আর চিগোন মনা মানুচ্চুনো ভিদিরে নিত্য যাগুলুগ্। এ মানুচ্চুনো ভিদিরে গোজেনর্ সত্য নেই; তারা খ্রীষ্টীয় ধর্ম-বিশ্বেজ্‌চানরে এক্কান জগদর্ লাভর্ উপায় বিলিনে মনে গরন্।

১ যোহন 5:19

আমি কোই পারিই আমি গোজেনর্ আর গোদা জগদ্‌তান শদানর্ খেমতার্ তলেদি পড়ি আঘে।

ফগদাং পেইয়্যে 13:3

য়েমান্নোর্ এক্কো মাঢাত্ এমন্‌ এক্কান আঘাত এলঅ যিয়েনত্যে তে মরেদে ধোক্ক্যেন ওইয়্যে, মাত্তর্ সেই আঘাত্তান্ গম ওই যেয়্যে। সেক্কে জগদর্ বেক্ মানুচ্চুনে আমক্ ওইনে সেই য়েমান্নোর্ পিজে পিজে যাহ্ ধুরিলাক্।

ফগদাং পেইয়্যে 13:8

যিগুনে এ পিত্‌থিমীর, অত্তাৎ যিগুনোর্ নাঙান্ ভেড়া-ছবোর্ জিংকানি-বোইবোত্ লেঘা নেই তারা বেক্কুনে সেই য়েমান্নোরে গোজেনর্ সর্মান দিইনে সালাম গুরিবাক্। এই ভেড়া-ছবোরে পিত্‌থিমীগান সৃট্টি গুরিবার আগে মারে ফেলেবাত্যে ঠিগ্ গরা ওইয়্যে।

ফগদাং পেইয়্যে 14:9

ইয়েনর্ পরেদি তিন-লম্বর আর এক্কো স্বর্গদূত তারার্ পিজে পিজে এইনে দাঙর্ গুরিনে কলঅ, “যুনি কেঅ সেই য়েমান্নো আর তা মূত্তিবোরে পূজো গরে আর সিবের্ চিহ্নোগান্ কবালত্ বা আঢত্ লয়,