প্রেরিত্‌ 19:26 - Chakma Bible

²⁶ মাত্তর্ তুমি দেগর্ আর শুনোর্ যে, পৌল নাঙে সে মানুচ্চো আমারে এই ইফিষত্ আর কদঅ গেলে প্রায় গোদা এশিয়া রেজ্যর্ বোউত্ মান্‌জ্যরে বিশ্বেজ্ গোরেনেই তারারে ভুল্ পধেদি নেযেয়্যে। তে কয়দ্যে, আঢে বানেইয়্যে দেব-দেবীগুন কিচ্চু নয়।

প্রেরিত্‌ 19:26 ပူးပေါင်းရင်းမြစ်များ

যিরমিয় 10:11

তুমি মানুচ্চুনোরে কঅ, এই দেব-দেবেদাগুনে আগাজ্‌‌‍‌‍চান আর পিত্‌‌‍‌‍‍‍থিমীগান ন-বানান; তারা আগাজ্‌চানত্তুন আর পিত্‌থিমীর বেক্ জাগানত্তুন্ ভস্ত ওই যেবাক্।‌‍‌‍‍‌‍‌‍‍

হোশেয় 8:6

সেই গোরু ছবো ইস্রায়েল মানুচ্চুনে বানেয়োন। এক্কো কালিগরে সিবে বানেয়্যে; সিবে দঅ গোজেন নয়। শমরিয়ার সেই গোরু ছবোরে ভাঙিনে কট্টা কট্টা গরা অবঅ।

প্রেরিত্‌ 14:15

“সমাজ্যেগুন, তুমি কিত্তে ইয়েনি গরর্? আমি দঅ বানা মানুচ্‌, তমা ধোক্ক্যেন স্বভাব। আমি তমা ইধু গম্ হবরান্ ফগদাং গুরির্ যেন তুমি এ বেক্‌ বাজে জিনিচ্চানি ছাড়িনে জেদা গোজেন ইন্দি ফিরো। তেয়ই আগাজ্, পিত্‌থিমী, সাগর আর সিয়েনি ভিদিরে যেদক্কানি আঘে বেক্কানি বানেয়্যে।

প্রেরিত্‌ 17:29

সালে আমি যেক্কে গোজেনর্ পুয়ো সেক্কে গোজেনরে মান্‌জ্য আঢ্‌তোই আর চিন্তেশক্তিলোই বানেয়্যে সনা, রূবো বা পাত্তর মূত্তি মনে গরানা আমার্ উচিত্ নয়।

প্রেরিত্‌ 18:19

ইফিষ শঅরত্ লুমিনে তে প্রিষ্কিল্লা আর আকিলারে ইরি দিলো। যেরেদি তে নিজে সমাজ-ঘরত্ যেইনে যিহূদীগুনো সমারে যীশু পৌইদ্যেনে কধাবাত্তা কুয়ো ধুরিলো।

প্রেরিত্‌ 19:1

আপল্লো যেক্কে করিন্থত্ এলঅ সেক্কে পৌলে এশিয়া রেজ্যর্ সংমধ্যেন্দি ইফিষত্ লুমিলো। সিধু তে কয়েক্কো শিচ্চ্যরে দেগা পেইনে তারারে পুযোর্ গুরিলো “তুমি যেক্কে প্রভু যীশু উগুরে বিশ্বেজ্ গোজ্জ্য সেক্কে কি পবিত্র আত্মাগান্ পেইয়ো?” তারা তারে কলাক্, “পবিত্র আত্মাগান্ যে আঘে সে কধাগান্ আমি ন-শুনিই?”

প্রেরিত্‌ 19:10

দ্বিবজর এবাবোত্যেগুরি বিদি গেলঅ। সেক্কে যে যিহূদী আর গ্রীক্‌‌কুনে এশিয়া রেজ্যত্ থেদাক্ তারা বেক্কুনে প্রভুর্ কধা শুনিলাক্।

প্রেরিত্‌ 19:25

দীমীত্রিয় সেই মিস্ত্রিগুনোরে আর তারা ধোক্ক্যেন্ অন্য কালিগরুনোরে এক জাগাত্ ডাগিনে কলঅ, “ভেইলগ্, তুমি দঅ কোই পারঅ, এ বেবসালোই আমার আয় বেশ্ গম্ অয়।

১ করিন্হীয় 12:2

তুমি কোই পারঅ, যেক্কে তুমি গোজেনর্ উবোসনা ন-গুরিদা সেক্কে এমন মূত্তিগুনো ইন্দি তমারে টানি নেযা অদঅ যিগুনে কধা কোই ন-পারন্।

১ করিন্হীয় 8:4

এবেরা মূত্তি ইধু উৎসর্ব-গোজ্জ্যে হানা পৌইদ্যেনে কঙর্। আমি কোই পারিই, জগদত্ মূত্তি আজলে কিচ্চু নয় আর গোজেন্অ বানা একজন বাদে আর নেই।

গালাতীয় 4:8

আগে যেক্কেনে তুমি গোজেনরে ন-চিনিদা সেক্কে তুমি যিগুনোরে সেবা গুরিদা তারা আজলে কনঅ দেবেদা নয়।

দ্বি’লম্বর বিররণ 4:28

সিয়েনত্‌ তুমি মান্‌জ্যর্‌ বানেয়্যে তক্তার্‌ আর পাত্তরর্‌ দেবেদা পূজো গুরিবা যিগুনে চেই ন-পারন্‌, ন-শুনোন্‌, হেই ন-পারন্‌, তুম্বাজ্‌ নেযেই ন-পারন।

১ থিষলনীকীয় 1:9

কিয়া তুমি কেধোক্ক্যেন গুরিনে আমারে মানি লোইয়ো মানুচ্চুনে সিয়েন আমারে জানাদন্। তারা আরঅ জানাদন্, তুমি কেধোক্ক্যেন গুরি দেবদেবীগুনোত্তুন্ ফিরিনে জেদা আর সত্য গোজেন ইধু এচ্চ্য যেন তার্ সেবা গুরি পারঅ,

ফগদাং পেইয়্যে 9:20

মাত্তর্ এই আঘাতর্ পরেদিয়ো যিদুক্কুন মানুচ্ বাঁজি এলাক্ তারা নিজো আঢে বানেয়্যে মূত্তিগুনোত্তুন মনানি ন-ফিরেলাক্, তারা ভান্ন্যেই আত্মাগুনোর আর যিগুনে ন-দেগন্, ন-শুনোন্ বা আঢি ন-পারন এবাবোত্যে বেক্ সনা, রূবো, পিদোল, পাথর্ আর গাজ্‌সোই বানেয়্যে মূত্তিগুনোরে পূজো গরানাত্ থেলাক্।