প্রেরিত্‌ 19:21 - Chakma Bible

²¹ এ বেক্কানি ঘুদিবার পরেদি পৌলে ঠিগ্ গুরিলো তে ম্যাসিডোনিয়া আর আখায়া ওইনে যিরূশালেমত্ যেবঅ। তে কলঅ, “যিরূশালেমত্ যেবার্ পরেদি মত্তুন্ রোম শঅরত্অ যাহ্ পরিবো।”

প্রেরিত্‌ 19:21 ပူးပေါင်းရင်းမြစ်များ

আবিলেচ্ 3:37

যুনি লগেপ্রভু উগুম ন-দে সালে কন্না মুয়োদি কোইনে কিজু ঘোদেই পারে?

প্রেরিত্‌ 16:12

সিয়োত্তুন আমি ফিলিপী শঅরত্ গেলং। এ ফিলিপীগান ম্যাসিডোনিয়ার সেই চাগালার্ আজল্ শঅর্। সিদুগো মানুচ্চুনে রোম রেজ্যর্ প্রজা এলাক্। আমি কয়েকদিন সেই শঅরত্ থেলং।

প্রেরিত্‌ 18:12

গাল্লিয়ো যেক্কে আখায়া রেজ্যর্ শাসনগুরিয়্যে এলঅ সেক্কে যিহূদীগুনে বেক্কুনে মিলি পৌলরে ধুরিনে বিচেরত্যে কোদোত্ আনিলাক্।

প্রেরিত্‌ 18:21

সালে সিয়োত্তুন যেবার্ অক্তত্ তে কলঅ, গোজেনর্ আওজ্ অলে মুই আরঅ ফিরি এইম্। সে পরেদি তে ইফিষত্তুন্ জাহাজত্ গুরি লদ্ দিলো।

প্রেরিত্‌ 19:22

পরেদি তে তীমথিয় আর ইরাস্ত নাঙে তার্ দ্বিজন বল্ দিয়্যেরে ম্যাসিডোনিয়াত্ পাধেই দিলো, আর ইন্দি তে আরঅ কয়েক দিন এশিয়া রেজ্যত্ থেলঅ।

প্রেরিত্‌ 19:29

আর দেগদে ন-দেগদে গোদা শঅরান্ যাগুলুগে ভুরি গেলঅ। গাইয় আর আরিষ্টার্খ নাঙে ম্যাসিডোনিয়ার যে দ্বিজন মানুচ্‌ সেক্কে পৌল সমারে যাদন্ মানুচ্চুনে তারারে ধুরিলাক্ আর বেক্কুনে একসমারে তেম্মাঙত্ গেলাক্।

প্রেরিত্‌ 20:16

এশিয়া রেজ্যত্ পৌলর্ যাতে দেরি গরা ন-পরে সেনত্তে তে ঠিগ্ গোজ্জ্যেদে, তে ইফিষত্ ন-থামেইনে তা কায়-কুরেদি যেবগোই। যিরূশালেমত্ লুমিবাত্যে তে হিজেহিচ্চ্যে গুরিলো যেন সম্ভব অলে পঞ্চাশত্তমী দিনোত্ সিধু থেই পারে।

প্রেরিত্‌ 20:22

ইক্কিনে মুই পবিত্র আত্মার্ বাধ্য ওইনে যিরূশালেমত্ যাঙর্। সিধু মঅ উগুরে কি ঘুদিবো সিয়েন মুই হবর্ ন-পাং।

প্রেরিত্‌ 21:17

যিরূশালেমত্ লুমোনার্ পরেদি বিশ্বেজি ভেইয়ুনে হুজি ওইনে আমারে মানি ললাক্।

প্রেরিত্‌ 21:4

সিধুগোর্ শিচ্চ্যগুনোরে তোগেই পেইনে আমি তারা সমারে সাত দিন সং থেলং। সেই শিচ্চ্যগুনে পবিত্র আত্মালোই পৌলরে কোজোলি গুরিলাক্ যেন তে যিরূশালেমত্ ন-যায়।

প্রেরিত্‌ 23:11

তার্ কেল্যে রেদোত্ প্রভু পৌল কায়কুরে থিয়্যেইনে কলঅ, “সাহসী অ, যিরূশালেমত্ যেবাবোত্যে গুরি তুই মঅ পৌইদ্যেনে সাক্ষ্য দুয়োচ্ সেবাবোত্যেগুরি রোমত্অ তত্তুন্ সাক্ষ্য দিয়্যে পড়িবো।”

প্রেরিত্‌ 27:1

জাহাজত্ গুরিনে আমারে ইটালীত নেযানা ঠিগ্ অলে পরেদি পৌল আরঅ কয়েক্কো বন্দীরে যুলিয় নাঙে এক্কো শত উগুরে সেনাপতি আঢত্ দিয়্যে অলঅ। যুলিয় এলঅ সম্রাটর নিজোর্ সৈন্যদলর্ এক্কো শত উগুরে সেনাপতি।

প্রেরিত্‌ 27:24

‘পৌল, ন-দোরেচ্। তত্তুন্ সম্রাট কৈসর মুজুঙোত্ থিয়্যে পরিবো। এ জাহাজ্‌‌চানত্ যিগুনে তঅ সমারে যাদন্ তারার্ বেক্কুনো জিংকানি গোজেনে দোয়্যে গুরিনে দান গোজ্জ্যে।’

প্রেরিত্‌ 28:16

আমি রোমত্ লুমিলে পরেদি পৌলে জুদো ঘরত্ থেবার্ অনুমতি পেলঅ। এক্কো সৈন্য তারে চুগি দিদো।

রোমীয় 1:11

তমারে খেমতাবলা গুরিবাত্তে কনঅ আত্মিক দান যেন তুমি মঅ মাধ্যেমে পেই পার সেনত্তে মুই তমা সমারে দেগা গুরিবাত্তে চাং।

রোমীয় 1:13

ভেইলগ্, এ কধাগান্ হবর্ পেইয়ো, মুই ভালোক্ বার্ তমা ইধু যেবাত্তে চেইনেয়ো এজঅ সং মানা গরদন্। অন্য জাগাত্ অযিহূদীগুনো ইধু প্রচার গুরিনে যেবাবোত্যে ফল পেয়োং, ঠিগ্ সেবাবোত্যেগুরি তমাত্তুন্অ কিজু ফল দেগিবার আজায় মুই তমা ইধু যেবাত্তে চেইয়োং।

রোমীয় 1:15

সিয়েনত্তে তুমি যিগুনে রোমত্ আঘঅ তমা ইধুয়ো যীশু খ্রীষ্ট পৌইদ্যেনে গম্ হবর্ প্রচার গুরিবাত্তে মুই আওজি।

১ করিন্হীয় 16:5

ম্যাসিডোনিয়া রেজ্যন্দি গুরি মুই তমা ইধু এম্, কিয়া মুই ম্যাসিডোনিয়া ভিদিরেদি যেম্।

১ করিন্হীয় 4:19

মাত্তর্ প্রভুর আওজ্ অলে মুই সবরে তমা ইধু এম্। যিগুনে দেমাগে ফুলি উত্ত্যন্ তারার কধাবাত্তানি শুনিবাত্যে ন-এম্, মাত্তর্ তারার্ খেমতাগান কত্তমান সিয়েন চেবাত্যে এম্।

২ করিন্হীয় 10:16

সেক্কে তমাত্তুন্ যেইনে আরঅ দূরোর্ জাগানিত্-অ গম্ হবর্ প্রচার গুরি পারিবোং। ইয়েনত্যে কেঅ কোই ন-পারিবাক্ যে, অন্য মান্‌জ্যে যিয়েনত্ কাম্ গোজ্জ্যন্ তারার্ সিধুগোর্ কামানিত্যে আমি দেমাগ্ গুরির্।

গালাতীয় 2:1

চৌদ্দ বজর্ পরে মুই বার্ণবা লগে আরঅ যিরূশালেমত্ গেলুং, আর তীতরেয়ো সমারে লোলুং।

১ থিষলনীকীয় 1:7

ইয়েনত্ ম্যাসিডোনিয়া আর আখায়া রেজ্যর বেক্‌ বিশ্বেজিগুনো ইধু তুমি এক্কান আদর্শ ওইয়ো।