প্রেরিত্‌ 19:18 - Chakma Bible

¹⁸ যিগুনে প্রভু যীশু উগুরে বিশ্বেজ্ গোজ্জ্যন্ এবাবোত্যে বোউত্ মানুচ্ সেক্কে এইনে খুলোমেলাগুরি তারার্ ভান্ন্যেই কাম পৌইদ্যেনে স্বিগের্ গুরিলাক্।

প্রেরিত্‌ 19:18 ပူးပေါင်းရင်းမြစ်များ

গীতসংহিতা 32:5

সেক্কেনে মঅ পাপ্পান্ মুই তইদু স্বীগের্ গুরিলুং, মঅ অন্যেয়ান্ মুই আর্ ঢাগি ন-রাগেলুং। মুই কোইয়োংগে, “মর্ উল্লোমির কধা মুই লগেপ্রভু ইদু স্বীগের্ গুরিম।” সেনত্তে পাপর্ কারনে মঅ দুষ্‌ছানি তুই খেমা গুরি দিলে।

গম্ উপদেজ্ 28:13

যে মানুচ্চো নিজোর পাপ গুমুরোত্ রাগায় তার ভালেদি ন-অয়, মাত্তর্ যে সিয়েনি স্বিগের্ গুরিনে ছাড়ি দে তে দোয়্যে পায়।

যিরমিয় 3:13

তুই বানা তঅ দুষ্‌চানি মানি নেযা, তর্ গোজেন লগেপ্রভুর বিরুদ্ধে তুই উল্লোমী গোজ্যস্, ডেলাপাদা ছিদি পোজ্যে বেক্ য়েল্ গাজর্ তলে দেব-দেবেদাগুনোরে তর্ কোচ্‌‌‌পানাগান্ দান গোজ্যস্ আর মঅ কধার বাধ্য ন-অচ্।

যিহিষ্কেল 16:63

মুই যেক্কে তর্ বেক অন্যেয়ানি খেমা গুরিম সেক্কে তুই সেই বেক্ অন্যেয় কামানির্ কধা ইদোত্ তুলিনে লাজেবে আর তর্ অসর্মানত্তে আর কনদিন্‌অ মুয়োন ন-খুলিবে। মুই প্রভু লগেপ্রভু এ কধাগান কঙর্।”

যিহিষ্কেল 36:31

সেক্কে তমার্ ভান্ন্যেই আচার-বেবহার আর বজং কামানির্ কধা তমাত্তুন্ ইদোত্ উদিবো আর নিজোর্ পাপ আর জঘন্য কামানিত্তে নিজে নিজোরে ঈচ্ গুরিবা।

লেবীয় 16:21

তে তার্‌ দ্বিয়েন্‌ আত্‌ সে জেদা ছাগল্লো মাদা উগুরে রাগেব আর ইস্রায়েলীয়গুনোর্‌ বেক্‌ অন্যায় আর অবাধ্যগানি, অত্তাৎ তারার্‌ বেক্‌ পাপ্পানি কাম্‌ হেইনে সিয়েনি ছাগল্লোর মাদা উগুরে চাবি দিবাক্‌। সে পরেদি এ কামত্তে যুক্কোল্ ওই আঘে এধোক্ক্যেন এক্কো মান্‌জ্যরে দিইনে তে সিবে ধূল্যেচর-চাগালাত্‌ পাদেই দিবো।

লেবীয় 26:40

“মঅ উগুরে অবিশ্বেজর্‌ আর বিপক্কত্তে মুই তারার্‌ বিপক্ষে যেইনে শত্রুগুনোর্‌ দেজত্‌ তারারে নেযেম্‌। মাত্তর্‌ সিয়েনত্‌ যুনি তারা নিজোর আর তারার্‌ আগমানুচ্চুনোর সেই বেক্‌ দুষ্‌চানি কাম্‌ খান আর তারার অবাধ্য মনান্‌ নরম গরে আরঅ তারার্‌ দুজোর্‌ সাজা মানন্‌,

মথি লেখ্যে গম্ হবর্ 3:6

এই মানুচ্চুনে নিজোর্ পাপ্‌‌পানি স্বীগের্ গুরিলাক্ আর সেক্কে যোহনে যর্দন গাঙত্ তারারে বাপ্তিষ্ম দিলো।

প্রেরিত্‌ 19:17

এ হবরান্ যেক্কে ইফিষত্ বজত্তি গুরিয়্যে যিহূদী আর গ্রীক্‌‌কুনে জানি পারিলাক্ সেক্কে তারা বেক্কুনে অমকদ দোরেলাক্, আর প্রভু যীশু নাঙানর্ জদবদে বাঈনী অলঅ।

প্রেরিত্‌ 19:19

যিগুনে যাদুর্ খারা দেগেদাক্ তারাত্তুন্ ভালোকজনে তারার্ বোই-পুস্তক্ এক সমারে এগত্তর্ গুরিনে বেক্কুনো মুজুঙোত্ সিগুন পুড়ি দিলাক্। বোইয়ুনোর দাম ইজেব্ গুরিনে দেগা গেলঅ পঞ্চাশ আজার্ দীনার্।

রোমীয় 10:10

কিয়া মনেদি বিশ্বেজ্ গরানার্ ফলে গোজেনে মান্‌জ্যরে নিদ্দুজি বিলিনে মানি লয় আর মুয়োদি স্বিগের্ গরানার্ ফলে পাপত্তুন্ উদ্ধোর্ গরে।

যাকোব 5:16

ইয়েনত্যে তুমি একজন আরেকজন ইধু পাপ স্বীগের্ গরঅ আর একজন আরেক জনত্যে তবনা গরঅ, যেন তুমি গম ওই পারঅ। গোজেনর্ আওজ্ মজিম যে চলে তার তবনাগানির্ জোর্ আঘে বিলিনে সিয়েনে ফল দে।

১ যোহন 1:9

আমি যুনি আমার পাপ্পানি স্বিগের্ গুরিই সালে তে সেক্কেনে আমার পাপ্পানি ক্ষেমা গরে আর বেক্‌ অন্যেয়ত্তুন্ আমারে সিজি গরে, কিয়া তে বিশ্বেজ্‌বলা আর কনদিনঅ অন্যেয় ন-গরে।