প্রেরিত্‌ 19:12 - Chakma Bible

¹² তার্ বেবহার গোজ্জ্যে গাম্‌‌ছা আর কিয়্যের্ কাবড়ান্ পিড়েল্ল্যেগুনো ইধু নেযেলে পরেদি তারার্ পিড়েগানি গম্ ওই যেদঅ আর ভান্ন্যেই আত্মাগুনেয়ো ছাড়ি যেদাক্।

প্রেরিত্‌ 19:12 ပူးပေါင်းရင်းမြစ်များ

মথি লেখ্যে গম্ হবর্ 4:24

গোদা সিরিয়া দেজত্ তা কধা ছিদি পড়িলো। যিদুক্কুন মান্‌জ্যে নানান্ বাবোত্যে পীড়েত্ আর অমকদ যন্ত্রনাত্ দুঘ্ পাদন্, যিগুনোরে ভান্ন্যেই আত্মায় ধোজ্যে আর যিগুনে মির্‍‍‍গি আর অবস্ রুগোত্ ভুগোদন, মানুচ্চুনে তারারে যীশু ইধু আনিলাক্। তে তারারে বেক্কুনোরে গম্ গুরিলো।‍

মার্ক 16:17

যিগুনে বিশ্বেজ্ গরন্ তারা ইধু এ চিহ্নোগান্ দেগা যেবঅ-মঅ নাঙে তারা ভুদ্ ধাবেবাক্, তারা নুয়ো নুয়ো ভাষায় কধা কবাক্,

প্রেরিত্‌ 5:15

প্রচারক্কুনে যিয়েনি গোজ্যন্ সিয়েনি দেগিনে মানুচ্চুনে খাদ উগুরে আর পাদি উগুরে গুরিনে পিড়েল্ল্যেগুনোরে আনিনে পধে পধে থুয়ো ধুরিলাক্, যেন পধেদি যেবার অক্তত্ পিতর ছাবাগান্ অলেয়ো তারা কারঅ কারঅ উগুরে পড়ে।