প্রেরিত্‌ 19:1 - Chakma Bible

^1-2 আপল্লো যেক্কে করিন্থত্ এলঅ সেক্কে পৌলে এশিয়া রেজ্যর্ সংমধ্যেন্দি ইফিষত্ লুমিলো। সিধু তে কয়েক্কো শিচ্চ্যরে দেগা পেইনে তারারে পুযোর্ গুরিলো “তুমি যেক্কে প্রভু যীশু উগুরে বিশ্বেজ্ গোজ্জ্য সেক্কে কি পবিত্র আত্মাগান্ পেইয়ো?” তারা তারে কলাক্, “পবিত্র আত্মাগান্ যে আঘে সে কধাগান্ আমি ন-শুনিই?”

প্রেরিত্‌ 19:1 ပူးပေါင်းရင်းမြစ်များ

প্রেরিত্‌ 18:1

ইয়েনর্ পরেদি পৌলে এথেন্স ফেলেইনে করিন্থ শঅরত্ গেলঅ।

প্রেরিত্‌ 18:8

সমাজ-ঘরর্ নেতা ক্রীষ্প আর তা ঘরর্ বেক্কুনে প্রভু উগুরে বিশ্বেজ্ গুরিলাক্। ইয়েন বাদে করিন্থীয়গুনো ভিদিরে ভালোকজনে পৌল কধা শুনিনে বিশ্বেজ্ গুরিলাক্ আর বাপ্তিষ্ম ললাক্।

প্রেরিত্‌ 19:17

এ হবরান্ যেক্কে ইফিষত্ বজত্তি গুরিয়্যে যিহূদী আর গ্রীক্‌‌কুনে জানি পারিলাক্ সেক্কে তারা বেক্কুনে অমকদ দোরেলাক্, আর প্রভু যীশু নাঙানর্ জদবদে বাঈনী অলঅ।

প্রেরিত্‌ 19:26

মাত্তর্ তুমি দেগর্ আর শুনোর্ যে, পৌল নাঙে সে মানুচ্চো আমারে এই ইফিষত্ আর কদঅ গেলে প্রায় গোদা এশিয়া রেজ্যর্ বোউত্ মান্‌জ্যরে বিশ্বেজ্ গোরেনেই তারারে ভুল্ পধেদি নেযেয়্যে। তে কয়দ্যে, আঢে বানেইয়্যে দেব-দেবীগুন কিচ্চু নয়।

প্রেরিত্‌ 20:16

এশিয়া রেজ্যত্ পৌলর্ যাতে দেরি গরা ন-পরে সেনত্তে তে ঠিগ্ গোজ্জ্যেদে, তে ইফিষত্ ন-থামেইনে তা কায়-কুরেদি যেবগোই। যিরূশালেমত্ লুমিবাত্যে তে হিজেহিচ্চ্যে গুরিলো যেন সম্ভব অলে পঞ্চাশত্তমী দিনোত্ সিধু থেই পারে।

প্রেরিত্‌ 20:18

তারা সিধু লুমিলে পরেদি পৌলে তারারে কলঅ, এশিয়া রেজ্যত্ এজানার্ পরেদি পত্তম্ দিনোত্তুন্ ধুরি নিত্য তমা সমারে মুই কেধোক্ক্যেন্ গুরি কাদেয়োং সিয়েন দঅ তুমি হবর্ পঅ।

প্রেরিত্‌ 21:29

তারা এ কধাগান্ কলাক্ কিয়া তারা আগে ইফিষীয় ত্রফিমরে পৌল সমারে শঅরত্ দেক্ক্যন্। সেনত্তে তারা মনে গোজ্জ্যন্, পৌলে ত্রফিমরে উবোসনা-ঘরত্-অ আন্ন্যে।

১ করিন্হীয় 1:12

মুই এ কধাগান্ কবার্ চাঙত্তে, তমা ভিদিরে কেঅ কন্দে, “মুই পৌল দলর্”; কেঅ কন্দে, “মুই আপল্লো দলর্”; কেঅ কন্দে, “মুই পিতর দলর্”; আরঅ কেঅ কন্দে, “মুই খ্রীষ্ট দলর্।”

১ করিন্হীয় 15:32

ইফিষত্ ঝার্‌বো এ্যামানুনো সমারে মত্তুন্ যে লড়াই গরা পোজ্জ্যে, সিয়েন যুনি বানা জাগতিক্ উদেচ্চ্য নিইনে গুরি থাং, সালে সিয়েনত্ মর্ কি লাভ ওইয়্যে? মরাগুনোরে যুনি জেদা গুরিনে তুলো ন-ওই থায় সালে চলেত্তে কধা মজিম, “এজঅ, আমি হানা-দানা গুরিই, কিয়া কেল্ল্যে দঅ আমি মুরিবোং।” তুমি ভুল্ ন-গোজ্জ্য।

১ করিন্হীয় 16:12

মুই এবেরা ভেই আপল্লো পৌইদ্যেনে কঙর্। মুই তারে বোউত্ কোজোলী গোজ্জ্যং যেন তে ভেইয়ুনো সমারে তমা ইধু যায়, মাত্তর্ ইক্কিনে তে কনঅ বাবদে যেবাত্তে ন-চেলঅ। যেরেদি জু পেলে তে যেবঅ।

১ করিন্হীয় 16:8

পঞ্চাশত্তমী-পরব্‌অ সং মুই ইফিষোত্ থেম্,

১ করিন্হীয় 4:6

ভেইলগ্, তমা উপকারত্যে মুই মর্ নিজোর আর আপল্লোর্ উদাহরণ দিইনে এ বেক্‌ কধানি কলুং, যেন তুমি আমাত্তুন্ শিগি পার যে, পবিত্র বোইবোত্ যিয়েন লেগা আঘে সিয়েনর্ বারেদি যানা উচিত্ নয়। সালে তুমি একজনরে ফেলেইনে আর একজনরে নিইনে বাড়্ ন-গুরিবা।

ইফিষীয় 1:1

মুই পৌল গোজেনর্ আওজে খ্রীষ্ট যীশুর্ এক্কো দূত। ইফিষ শঅরত্ যিগুনে গোজেনর্ মানুচ্ আর খ্রীষ্ট যীশু উগুরে বিশ্বেজি তারা ইধু মুই এ চিধিয়ান লেগঙর্।